مسكت الخط من الدمام لمكة على السيارة كرايسلر لون ذهبي ,,
الطريق ماكان فيه غبار وكنت مثبت السرعه على 135 فالروحه والرجعه.
فالروحة حطيت على الواجهه والصدام شمبو الاطفال جونسون ولما وصلت مكة غسلت السيارة بالمغسلةوراح ومفعوله جيد نوعاً ما في الحماية.
اما فالعوده اشتريت من مكة التغبيرة لون اسود الي من محلات الزينة نفس ذي الصورة
وحطيتها على كامل الصدام والواجهه للموتر وبعد ماوصلت الدمام مباشرة غسلت الموتر والمصيبة انه ماراح مع الغسيل جهة الصدام ,,
لدرجة ان السيارة فيها لمعه من جميع الجهات الا الصدام عليه بقايا من التغبيرة وصار لونه باهت وسيئ جداً ومايروح مع الغسيل والصابون ,,
حكيته باصبعي بقوة وراح الجزء الي حكيته على الصدام لكن تخبرون صعب جداً اقطع اصبعي على كامل الصدام :bigggrin:
المهم هذي صورة الصدام وتلاحظون النقاط وبقايا التغبيرة صايرة في الحواف حقت اللمبات ..
السؤال هل توجد طريقة اني اشيل بقايا التغبيرة من الصدام او توجد منظفات معينة في ساكو او محلات الزينة تسهل العملية وفي نفس الوقت ماتعدم البوية؟ ارجو ان تكون حاجات مجربة
واذا في مغسله معينة توصوني فيها بالدمام او الخبر مختصة بهالامور ياليت احد يدلني ويكون اسعار كويسة ,, لان تعبنا من هالنصابين محلات التلميع.
