رابطه عشاق ملاك شفروليه ماليبو (( Malibu ))

ياعيالي ما رديتوا على شايبكم

- ياعم اذا انت قادر على LTZ الفاخرة 6V فا توكل على الله وخذ له ماليبو
اما اذا اقل فاالصراحة انا معي ماليبو وماندمت بس الحق ينقال لو معي 95 الف *على ماضن هاذا سعرها*
ابخذ مازدا6 الصراحة مواصفاتها حلوه طبعاً الفل كامل . .

# والله يزرقه الي فيها الخير والبركة

- ابشركم ياخوان الورشة خلصت من موتري والحمدالله رجع احسن من اول . .

- وحبيت اخذ شوركم بخصوص قاعدة الوحة انا قلت للعامل يزينها ويركبها وبعدين اخذ جديده
ويوم طلعت من الورشة مريت ورشة الوكالة ولقيت ورا الورشة 2 ماليبو كلها تشليح وكلهم قاعدات
الوحة زينة , بس للأمانه مالمستهم تتوقعون بكرا لو اروح واكلم ورشة الوكالة راح يبعونها لي !؟

- واما بخصوص تمرين السيارة انصحكم تشوفون مقطع للاستاذ *حسن كتبي* فليوتيوب
وله مقطع وموضوع كامل بخصوص تمرين السيارة . .

السلام عليكم و رحمة الله و بركاته

و الله يا شباب لو ينعاد بي الزمن 60 مره و يقولون وش تبي سياره بأقول ماليبو و كفى.
قبل كنت مخدوع ابي كامري ابي كامري .. جربتها و عفتها من بعد الماليبو :a1120(86):

ما شاء الله تبارك الله .. انا قبل يومين رحت و جيت من الرياض للمدينه " صدّ ردّ ":bigggrin:
و طول الخط امشي ما يقل عن 200 .. وأحيان أضطر اني اطلع شوي على التراب عشان اتجاوز الناس اللي ما تفهم :bigggrin:
و الله ما تتحرك شعره .. ما شاء الله فيها رساوه غييير طبيعيه و عزل جباااااااااااااااار

ما شاء الله تبارك الله

بالنسبة للسرعة تقدر تطبق ال200 وتدوس قد ماتبغى
بس نصيحة الموظف كانت >>> اني امشي بالسيارة حدود 120 او 100 او اقل بحيث لو ظهر عيب مصنعي لاسمح الله ما اتورط في حادث او مصيبة في سرعات عالية الله يكافينا وياكم شر الحوادث


:a1120(82): امس موقف سيارتي في مول نزلت ابغى امشي الا اشوف واحد حككك الصدام من اليمين لين علامة الشفر وعفط اللوحة ومشى :confused1: الله لا يوفقه قهرني حتى ولا حط رقمو ولا شي
دعيت عليه لين وصلت والصباح قمت واتذكرت ودعيت عليه ومازلت ( من القهر :mad1: )
الله كريم

هلا حياك


يا اخوان السيارة ما تحتاج تمرين تستلمها جاهزة من كل النواحي للاستخدام واستخدم كل الميزات فيها :smilie16:

السيارة ما تحتاج تمرين
اللهم البداية ف الفرامل خل دعستك خفيفة عليها عشان القماشات والهوب يتطابقون مع بعض .

ماعليك من المكتوب اهم شي كل 10 الاف تغير الزيت او كل 3 شهور للضمان

كلفة الصيانة 419ريال والاسعار متقاربة سواء 10 او 13


صيانة 70 الف يغيرون سير المكينة والزيت وفلتر المكينة وناسي اذا في شي ثاني

بس الافضل رح الوكالة وسوها هناك حتى لو ما عندك ضمان
واذا عندك ف لازم تسويها عندهم









:rolleyes1:

السلام عليكم .. اخواني ..

بغيت اسأل متى اغير زيت المكينة علما انه في الشاشة (oil life (88% متى يجب اني اغيره لما يوصل كم في المية ..

وعندي السيارة ماشية 65 الف كيلو هل في اشياء مهمة يجب اني اغيرها .. ماليبو 2011 .. وشكراا لكم مقدما ..

محتار اشتري لولدي مازدا6 او ماليبو وشرايكم ترى ماني راعي سيارات

مثبت السرعه انا شغلته شوي بس ماطولت صراحه لاني شغلته بجرب طريقته اول ماشريت الموتر ..
بس ترى عادي وانا اخوك هي ماتضر بالنهايه حتى لو ماسويت التعليمات الي بالكتالوج .. لان السياره لما استلمتها انت جاهزه للاستلام
هم تعليماتهم ذي للمدى البعيد يقولك يعني قل ابو 150 200 الف !
ساعتها اصلن تلقاك بايع السياره ههههههههههه

بالنسبه للصيانه مدري بالضبط وش نظامها .. بس ودي اعرف كيف اخذ موعد عندهم واعرف وش الزبده قبل اروح لهم .. اذا احد من الشباب عدى ال10 الاف يعلمنا وش النظام ونكون له من الشاكرين





والله يالغالي انا الي قلته نقلته من الكتالوج .. ع كلامهم ان السياره ماتحتاج لا تمرين ولاهم يحزنون ..
اللهم بعض التعليمات عشان تستفيد ع المدى البعيد بس .. !
تحصلها بقسم تليين المركبه اتوقع في الكتالوج ..



