رابطة عشاق ملاك وشفروليه امبالا (( impala ))

تلومني يوم أستلمت السياره و سحبت عليهم :)

ما اجيهم الا بحالات خاصه مثل البطاريه ضعيفه الكتاوت و هكذا..... يغيرونها مجانا

الصيانه اسويها عند ايسيديلكو ..من استلمتها ..ماهو صيانه .. معي جدول الصيانه و اقول لهم غيرو كذا و غيرو كذا فقط و السعر فرق ما يقل عن 350 ريال و على لا شي .

و فوق هذا السياره اجلس جنبها لاني شفت شغلهم اذا انا واقف عليهم و شفتهم اذا اعطيتهم قفاي ...يعني ما اعندهم امانه ...
مره مسمار طاح و انا كنت اسوي نفسي ماني منتبه

يا رجل خلص شغله و قفل الكبوت و المسمار طايح ما ركبه !
جيت و سحبته وقلت له طلع المسمار اللي طاح وركبه !!


قد قلتها لراعي سوبربان هنا
https://www.assayyarat.com/forums/t304715.html

و الله يعوضك باللي انسرق

موفق خير


.

السلام عليكم و رحمة الله و بركاتة
اليوم ي شباب رح اتكلم عن موضوع مهم
الي هو الصيانة و اسعارها الخيالية في الوكالة
طبعا انا اغير في التوكيلات العالمية وكيل السيارة
بصراحة سعر صيانة ال10الاف اخذو مني 452 ريال
تغير زيت و فلتر + تبديل اماكن الكفرات (صار لي مشكلة معها) + تشييك ماله داعي + غسيل المكينة و حولها بالموية و ضغط الهواء (رح نتكلم عنها بعد شوي)
اول شي رح اتكلم عن السعر
طبعا 452 انا اشوفها اخذوها بلا فايد و فوق كذا نسيت فلوس في السيارة وراء الشاشة يعني مكانها صعب شوي و عرفت انهم يفتشون في السيارة و المبلغ كان1000ريال انسرقت من الايادي العاملة الله ينتقم من الي سرقها واشتكيت يمكن 5 مرات و في المرة الاخيرة قالو بنشغل الكاميرات و نشوف مين السارق و من بعدها معد اتصلوعرفت ما عندهم سالفة يعني ( صيانة بلا امانة ) شفت تشيكاتهم مالها داعي على سيارة جديدة و المبلغ ذا حرام فيهم و كمان الصيانة الجاية تزيد و الي بعدها تزيد وسالتهم عن تغير زيت و فلتر فقط طلع ب 246 ريال قلت كويس و اتصلت على أي سي ديلكو قالو ب 189 تغير زيت و فلتر نفس حق الوكالة كل 10الف و عندهم ابو 5الاف ب 120 اوحوالها و قلت دامة معتمد من الوكالة و جي ام الصيانة الجاية عندهم ان شاء الله وصيانتهم بدون موعد و كلام فاضي و اسعار الصيانة و قطع الغيار عند أي سي ديلكو ارخص من الوكالة بكثير و البعض جرب الشي ذا
و انا بصراحة ما اقتنعت اني اغير الزيت كل 10الاف لان الصيانة الأولى لمن غير الزيت على 10200تقريبا الزيت نزل اسود و محترق بشكل كبير عشان كذا قررت اغيره قبل ما يكمل 8الاف
السبب الشوارع زحمة و الاجواء حاره وغبار و اكيد فيها شوية دعس تسمع صوت الطرب من المكينة ماشاء الله و فيها انتظار في السيارة جالس و مكيف شغال وحركات و شوية طرب هههههههههه ذي تقلل من عمر الزيت ...
وانا عن نفسي بغير كل 7الاف و الي يحط زيت ابو 5 الاف الافضل يغيره على 4الاف
اما موضوع تبديل اماكن الكفرات بعد ما بدلو مكان الكفرات سالتهم ليش قالو عشان تصير مسحة الكفرات وحده
قلت حلو لاكن صارت لي رجه اذا مشيت بعد80 و قلت اكيد من الكفرات بعدما بدلو مكانها و بعد ما مشيت تقريبا 2000كيلو اختفت الرجهه الحمدلله و رح ابدل مكان الكفرات لاكن مو كل 10الاف مثل الوكالة لا رح ابدلها مكانها كل 25الف او 30الف
و بعد ماخلص العامل من تغير الزيت غسل المكينة بالموية و حط معها صابون فيري قلت ذا مو بصاحي و قلت خير ان شاء الله لو باقي خليتكم تسونها و انا اطالع في المكينة اشوف البخار يطلع من حولها و انا سمعت انه غلط تغسل المكينة وهي حاره ممكن يسبب لك شرخ او كسر في بلوك المكينة و مع ذلك الوكالة تغسل و كمان في تحذير على علبة الفيوز صوره غسيل المكينة عليها علامة اكس يعني ممنوع و اضن اني قريت في الكتالوج يقول فقط انفخ بالهواء المضغوط بالله ايش الفايدة تغسل و تعدم لك الاسلاك و تدخل في مشاكل مالها داعي انفخ بالهواء و خلاص كذا ولا كذا اسبوع و تشوف الغبار رجع ...
و نهاية الموضوع احب اقول انتبه لسيارتك و اهتم في السيارة بنفسك يعني الوكالة بعد ال100الف او بعد ما يخلص الضمان ما بتطالع في وجهك الا بالفلوس
و انتبه يلعبون عليك بالاسعار و التشيكات الفاضية يعني لو يرجع فيه الزمن ما اقول لهم الا زيت و فلتر بس بدل ال 452 الي اخذوها مني لاكن نقول 10الاف عشان اول صيانه خلهم يشيكون لاكن بعد كذا زيت و فلتر بس
و انا بصراحة بسحب على الوكالة بسوي كل الصيانة الجاية في أي سي ديلكو معتمد من جي ام و من الوكالة و ارخص
رح اغير الزيت و الفلتر كل 7الاف و التشيكات كل 50الف و فلتر الهواء كل 20الف و فلتر المكيف كل 30الف ...
اتمنى الجميع استفاد و ان شاء الله اني ما طولت عليكم و الموضوع الجاي رح يكون عن زيت القير ان شاء الله
https://www.youtube.com/watch?v=qGmij8R8yX0

و بتوفيق للجميع

.حياك الله ..

