المخالفات اللي مفروض ما ناخذها

السلام عليكم ورحمه الله وبركاته

يا شباب ودي اتكلم عن مخالفات المفروض اننا ما ناخذها

مثال:

في يوم انا كنت مضطر اني اخذ سياره واحد من الشباب
وكانت سيارته مضلله من كل الجهات وطبعا الدوريه مسكتني
ولما قلت الى العسكري ان السياره ما هي ملكي عشان كده انا ما اقدر اشيل التضليل او اني اقول الى صاحبها لا تضللها
بالصراحه قال لي هذا مو بشغله شغله انه يعطيني مخالفه تضليل
:mad: قلت له طيب ممكن اني ما اشيل التضليل لان بصراحه فشله
قدام الرجال اني اشيل اله التضليل
وبكده انا اخذت مخالفه المفروض اني ما اخذها

مثال ثاني:

مره كنا طالعين كشته(رحله) طبعا السياره حقتي جديده واحنا رايحين بر ورمل وطعوس فانا ما اخذت سيارتي معي

المهم اني سقت سياره واحد من الشباب (بصراحه ما كانت عنده رخصه) واستلمنا الخط يوم جينا التفتيش قال لي العسكري كالعاده
رخصه واستماره عطيته الرخصه والاستماره
كانت الاستماره منتهيه وانا ما ادري
المهم العسكري قال ليه ما جددت الاستماره
قلت له بصراحه السياره مو حقتي
وبعدين بصراحه انا ما ادري ان الاستماره منتهيه
قال : اسفط يمين
بعد ما سفطت وهو سفطني ساعه جا وقال خذ مخالفتك وجدد الاستماره
قلت له يا اخي السياره مي حقتي عشان اجدد الاستماره
وبعدين هذي المخالفه المفروض اني ما اخذها
قال:مو بشغلي شغلي اعطيك المخالفه
انا بصراحه عصبت ومزقت المخالفه قدام العسكري
الا قام وقال: شكلك تبي وحده ثانيه


ابي راي الشباب في الموضوع هذا
طيب انا عندي سياره الحمد لله
بس في ناس ما عندهم سياره ما يقدر يملك سياره
طيب احتاج الرجال
وما حصل الا سياره مضلله والا سياره منتهيه استمارتها
بالله عليكم شيسوي؟؟؟؟؟؟؟


اود ان رايي هذا يوصل الى المسؤلين وينظرو في امرنا
ويراعونا شوي
واتمنى يحلون هالمشكله

واتمنى الشباب يساعدوني لحتى اوصل الرأي هذا
والسلام عليكم ورحمه الله وبركاته