من جد :D .. بس بيني وبينك حاجه تقهر .. عالم زي ذي ماتدري كيف اخذ رخصه ..
ولو ان نظام الرخص عندنا مش حالك .. شوف عيني واحد ساقط 4 مرات بالاختبار وداخل يختبر الخامس وعطوه اياها لانهم ملوا من خشته الظاهر ههههههههههههه

اخوي الشركة ماتسوي تمرين للسيارة الا اذا سيارة فخمة مثل مرسيدس و رنج روفر و بي ام دبليو و بورش و الاودي و الروز رايز و بنتلي و اتوقع لكزس و جاكور
شركات هذول اهم الي يسون تمرين لان السيارة غالية و يجربونها بكل شيئ بعدين يرجعونها وكالة و يرسلونها لنا

- انا ناسي اسم المنتج ولا ولله عطيتك اسمه وصورت لك اياه حتى يجي اللوان , ومن ناحية على ضمانتي
انا موتري سافرت فيه بدون ارش ولا شيء وكان على تغبيرة المطر اللهم ملمع بيديني الشمعات والكشافات
بس ندمت مانظفت سيارتي بعد مارجعت لان الحشرات الله يكرمكم تقل متفقعات *لحد يركز* هههه
الزبدة صاقعات بصدامي وبلمطاق وخرتهم , وانا الصراحة اشوف الكامري حقت عمي ماشاء الله تلمع
يابراهيم توكل ورشها انت بنفسك ولله يحفظك من شر الطريق .

معلومات مفيدة
بالنسبة للبريك معروف هالشي بس عن تثبيت السرعة هذي سمعت عنها من قبل بس الي بالوكالة يقولون عادي
يضيق صدري لما اتذكر ان اول ما طلعت الموتر مست خط ومثبت السرعة على 110

يعطي العافية وماتشوف شر بموترك ان شاء الله

انا الحين ماشي تقريا 7 آلاف ومتحمس اوديها الوكالة حق تشييك الـ 10
لأن عندي ملاحظات ابيهم يشيكون عليها

هههههههههههههه اي سياره جديده تسوقها تخاف عليها زياده مثل حالتي لكن بعد فتره تروح النفسيه :ch19:أسأل مجرب

اصلا هي تنشف مثل الغبار وانا اكثر من مره ارشها واخليها احيان اسبوع واغسل السياره لاكن بأمانه السياره ماجاها شيء والحمد لله

هلا بك اخوي ..

يعني هالبخاخات تتباع بـ ساكو ؟؟
اذا كذا كويس يمديني أمرهم بعد المغرب وأرشها ..
بس على ضمانتك ممتازة هالبخاخات ؟؟

حبيبي بخصوص تمرين السياره
(الموجود بالكتالوج) ..
ان السياره ماتحتاج تمرين وان هالشي مسوينه لها هم من قبل (لكن عشان تستفيد عالمدى الطويل ) :
1- لا تسوق بسرعه ثابته لمده طويله يعني كل 5 دقايق خفف سرعتك او زدها (تزيد او تنقص المده على كيفك عاد)
2- حاول ما تكعكع فرامل واجد بأول 380 كيلو (اتوقع بس الاكيد بين ال300 وال400 هي) ..
هذا بس الي مكتوب
يعني تبي تدعس ادعس على راحتك ..


الحين ياشباب صيانة اي سي ديلكو متاكدين انها ماتلغي الضمان ؟؟
صح اني توني ماشي 900 كيلو بس برضو شايل هم زحمة الجميح من الحين خخخخخخخخ

امس والله بغيت اصدم بالموتر صدمه بايخه
ماشي على كوبري الخليج وفجأه الموتر الي قدام الي قدامي كع فرامل ومحد قدامه !!
وطبيعي الي قدامي كع ام الفرامل .. وانا عاد مايحتاج دخلت رجلي للمكينه
واناظر وراي الا جمس كبر ابليس يحاول يفرمل ..
قسم بالله مابقى بيني وبينه الا شعره هههههههه
انا بغيت انهبل من الشخص الي قدام ذا كسرت ام الطاره وسقطت بروح جنبه بشوف وش وضعه ..
طلع الحبيب معه كامري بوقس قديم وييكلم بجواله واخر همه الناس الي وراه !!
والله لو الموتر الي معي موتري القديم لا اجدع امه على الباب حقه عشان ينتبه لسواقته مره ثانيه ويخلي جواله !!
خلاصة الكلام .. انتبهوا لذا العالم الحمير (عفواً ع اللفظ بس هذا انسب شي لهم !) .. خاصه انه تلقاه شاري سيارته ب2500 :D .. ولا همه احد ان صدم بها راح شرى وحده زيها اسهل له من التصليح :D
وبرضو فرامل الماليبو صراحه بطله :D

- الصراحة انا رايي الثاني دام الموتر جديد ماشاءالله والله يطعمك خيره ويكفيك شره . .
اجر لك كابرس 13 للسفره وموترك سفط المرايا وخله عند البيت :rolleyes1:

- اخوي ابراهيم بخصوص البخاخ , عمي قبل فترة سافر للمدينة ورش على الوجهيه بخاخ من ساكو لونة ترابي حتى تحس انه مثل التراب ورش على الشمعات والكشافات بخاخ شفاف اسمه *رش وامش* هاذي السالفة قبل شهرين
وامس قاعد اشوف موترة ماشاء الله لمعة الوكالة للحين فيه .

- اخوي ياسر بخصوص البنزين 95 او 91 بلكتالوج مكتوب 91 , وبيني وبينك جربت الاثنين انا وماحسيت فيه ذاك الفرق .

الله يبارك فيك وجزاك الله خير ..

اي والله خايف على الوجهيه والشمعات .. بس التغبيره ما يمدحونها .. يقولون تأثر على البويه
والا ؟