سعرها حول 9 الاف في الوكاله
الوضوح لا بأس به والجوده كذلك

السلام عليكم
الله يعطيكم العافية انا معي امبالا ال اس وابي اركب فيها شاشة وكاميرا خلفية فياليت اللي يعرف سعرها لايبخل علينا ويعطينا انطباعه عن الوضوح والجودة

تحياتي

.اعتقد حول 2000-1600

.السلام عليكم

اخواني صدمني واحد وانكسرت المراية الجانبية للراكب

احد يعرف كم سعرها عند الوكالة ( سيارتي LTZ 2014 )

.المعذره ما انتبهت لها :)

هل فيه استدعاء معين تبيه ؟
اخر استدعاء اعتقد في رمضان بخصوص كتاوت المروحه

من هنا
http://sa-ar.chevroletarabia.com/complete-care/recall.html
او
https://my.chevrolet.com/recalls

ضع رقم الشاصي و يطلع لك

فالك التوفيق

طيب ياغالي بالنسبة للاستدعاء ماتكلمت عنها

حياك الله ..
تقصد الصوت من جهه الكفر الامامي الايمن ؟
هذا ركبت اكثر من امبالا وفيها نفس الصوت




حياك الله وبياك

في امازون اسعارها مثل اسعار الصيني عندنا شوف الرقم في الكاتلوج او على المساحه نفسها و ابحث عنها احيانا يكون جنب طويل وجنب صغير

https://www.amazon.com/s/ref=sr_nr_p_89_6?fst=as%3Aoff&rh=n%3A15684181%2Cn%3A%2115690151%2Cn%3A15719731%2Cn%3A15734781%2Cp_89%3AACDelco&bbn=15734781&ie=UTF8&qid=1488022257&vehicle=2016-47-451-478--1-6-5-19350-3310-1-1---1-0&rnid=2528832011

جربت الماليزي و جربت الصيني وما حصلت مثل الشد بلد ..
الماليزي يصلب و ما يمسح شي
و الصيني تقطع في اول شهر

الشد بلد يكمل سنتين تقريبا او اكثر اذا استخدامك قليل

احد غير مساحات الزجاج كويسه وجوده حلوه سواء من محلات كويسه او من النت ، لان الاصليه بدأت تتقطع . وفي الوكاله سعرها 300 ريال وشوي سعر خرافي .

السلام عليكم
عندي كذا أسئلة عسى الله مايحرمنا منكم
انا شريت السيارة قبل كذا شهر واسمع منها الأن صوت عند باب الراكب ( تقريبا عند السماعة)خصوصا اذا مشيت على طريق مكسر(وعر)ورحت الوكالة وقالوا لي ان هذا الصوت طبيعي فياليت منكم خبر هل هذا الكلام صحيح ام تصريفه والسؤال الأخر كيف اعرف ان سيارتي من ضمن الاستدعاء وشكرا

.موجود قسم لكل نوع من السيارات
هنا
https://www.assayyarat.com/forums/t294730.html


اما3069 هذا عدد الردود
و عدد الصفحات 154 :)

فالك التوفيق

موضوع جيد
كنت اتمنى ان هناك قسم لكل نوع من انواع السيارات ... صعب البحث عن موضوع في صفحة واحدة
وصعب ايضا فتح الصفحات جميعها للبحث عن موضوع !!
عدد الصفحات 3069 صفحة .. باللهول

.%99.99 انه تصريف من قبلهم كعادتهم !!!:43:

انا قبل ما اخلص اوراق السياره انواع التصريف
بعد ما دفعت عربون ..وقلت بجربها
طلع المفتاح من الدرج اللي تحت الكيبورد على طول !

للاسف لم يحالفني الحظ
لما وصلت وطلبت تجربه
قالوا السيارة اخذها عميل وصدم عليها والحين تتصلح

قلت يلا خيرها بغيرها

.:54: موفق

ماقصرت اخوي والله يعطيك العافية

كلمت توكيلات العالمية تواصلت معهم في النت وسريعين في التجاوب
واخذت معهم موعد لبكرة تجربة السيارة بالرياض

بجربها واعطيك انطباعي عنها

.خذ راحتك يالحبيب ..مساعده الغير هذا من الاشياء اللي استانس فيها مهما كلف الامر:27:

المكيف يا طويل العمر و السلامه اول ما استلمت السياره في شهر شعبان .
كان يجلس 8 دقايق لين ما يبرد ..قد قلبت شوايه :22: لكن بعد الثمانيه دقايق ممتاز

و في العيد جاتني رساله استدعاء للسياره لتغيير كتاوت المروحه تشبه الفيوز لكن فروق بسيطه .
يغيرونها لان حجمها صغير !
ركبو حجم اكبر منه بمرتين تقريبا و من بعدها اول ما اطق المكيف ما اكمل دقيقه الا و المكيف ثلج ما شاء الله تبارك الله ..

لو تراجع الرابطه اعتقد انها في الصفحات من 120 إلى 136 تشوف تجاربي انا و الاخوان مصوره

لا هنت وماقصرت اخوي
تحملني بزعجك شوي بالاسئلة

نبي تقيمك للمكيف في الصيف هذا اهم شي