متردد بين الأكورد والماكسيما .. رأيكم

العاصمي @user_8469 · 30-10-2003

السلام عليكم ورحمة الله
حياكم الله جميعاً .. وأسعد الله أوقاتكم بالمسرات

صراحة أنا ودي أشتري سيارة ومتردد بين الأكورد والماكسيما

حصلت أكورد موديل 2002 بــ 38 ألف ماشيه 50 ألف .. ( القير أوتماتيك )

وحصلت ماكسيما موديل 2001 بــ 37 ألف ماشيه 70 ألف .. ( القير أوتماتيك )

وانا عندي ألنترا 2003 مطلعها على يدي من الوكاله ودي أبيعها وأشتري أحد السيارات إلى فوق ..

نصائحكم وآرائكم ...

ودمتم بخير ،،،

سوبر سفاري @user_4084 · 01-11-2003

اذا كانت السيارتين كلها نظيفه

انا انصحك بالمكسيما

أكورد وبس @user_7944 · 01-11-2003

معروف رايي .. :)

wes @user_7989 · 01-11-2003

أنا أنصحك بلاش من المستعمل وحاول تشتري جديد

محب السبارو @user_8051 · 01-11-2003

مكسيما اخوي
انصحك بها

تحياتي.؟.

المطرفي @user_7273 · 31-10-2003

أخوي حبيب الكل1 .. أنا معك إن محركات النيسان من أقوى المحركات في العالم ولمدة 12 سنة على التوالي تفوز .. وأنا لي صديق عنده التيما .. سيارة وش أقولك شافت الويل تقريبا بتصفط 800 الف كيلو ولا فيه أمل تخرب .. بس المشكلة هي القرقعه .. سيارة عبارة عن مكينة محطوط عليها شكل سيارة بس الباقي نصب في نصب .. هك على الذقون .. ياخي حتى تايوتا والله شايفينا ناس مانفهم إلى مكينه ما تخرب وحرارة تحت الصفر .. حط هالمواصفتين في أي سيارة .. تنجح عند السعودين .. جب لي سيارة للسوق الأوربي أوالأمريكي تشوف فرق السما عن الأرض في الأمان نوعية المعادن التنجيد فخامة الأكسسوارات .. ياخي أركب كامري 2004 ليموزين شف بس وش لون .. مالها إسبوع طالعة .. إلى أم البدي مندمر وساخه وحالة .. يقول الباكستاني .. هازا مراتب مافيه كويس .. سيارة بس ماكينة .. بدي كلة خربوطي :D
|6|
|6|<<<<< ياجماعة الربع هذا المطرفي .. صاير ثرثار .. لاتشرهون

العاصمي @user_8469 صاحب الموضوع · 31-10-2003

بارك الله فيكم على الردود الطيبة

وأنا قررت آخذ ماكسيما موديل 2004

نصائحكم وأرائكم .. وما هو أفضل لون

حبيب الكل1 @user_5677 · 31-10-2003

اكييييد مكسيما كم يسوه ان محركه من احسن 10 محركااات فالعالم

سيارة @user_5479 · 31-10-2003

شوف يا العاصمي
الماكس احسن شكل من الاكووورد القديم .
اذا كانت الماكس نضيفة فعليك بها
لكن الاكووورد القديم ما خشت مزاجي

الاكوورد الجديدة هي الموت قووووية مرررة

المطرفي @user_7273 · 31-10-2003

مع إحترامي الكامل للأخوة الي فوووووق .. أقول الله يرحم حالنا وحالهم وحال كل المنخمين بالماكس واللومينا .. قسم بالله مايسون ريال واحد ها السيارتين .. صدق سيارات دجة قرابع بعد شهر واحد .. وأقول للعاصمي جرب السيارتين وعطني رايك .. وين ياعم وش جاب لجاب تقارن أكورد بمكس .. صدق منتهى الغشامة

"*&عـ SSـاشق&*" @user_6997 · 30-10-2003

هلا ومرحبا ...... بالعاصمي

اذاكنت ناوي و معزم تشتري
واذا تبي شوري
فأنصحك بالماكسيما الي تقول عنه قبل شوي
لأنه شكله الخارجي ماتغير بس يبيلك تغير جنوطه وتركب له جنوط 2004
الي هي جنوط الدرجه الأولى
وصدقني يصير رووووووووووووعه
والله يكتب لك مافيه الخير والصالح
وتحياتي لك
والله يوفق الجميع

TSS @user_5129 · 30-10-2003

لا اكيد المكسيماء لكن والله حرام ليش

الاكورد شكل قديم يعني سعر قليل

المكسيماء شكل ماتغير وكله سنه ويتغير السعر يعني لو تشتريها الحين

كله 6-9 شهور والسياره طايح سعره مررررره وتندم

علشان كذا سيارتك جديده توه اصبر كم شهر

لمين يطلع الشكل الجديد وتشوف السعر

عـاشـق المكسيما @user_8228 · 30-10-2003

الصراحه المكسيما حلوه بس أحسها غاليه شوي لا كن أنصحك بالمكسيما بلا أكورد بلا عفن

LEGACY @user_3814 · 30-10-2003

وحصلت ماكسيما موديل 2001 بــ 37 ألف ماشيه 70 ألف .. ( القير أوتماتيك

ولا تنسى الكشف عليها من قبل ميكانيكي ماهر قبل ما تاخذها ....

وتحياتي للجميع...