الله يبارك فيكم .. مشكله الابيكا انها تصرف بانزين .. ولا انا غلطان .. افللها ثاني يوم تنقص بزياده مدري وش سالفتها .. بس وربي سياره ماعليها كلام .. وخاصه مكيفها ماشا ءالله
غريبه انا احس صرفيته شويه .. والا يمكن عشاني اقارنها بالاكسبدشن حق الوالد .. تعرف مايصرف بنزين اببببببد :bigggrin:
وعلى طاري المكيف .. يا شباب انا صار لي موقف مع المكيف .. وتكرر ثلاث مرات
قبل شهر تقريبا رحت للرياض انا وواحد من الشباب .. بعد ما وصلنا وبدينا نمشي بالدائري الشرقي حسينا ان الجو حار .. مع ان صوت المكيف قوي .. لكن الهواء ضعيييف .. ولو تحط المكيف على 4 نفس المشكله
وصلنا للي نبي وبعد ما وقفنا يمكن كذا ساعه رجعت شغلت السياره واختفت المشكله ..
ومن بكرا رجعنا للقصيم وصارت نفس المشكله .. وما ادري وش السالفه طبعا :bigggrin:
وقبل اسبوع تقريبا رحت للرياض ورجعت بنفس اليوم ولا صار اي شي ولله الحمد
لكن امس طلعت للرياض وقبل ندخل الرياض وتصير نفس المشكله .. لكن هالمره معي خالي :bigggrin:
قال ان المكيف مثلج .. وقال عندك حلين .. يا اما تطفي الفريون ( a \ c ) او تقصر بروده المكيف لين يكون بين البارد والحار تقريبا
ويفضل انك تخلي الهواء خارجي .. وفعلا رجع المكيف احسن من قبل :bigggrin::bigggrin:
وطبعا يقول شي طبيعي انه يثلج وما فيه اي مشكله بالمكيف :bigggrin:
(( نقلت لكم التجربه عشان اذا صارت لاحد ما يخاف وعشان يعرف كيف يتعامل مع الموقف :bigggrin: ))
وعلى طاري البنزين .. انا بالعاده لما اروح للرياض اثبت على 140 او 150 او 160 يعني على هالسرعات هذي
واوصل للرياض باقي بالتانكي اكثر من النص
ومره راجع من الشرقيه مثبت على 160 وصلت للرياض باقي بالتانكي اكثر من النص والسياره فيها 4 اشخاص ومشغلين المكيف وفيه اغراض بالشنطه ( ما شاء الله )
الابيكا بالخطوط ما تصرف بنزين واجد :bigggrin:
