احيانا وحنا ماشين في الشارع نشوف واحد راكب جيب لكزس وعلى طول نقول ياحظه من قده . لكن انا اقوله ان ا الجيب مثل الددسن بالضبط في مدينة الرياض انا اقولكم كيف : اذا الجيب سريع فنا اقول لصاحبه لاتفرح رادرات المرور ماتفرق بين ددسن ولطزس لانها ببساطه راح (تكفشك) اذا تجاوزت السرعه المحدده فكيف تتمتع بالسرعه مع العلم ان احسن شارع للسرعه بالرياض هو طريق المطار. عندها بتشوف خوينا راعي الددسن بجنبك صافق الطبلون . ثانيا : اذااللكزس فخم ومريح فأنا اقول لصاحبها لاتصدق نفسك أسوأ حركه مروريه في المملكه موجوده في الرياض مع العلم ان اغلب الي يسوقون بنقل وباكستانيه وهنود يا حادينك ياصادمينك ولا مالين الشوارع من الليموزينات الي كل يوم تطلع دفعه جديده مع طلوع (تاجر ) جديد ولا انسا طيب الذكر طريق خريص الي يجيب السرطان مو بس الضغط والسكر . نشوف كل صباح حادث والي يتصادمون فيه عليهم قوة وجوه ماشفتها في حياتي يجيك معطل الاف البشر وراه على شان لمبة سيارته مكسوره ولايتحرك لين يجي المرور العزيز ويقرر من المخطيء .. ولايهون الدايري الشرقي ولا طريق الملك فهد ايضا لاتنسى ياعزيزي صاحب اللطززس ان اكثر شوارع في المملكه تجرى عليها عمليات (قص ولزق ) هي في الرياض كل يوم شايفين حفريات جديده تجلس اقل شي شهر شهرين وبعد مايخلصو ونقول الحمدلله نتفاجأ انهم نسو لمبه لهم كانو حاطينها في الليل داخل الحفره ثم رجعو فتحو الشارع من جديد . بالاضافه لوجود ألاف المطبات الصناعيه والحفر الي تعدم السياره وتخلخل توازنها فأي راحه ترجوها ياصاحب اللكزس يعني المراتب الجلد المتحركه والسقف الشامواه ماراح يغيرو شي . يمكن الددسن اريح على الاقل قماش مخمل وقاسي يحافظ على العمود الفقري ويدعمه. ثالثا اذا على المكيف فلاتنبسط ياراعي اللكزس لأن صيف الرياض غييير ماينفع فيه أي مكيف بالعالم اش الفايده بعد البراد المنعش بعد ماتفتح الباب بتستقبلك ريا ح السموم الي تشلوط مسامات وجهك وتعمل منه احجار ركاميه بفعل رياح التعريه .يمكن مكيف الددسن احسن لأن تعبية الفريون ب 40 ريال وأحلى انتعاش من مكيف الددسن واسألو خبير .رابعا اذا على الشكل الخارجي فاأنا اقول لصاحب اللطزس . لاتغتر واجد ترى كأنه لاندكروزر وراشينه بلونين على الاقل الددسن لون واحد واااااه على ال GL
......عرفتو ليش الحين اللكزس في الرياض مثل الددسن
