صباح/مساء الخير >>>كلن ووقته
للاسف معي امبالا 14 فل الفل وانا امشي الدركسون ثقل وطلع تحذير مكتوب ( نظام المقود الهيدروليكي ) والطارة صارت ثقيله وولعت لمبة الي ABS >>>> وجيت عليها من الطايف والامور زينه بس المشكلة الطارة ثقيله والطبلون حفلة
وفحصتها كمبيوتر وطلع ثلاث اخطاء وللاسف ماعرفنها ومسح الاخطاء وزانت السيارة
ومشيت 50 متر ورجعت نفسها ولاني عارف ايش ممكن تكون ؟؟ ونبي فزعتكم
استكمالاً للمشكلة مع الحل ؟ وبعد
السلام عليكم ورحمة الله وبركاته
اسعد الله او قاتكم بكل خير
طبعا رحت للوكالة وفحصت قبل العيد بيومين >>> ع الطاير
وطلعت المشكلة من الكفر الخلفي يمين وهي حاجة من اثنين اما [U
]حساس السرعة (abs) او
الفلنجة
طبعاً اخوكم بالله فحص برى كمان والكل اجمع بانه الحساس ( الواير او السلك abs ) ورحت وشريته ب 150 ريال وكلفني تغيرة 100 ريال
والمفاجاة ماتغيير شي :confused1:
وبعدها فحصت
الفلنجه وطلع مافيها شي طبعاً فحص
مكانيكي من ميزان اليوموك (طبعا هو صادق الفلنجة مافية لافضوة ولا صوت ولاونة )
وقفلت معي وسحبت عليها وبعدها بكم يوم رحت للورش واحصل ورشة التضامن وشرحت له كل الي سويته فطق صدرة قال ان افحصها واطلع لك المشكلة طبع بعد الدفع قيمة الفحص 100 ريال قلت افحص وامرنا لله المهم ويجي ذاك الفلبيني ومعه جهاز فحص GM
المهم 10 دقايق فحص وبعدها اخذ فرة على السيارة وجاني وقال المشكلة من الفلنجة فاستغربت انا فاحصها مافيها شي
قلت كيف عرفت قال انا رحت والكمبيوتر شغال يفحص الفلنجه فكان عدد السرعة يشتغل ويطفي يشتغل ويطفي الى هو حساس الكفر اليمن
فقال نتاكد ونطلعها نكشف عليها بالرافعة وطلعوها بالرافعة وقعد ينظر فيها ,كان في الربله جزء بسيط من الطبقة الخارجية >>>بلشت ماددري وشلون اشرحها
مقطوع او مصلوخ وباقي ربله يعني مو كلها الجزء الخارجي بس طبعا قال شغل يده 400 ريال تغيير الفلنجة غالي
توكلات على الله وشريتها من التقوى وركبتها ب 120 ريال والمفاجاة ماتغيير شي >>بغيت اولع بها :smilie20:
قالي المهندس روح خذ فرة وامشي شوي وراح تروح وفعلاً مشيت وراحت اللمبات ورجعت السيارة وكالة وهذي كانت تجربتي
طبعا سعر الفلنجة بالجميح والتوكيلات كلهم 670 ريال
والتقوى 550 ريال واخذتها من التقوى وجتني بكرتون الجميح ومكتوب عليها رقم القطعه .
و قهرني سلك الاي بي اس ب 70 ريال وامس كنت ماخذه ب 150 من الجميح .
* ملعومة عن التقوى *
قبل كيذا غيرت الكارتير حق زيت المكينة >>>اخوكم بالله ما ينتبه وضربت حصاة وكسرت الكارتير
طبعاً بالجميح 1050 ريال وبالتقوى 690 ريال وربي كلهم مثل بعض وما اخذت حق التقوى لين اتاكدت انهم مثل بعض ونفس الرقم
فاتمنى من المشرفين يرفعون مشاكل الصيانة باول الموضوع او يفتحون موضوع مستقل للصيانه
وعساكم ماتحتاجون الصيانة ورغم هذا الا انها سيارة جبارة ماشاء الله عليه
