السلام عليكم ،، كل عام وانتم بخير وينعاد علينا وعليكم بصّحه والعافيه
كيفكم ي اكلات اللحوم 😹😹؟
الزززبده بما ان الشركات والوكالات عندها اجازه ف حبيت اخذ بعض اجوبتكم لأستفساراتي عشان بعد الحج بيني ويين الجبر كلام ثاني :a1120(82):
تقريباً الكادينزا صارت معي سنه وشهرين او ثلاث أقسم بالله الشي اللي حقوله للسياره مو مبالغه ولا مدح لها لكن والله العظيم سياره طرررب و خدوم لكن على قولتهم لكل فارس كبوه < مدريي شدخلها خخ..
سلبيه الكادينزا المكككيييف المكييييف المكييييف اتوقع 70٪ من السيارات يتشكون من المكيف اذا وقفتها وهي شغاله المكيف يقلب هوا حار.. لكن اللي ملاحظه بعض الاحيان المكيف ثللللج سواءاً وقفته او تمشي < طبعاً ف الكادينزا لو تمشي يرجع يبرد ولا يقلب حار ناس قالت غير الكومبرسر وناس قالت غير فلتر المكيف ..
لكن بعد تمعّن اكتشفت ان المشكله من بلف المكيف وسبب الهوا الحار هو لما توقف السياره وهي شغاله المكيف يفصل ف يطلع هوا عشوائي "حاار" واذا مشيت يشبك .
طبعاً للأسف رحت للصيانه الجبر فرع بريده ف القصيم لكن للاسف ، أتوقع لو يقلبونها بقاله اصرف .. لان مافيه اي خدمات ف الصيانه زي صيانة المكيف لايوجد متخصص اي مشكله تواجها ماعندهم الإمكانيه والسبب مجهول بس فالح ابو قبر ف الصيانه الدوريه ونهب من الدراهم .
وكمان عندي مشكله ف المكيف حديثه ملاحظها لي فتره مثلا حطيت المكيف على 3 مستوى " صوت الممكيف يقوا بعدين يضعف يقوا ويضعف < لاحد يقول توماتيك لاني مقفله
وعلى الطاري وهذا سبب فتحي للموضوع عندي مشكله ف القير من يوم شريتها او بالاصح من يوم طلعتها وكاله ..
عندي صوت بعد التعشيقه من الرابع ل الخامس واقرب شي للصوت زي التصفير بس عميق الصوت شوي اقرب لكم شوي "تعرفون السير حق المشي؟ ايوه بالظبط شفت اذا حطيت الجزمه كرمتوا ، فوق السير اللي تمشي فيه وبديت تحرك رجلك عكس السير؟ يطلع صوت زي ووا ووا ووا < لاحد يدقق :smilie20::bigggrin:
مرتين اضرب مشوار للصيانه واذا ركب معي الفني مايطلع الصوت 😹.
تعشيقق القير سليم لكن الصوت دابلن تسبدي ف بأذن الله بعد العيد بروح للرياض وابغى اي واحد يعرف افضل فرع صيانه للجبر وياحبذا تعرفون احد شغال ف الوكاله..
