التاهو 2016 يرفع الضغط

ما اعتقد كفرات الشاص على 45 :) الله العالم انها 55 ..مثل الجمس و الشفر نوع 2500 ابو 8 مسامير ضغط كفراته 60 :1::

مع الوقت تلين اليايات و الراحه تصير افضل .. و المسأله تحتاج تعود

موفق خير

.يعني ههههههههههه الشغلة طويلة وعريضة .... انا قررت ابرمج عقلي ان السيارة ناعمة وذلك عند ركوبها بقولي ( التاهو سيارة ليست قاسية ) ... او استأجر شاص ضغط كفره 45 لمدة شهر بعدين ارجع للتاهو واشوفه سيارة ناعمة

بيض الله وجهك ....

السلام عليكم

الاخوان ماقصرو
بعض الاطارات فعلاً مطبها قاسي خاصة اذا كانت قديمة او مصممة للضروف الباردة

هذي راجعه لسببين :

الاول نوع المساعدات ، مساعدات الدبل الخليجي " رينشو " مصممه للطرق الوعره تميزها "حمراء اللون "

نوع الكفرات : ALL-TERRIAN قوديير حقت بر بعد

الحل :

المساعدات : غير مساعدات للمساعدات الي بدون دبل تلقاه "سوداء" ، دور بالتشاليح وخذ مساعدات واحد بدون دبل ، او استخدام امريكي بدبل ، بس مايكون التاهو Z71

الكفرات : شف يوكن او تاهو بدون دبل ، تلقى كفراته ALL-SEASON ، نوع بيرجستون ، غيرها لنفس النوع ..

المنافع : 1- مركبه اريح

2- انشط خط

الاضرار :

1- بالبر يصير الين بكثير ، بحيث تنزل وجهيته كثير ، وتضرب بالارض مع البطانيج

2- فرصة غرازه تزيد مع المساعدات العاديه

3- نظام النزول من المرفعات قد لايعمل بالشكل المطلوب لانه مبرمج على المساعد القديم ...

بالنسبه للمقناتيك رايد هي افضل خيار لاكنها مركبها ماهي مريح مثل مركب الي بدون دبل ، وتحتاج الى مخارج كهرب وفيوز فهي ماتركب عليك ، وعلى فكره هي غاااااليه الطقم ب 9200 ريال بامريكا ، شف جشع لوكيل كم يكون

هي أساس المشكلة
وش الفايدة من سيدان فاره بجنط 21 وتعليق قاسي

اذا ابي تعليق رياضي اخذ سيارة رياضية

ليه تحط تعليق رياضي بسيدان او جمس او ترك او الخ :5::

جربت الكيو 7 الجديد
نفس المشكله
كأنك تسوق سيارة رياضيه تعليق قاسي
كفر بروافيل نحيف
جنط 21
ولا فيه اي فايده على مستوى الراحه او العزل المفترض يكون افضل لسيارة مخصصة للعائلة والاوفرود الخفيف

قمة الهبالة

على اساس ان التعليق القاسي الرياضي ما يعطي نتيجة :)

عموما الرجال تكلم عن سيارة امريكية وش دخل التقنية الالمانية في الموضوع ؟
.

أساس المشكلة
خربيط التقنية الألمانيه
بالتسعينات يوم الناس تجرب الالماني يقلك ثبات ورساوة وانعطافات
وهي كلها سيارات سيدان بتعليق رياضي او Set up قاسي يعطيك رساوة على حساب الراحه المفترض تواجدها بأي سيارة غير رياضيه


مع مرور الوقت ارتبط بذهن المستهلك ان الالماني ارسى واكثر أمان, والواقع تعليق رياضي خربوطي اقترن مع التقنية الامانيه الخربوطيه, وتسبب بزيادة المبيعات على حساب المنتجات
الثانية

واليوم شوف عينك
الشركات صارت تقط تعليق قاسي
واعداد رياضي على كل السيارات حتى العائلية الكبيرة

عشان يوفر الثبات والرساة الخروطيه

ويمكن اذا اخذت التاهو الحلبة تجيب لفة بثانيه اسرع من تاهو مريح جدا بتعليق يناسب طبيعة السيارة

وعليكم السلام ورحمة الله وبركاته

العضو " يارب رحمتك " ماقصر وخبرته مع التاهو طويله

لكن أحب أقولك أن الكفرات لها دور ومن تجربه للجيل السابق وتحديد موديل 2011

بعد تغيير الكفرات إلى نوع هانكوك ومعروف بليونته الجيده السياره صارت أنعم بفرق ملحوظ

ولاتنسى أن الجيل الجديد تغير مقاس الجنوط من 17 إلى 18 !! ومعروف أنه كل ما كبر مقاس الجنط تزيد القساوه .