بغير كفرات

انت جيت في السؤال اللي ماله اجابه
أهم شي بأي كفر التالي
تأكد من تاريخ الانتاج تماما
اشتري من مورد او موزع رسمي حتى تضمن جودة التخزين
جيب مقاس مطابق للكفرات القديمة او الموصى به تجده مكتوب على باب السائق
شيك الدعسه وشكلها لأنه بعض الدعسات اللتي يقال انها رياضيه تطلع صوت مزعج اثناء المشي
وخلي في بالك كل ماكان الكفر لين وطري بتاخد راحه نوعا وتماسك الفرامل أعلى ما لكن العمر قصير وحساس لأي ضربه ممكن يحبل معاك
لازم على طول تتابع ضغط الكفرات حتى لا تتأثر بأي ضربه خفيفه وتحبل
خلك مع الكفرات اللي بطاقة الطاقه تبعها مرتفعه تكون موفره بالبنزين
برأي لازم تستغني عن شي لأنه لايوجد كفر يجمع بين الراحه والمتانه والعمر الطويل وتماسك الفرامل وتوفير الوقود
بالتوفيق

.

حياك الله

الكوري / هانكوك ومعروف وغني عن التعريف

الصيني / جينيو - ويستك ليك - رابيد - سايلون

أنا بصراحه جربتهم كلهم ماعدا السايلون وطبعا كلهم نوعية طيبه ولابأس بها خصوصا للي استخدامه أكثره داخل الديره بس لازم تتأكد من تاريخها انه يكون جديد

التايواني / نانكنج ........البعض قد جربه ويقول عنه انه جيد ولابأس فيه

الماليزي / الماكسس طبعا نوعية معروفه وطيبه ولابأس فيها

التايلندي / للأسف ما اعرف عن الأنواع الموجوده بس اللي اتذكره آخر مره كنت ادور كفرات لسيارتي وكذا محل من محلات البناشر ذكر لي أنه نوعيه جيده

عموما لازم أنت تشوف استخدامك هل هو لداخل الديره او أكثره خط او وسط بين الاثنين وبعدها حدد اللي بتشتريه وعلى حسب مقدرتك وميزانيتك ولاتنسى التاريخ الجديد والسعر الجيد لأنه يفرق من محل الى محل ثاني

يمكن كوريا اوصيني اوتايلندي
انت وش تنصحني اركب بأخذ رايك