السلام عليكم ..
بقولكم سالفتي مع سيارتي .. انا من سكان الخبر وشريتها من الجميح واقرب فرع صيانه لي هو الجميح الي بصناعية ركاز .. كل ما اودي لهم السياره لازم بكل مره اتضارب مع الفني الله يصلحه والمشكله بكل مره ما يستلمها الا هو ... اول مشكله الكراسي الاماميه تفككت خياطتها والسياره ما كملت 4 شهور وبعد مسند الراس تفكك .. كلام طالع نازل مع الفني لين ما رفعها ل GM و وافقو على تغيير الكراسي على حسابهم .. طبعا ها الكلام له شهرين وللحين ما غيرتها .. اشتكيت ع الفني عند الجميح وزعل الرجال ( عساه ما يرضى ) ..
تحسب الموضوع خلص لا باقي ما قلتلكم عن المصيبه الاكبر ..
جا وقت الصيانه 20000 و وديتها للجميح والعناد راكب راسي واسلمها نفس الفني الي متضارب معاه ( عناد الموضوع ) طبعا اطلبه بالاسم ولازم كالعاده مضاربه بيني وبينه ..
السياره قعدت عندهم يوم كامل للصيانه .. طبعا السياره فيها دقشه خفيفه بالقزازه الاماميه ( من الحصى والطريق ) جيت استلمها قالو لي فيه كسر بالقزازه الاماميه ( على بالي الدقشه البسيطه القديمه ) واستلمت السياره الا القزازه صايره فيها شجره من جهة الراكب للنص ( كسروها الله لا يوفقهم ) ..
انا هنا جلست ادور ع الفني وعيوني كلها شر ومن حظه الرجال مستأذن ( مستلم السياره من مديرهم ) رجعت للمدير وريته السياره حاول انه يحطها براسي انها امتداد من الدقشه القديمه وكان ردي الي ذبحه ( مافي امتداد بيوم وليله ) والي شفع لي اكثر وخل الموضوع لصالحي الورقه الصفراء الي استلمتها يوم سلمتهم السياره وفيها ان السياره سليمه ...
طلعت لمدير الفرع ( هندي ) وكان بقمة الادب واللباقه والحمدلله رفعوا الاوراق للتأمين ( تأمين الورشه ) وجات الموافقه والحمدلله غيروا القزازه ( رب ضارة نافعه ) ..
نرجع للموظف القذر بأخلاقه واسلوبه دق علي اليوم الي بعده يعتذر لي وووو وقلت له خير ان شاء الله ما امداه سكر واحلى شكوه ..
اللحين ودي اشتكيهم عند GM DUBAI بس كيف الطريقه
البريد
الرجاء ارسال تعليقاتكم وأسئلتكم واستفساراتكم حول أمور نهنكم إلى مركز مساعدة العملاء القريب منكم.
العنوان البريدي كاملاً
شركة جنرال موتورس
مركز دبي التجارية
شارع ***** الزايد
ص ب 9233
دولة الإمارات العربية المتحدة
الهاتف
شوؤن سيارتك يهمنا, يرجى الإتصال بنا لكافة الإستفسارات أو الملاحضات
رقم الهاتف كاملاً
مركز اتصالات العملاء: 8008200048
خدمة ا لمساعدة على الطريق: 800897 3779
دولي:: +973 1757 7077
يتوفر ممثلي خدمة المساعدة على الطريق من خلال الهاتف على مدار 24 ساعة و 365 يوما في السنة.
او راسلهم على هذا الموقع
www.gmarabia.com
انزل اخر شي و ادخل على اتصل بنا
