السلام عليكم ورحمة الله وبركاته.
شباب كيفكم ان شاء الله بخير
المهم ندخل في اساس الموضوع انا موتري كابريس 2011
الي جنني فيه الحين يوم امشي على فوق 100 الموتر يبدا يموج في الخط احسه من الخلف والامام يرمي يمين ويسار بذات مع النزلات والطلعات الي تجي في الخط طبعا وعجزت من الي ما يخافون الله ويقولون مهندسين كل يوم يطلعو بشي واصلحه ونفس المشكلة ما تروح والطارة اححس فيها فضاوة اذا حركت يمين ويسار بحركة سريعة احس بجسم السيارة يموج معي موب ثابت
وسويت وزن الكتروني لها طلع كل كفر طالع عن مساره ابعد شي وضبطنا واول ما اطلع من الميزان على طول اختلفت الوزنية عجزت فالموتر :a1120(82):
النقطه الثانيه فوق سرعة 80 لين 90 اذا اكلت مطب احس في رجه في الطاره غريبه اما فوق السرعه ذي او تحتها تجي شبه اخف هل في احد جاته هذي الحاله وعرف وش مشكلتها*
، وتجي طقة تحت من ناحية الامام يمين صوب الهوب كل ما جيت عند مطب صناعي واحس انها تزيد كلما بديت اشد على الموتر بعد ما اطلع وانزل من المطب الصناعي
الي مرت عليه هالسالفه لا يبخل عليه بعلوماته وبذات في شغلة التمويج هذي لانها رافعه ضغطي
