والله يااخوي الفولفو جميع سياراتها رائعة ..
الوالد كان عنده فولفو قديم 85 الله يذكرها بالخير كان الوالد يروح عليها لمدة 13 سنة كل يوم من الدمام الين شغله في راس تنوره وغير السفرات الى مكة ثلاث مرات و للرياض خمس مرات تقريبا والامارات مرة و السفانية (( جنب الكويت )) اكثر من خمسين مرة ..
وغير انه ماعمرها وقفت علينا بالطريق وحتى ايام المطر تمشي بأكبر المستنقعات ولا تقول شي ..
المهم ان الوالد بعد مااستعملها 14 سنة ومشاها 420 الف كيلو قرر يبيعها ويشتري فولفو جديدة .. لكن للاسف ما لقينا ذاك الوقت فولفو سعرها جيد كان في وحدة بـ 120 الف والثانية بـ 70 الف والوالد عنده 100 الف ويبي سيارة افضل من الفولفو الرخيصة .. الى ان استقر رأيه على شراء سيارة سويدية اخرى وهي ساب 5-9 تيربو موديل 98 والى الان هي موجودة و ماشية 120 الف وكأنها جديدة
هذي كانت تجربة الوالد مع السيارات السويدية ..
بغيت احط لك عيوب ومميزات سيارات فولفو لكن والله مالقيت لها عيوب ..
مميزات فولفو :
افضل محركات تيربو في العالم ..
افضل سيارة في السلامة في العالم ..
مزيج من قوة السيارات اليابانية و الفخامة الاوروبية ..
مهما كانت طريقة سواقتك الفولفو بتستحمل ولا بتقول شي ..
اتمنى اني افدتك بتجربتي مع الفولفو ونصيحة لك مني (( لا تدور ولا تحتار غير السويدي لا تختار )) |3||3|
