عبث السيارات الكورية بالامان + انصح بعدم الشراء

الكوري مايعطيك مواصفات الامان الى بسياراتهم الفخمه مثل جينسس و كوريس و سنتينال اعتقد بس هاذي اما الباقيه مواصفات امان ضعيفه

وحتى الاعتمادية لازالت دون المطلوب اعطيكم سالفة احد الاقارب اشترى على ايام 97 دايو سيالو للي يتذكرونها وقتها كان وكيلها الزاهد اخذها بسعر رخيص كل الناس نقدو عليه واللي يقول لو اخذت تيرسل واللي يقول صني هو انغر بالسعر الرخيص طبعا والله يمكن ثاني سنة طلعت روحة والوكيل مايوفر قطع الا بالانتظار يعطيك موعد على بال ماتوصل القطعة وقطعها ناااااار بعد البهذلة يالله يالله تخلص منها وشطب على اي شئ اسمه كوري طبعا بعد سنوات شائت الاقدار واشترى لواحد من عياله اللنترا سيارة للمدرسة والبيت ويقول على طول تذكرت الدايو الكوري فنيا ماتطور تطور شكليا فقط وهو بعد ماجرب الالنترا وسير على الصناعية والورش ويقول سبحان الله نفس المشاكل والسلبيات اللي كنت اواجهها بالدايو

لا اله الا الله

ومع ذلك تضل ناقصه !!


وين الستائر الجانبيه ولا السيارات ماتتعرض للإنقلاب

وتشمل متطلبات السلامة التي تمت إضافتها الإلزام بوجود وسائد هوائية للراكب الأمامي، إضافة إلى الإلزام السابق بالوسائد الهوائية للسائق، وكذلك نظام منع انغلاق المكابح "ABS" ونظام الثبات الإلكتروني "ESC" ونظام التوقف الذكي للمكابح "BOS" بداية من موديلات 2017، حيث كانت بعض هذه المتطلبات اختيارية في اللائحة السابقة.

وخذ هذا الخبر قبل اكثر من سنة
وننتظر ونشوف

http://www.alriyadh.com/1070314

كلامك سليم ياغالي
أنا سبق وكتبت رد عن مهزلة الأمان في السيارات الكورية ، حتى اني بحثت عن سوناتا 2014 قبل كم سنة في المعارض وحصلت المجدوعي والوعلان وكلهم نفس بعض في مواصفات السلامة : ايرباق واحد فقط ؟؟؟ من غير abs او اي مواصفات اخرى
واذا تبغى مواصفات السلامة كاملة تشتري الفل ب95000 ريال؟؟؟؟
يعني مهزلة أين وزارة التجارة وهيئة المواصفات والمقاييس... لماذا لايلزمون الوكلاء بمواصفات السلامة الأساسية

المسؤول اولا واخيرا هي الشركة المصنعة.. وهي بهذا الشكل لاتحترم المستهلكين.

والآن يجب الضغط عليها من وزارة التجارة ولاتدخل اي سيارة الا بمواصفات سلامة أساسية سواء السيارة ستاندرد او فل اوبشن.
وسلامتكم.

احســــــنت

باقي تبررون ان العيب بالوكلاء ؟

العيب اولا واخيرا من الشركة نفسها لو تحترم المستهلك وتقدر حياته مارضيت تطلع من مصانعها خرد ب 1 ارباق وبدون abs زي الوضع المزري الا نشوفه مع السيارات الكورية ..! على كرهي لتويوتا وتلفيقها الا انها من السوح فيها 2 ارباق + abs + ebd
هونداي انت وحظك عا حسب الوارد بعضها فيها abs وبعصها بدون
وكيا اللعن الأوبتيما شكل 2011 الى 2015 هل يعقل ان الabs حكر على الفل ؟ يعني الأستاندر والنص كلها مافي abs و 1 ارباق .!
شركات تقدر المستهلك وارفع القبعة لها احتراما
هوندا على الرغم من اسعار سياراتها الفاحشة الا انها ابداا ماترضى تجيب لك سوح ب 1 ارباق وبدون abs
الأكورد من السوح للفل فيها abs و esp و ebd و تراكشن كنترول (مانع انزلاق) وارباقات امامية وجانبية وستائرية
سوبارو على الرغم من وكيلها الضعيف وضعف الأنتشار بشكل عام الا ان سياراتها من السوح فيها كل التجهيزات
7 ارباق + abs و esp و ebd و تراكشن كنترول ونظام التوقف بالمنحدرات وغيرها مازدا بدأت تبدع من 2014 مع المازدا 6 ب 66 الف فقط فيها
6 ارباق + esp + ebd + abs
جيلي على الرغم من تحسس البعض من كلمة( صيني )وعدم تقبلها الا انني احترمها
اسعار رخيصة + امان كامل والكمال لله
سيارة الــEC7 سيارة بحجم الكرولا فيها
10 ارباق + ABS + EBD وسعرها لا يتجاوز 45 فيه سيارة بحجم الكرولا من شركة ثانية تجي ب 10 ارباق ؟ مستحيل
امجراند gt تجي ب 10 ارباق + abs + esp + trc + epb + hac ونسبة الفولاذ في هيكلها 58%
العيب اولا من الشركة الصانعة انما الوكيل فقط عرف ان الشركة ماهمها تطلع من مصانعها بكم ارباق فا استغل الفرصة باستيراد سيارات معوقه وخطر على الأنسان

لم انكر ان الناس احرار فيما يشترون
ولو قرأت الردود لا تجد انني وضحت هذا الشيء


للمرة المليون المشكلة لا يتحملها الوكيل فقط
يعني تبي تنقعني ان الجميح او وكيل فورد ماودهم يجيبون مواصفات امان سيئة ومشلحة؟
هو اكيد وده لكن الشركة الام فورد ما تسمحله وتطاوعة لانها ببساطة تحترم عملائها


الكورولا واليارس على عدم اقتناعي بهم ونعم سعرهم مرتفع
لكن ماجابولي بسيارة بدون ABS وايرباق واحد !!

اعتقد بعض الأخوة قد وضحوا سبب واضح وهو الوكيل , أما عن كلامك بسبب بعض الناس يشتريها أيضا لماذا لم تقيس هذا الكلام على بعض السيارات اللي البعض رافعها فووق وعاطيها أكبر من حجمها كالكراتين من شركة تويوتا الكورولا واليارس ومنهم على شاكلتها .....في النهاية أقولك الناس أحرار في اختيار مايشترون

أشكرك ع هذه موضوع

وترى يوم أحد يتكلم عن هذي المواضيع يأثر ع المستهلك بطريقة جيدة كونه البعض يدور رخيص بسب عدم مقدرة أو أمكانيات محدودة

أول مايبدأ تدوير عن سيارة ...خاصة شباب راح يمرون ع مثل هذي المواضيع.... (عن طريق بحث في قوقل )

يوم يقرأ في منتدى عندنا أنه سيارة ناقصة مواصفات أمان راح يتأكد من وكيل وقد يكون سبب في تراجعة عن سيارة وهذا مطلب..

بس الأهم أن كل واحد يكون فاهم شو أشترى مش بس سيارة مشي حالك فيها

أذكر إيبيكا كانت عندي نصف مواصفات ....فيها أيرباقين ABS + EPS كان بريك فيها روعة ...كم شاريها 49 ألف بعد خصم

واحد من أخواني كان عنده سيارة يابانية باعها وأشترى لومينا بسب أنه جرب سيارتي في يوم ممطر وقال بالحرف الواحد سيارتك ما شاء الله ماسكة في شارع كأنه ما فيه مطر .

أما أف جي في بريك فاشل بكل صراحة ههههههه

السلام عليكم...اعتقد سببها الوكيل....انا عندي ازيرا على كد الحال!!وارد امريكي فيها 12 ايرباق...تحياتي

في أخطاء تتحملها هيونداي وفي أخطاء يتحملها الوكيل

ومن المفروض ان الوكيل يطلب السيارة بكل الوسائد الهوائية و ال ABS والأمورالثانية


تخيل ان هيونداي ما تحط حتى لمبت تحذير البنشر (( إنخفاض مستوى الهوا في الكفر ))


اما في أمريكا والدول الثانية موجودة المبه في جميع انواعها


ما نقول إلا الله المستعان

اهلا بك
هناك خيارات كثيرة حاليا وبسعر معتدل
الاسعار المعتدلة لم تعد حكرا على الكوري مثل ايام 2011

والله كلامك صحيح اخي العيب على شركة السيارة المصنعة كيف تقبل تطلع سيارة بدون امان

صحيح كلامك وبعض دول اوروبا وايضا اليابان

أنظر كيف أجبرت الإكسيبديشن الناس على شراءها ودخلت السوق بقوة خلال 5 سنوات
رسم بياني: حصص سيارات الدفع الرباعي بالسعودية 2011-2015 ‏( 1 2 3 )
مع عدم تفضيلي للإكسيبديشن إلا أنه نجح في دخوله لهذا التنافس فهذا ما أريده
الناس بعض الأحيان ما تبغى الرخيص كما في الصني
وعلى النقيض بعض الأحيان تبغى الرخيص كما في الإكسيبديشن