مطلوب : مرسيدس S320 موديل 2001 أو 2002 ..

أنا رسلت رسالة خاصة لأخوي الشمري ... يقول لي لازم ننتظر حدود ال 3 شهور .. لأن اليورو مرتفع .. :(

في التلمساني في S320 عودي فل أبشن 2002 يبيه ب 180 ألف و قابل للتفاوض ... ماشي 53 ألف و وارد خليجي ... و في كحلي بس ما سألنا عنه .... و هذا رقم الصالة مرة ثانية 8591505

هلا فيك اخوى Night King

ما يقدر يساعدنا الا شخص واحد هو الشمري فقط طبعا بعد الله

عنده امكانيات كثير وقويه وعلاقة مع الاسوق وقويه جدا ........ ولكن ؟؟؟؟؟

والله اعلم

ها شباب مافي جديد ؟؟

أخوي كيفي سعودي ما تشبك ؟ :D

شباب الرياض أحد ممكن يعطينا أرقام صالات يكون موجود فيها ؟ .. أو يقول لنا صالة موجود فيها على الاقل .... لأن نوينا نروح خلااص :) ...

الله يصبرنا

ويوفق الجميع

اي والله ... يقولوا وارد ألماني يمكن مغشوش ... يعني يمكن يكون ملعوب في العداد ...

كان أخذت رقم المعرض و إتصلت أخويي ... بكرة بيقولك إنحجز :D ... بس كيف تقول مرشوش ... السيارة كأنها جديدة و نظيفة مو مبين عليها مرشوشة .. الظاهر تقصد ال 2002 ... زيين شفت الذهبي اللي في خلف المعارض ؟ ...

في صالة القاضي الجديدة يجيبوا وارد ألماني بس و على الموديل الجديد يعني ألحين يجيبوا بس 2004 ...

والله انك صادق .. المشكله ارتفع في الوقت الي كنت باخذ فياغرا بالمانيا بسعرمناسب جدا لكن يالله ماتدري وش الخيره فيه ..
اذا حصل شي جديد يخبرنا ..الاسعار الان ناااار

بالمناسبه قبل مدة حصلت اعلان بجريده الجزيرة عن فياغرا 2000 S500 بـ155 الف ريال ومواصفات الجفالي :)

اخوى Night King هلا فيك حبيبي

انا شفت المرسيدس 2000 الابيض والله يخووووووووووووووف حييييييل شكله مرشوش وبصراحه واضحه الرشه ويقول حق واحد فى ارامكو والله من الهلس شكله حق واحد شريطي و 175 الف اشتري 2002 بحري فيها

انا جيت معرض اسمه البحر الاحمر ويقول راح يجينى واحد ابيض بكره لكن انا بعيد عن الدمام ولا كان جيت اشوف الله وعلم هو صادق او لا يقول 2002 ابيض سعره 167 الف

هلا فيك اخوى Shadow واحب اشكرك على المشاركه فى الموضوع وهو صحيح هاليورو مدري من وين طلع على حظي هههههههههه واذا شفت هالشريطيه تعيف السوق كله

وتحياتي لكم جميعا

يالله الاسعار والله غاليه بالمره .. آه ه لو ينزل اليورو ...

لي نصيحه لكم ياشباب

ابتعدو عن سيارات المعارض لما فيها من الدجل العظيم والنصب الكثير

لانها اغلبها يلعبون فيها ويغيرون بعض القطع الي فيها وهذا شي انا شايفه بنفسي ..

حاولوا تحصلوا من بين معارف او ناس ثقه

واي جديد راح ابلغكم :)

السلام عليكم ... أخوي كيفي سعودي أنا أضفتك أوووكي :D ?

يمكن تشوفني كل بالخارج فاعذرني لأن ما أقعد كثير :) ... أخوي هل إنت رحت شفت الرياض و أسعارهم ؟ ... يمدحوا في الأسعار هناك .. نوينا نروح لكن الله أعلم متى :D..

هلا فيك اخوى Night King
والله انت ررررررررررهيب ريحتنى من المشوار للمعارض يعطيك الف عافيه

معرض الوسام فيه سيارات حلوه بس المشكله ماتدري وين صاحب المعرض من كثر

العالم وشباب والشيبان والشريطيه هاهاهاهاهاهاها انا بكره بمر على معرض الوسام

يارب احصل عندهم سياره نظيفه ...... اخوى ما جيت معرض الهلال ما عنده شى حلو

اخوى Night King ممكن اتواصل معك على المسنجر هذا ايميلى

[email]azaam222@hotmail.com[/email]

وتحياتي لك حبيبي

في شارع المعارض بالدمام .. في معرض إسمه الوسام فيه 3 سيارات مرسيدس بيضاء :

موديل 2000 كامل المواصفات .. تشوفه تقول 2004 من نظافته و شكله .. بس غاااالي ب 175 ألف ....
موديل 2002 كامل المواصفات الظاهر بدون بصمة ... موديل 2002 يمكن ب 175 ألف ... بس مو نظيف ذاك الزود الظاهر يبي له تلميع ...
موديل 99 ... ب 130 ألف .. بس نظيف ..

في كمان في المعارض .. موديل 2000 أسود فل أبشن بس مو نظييف و كله خدوش ..

و في لونه ذهبي بعد .. بس مادري عنه شي ...

و في كحلي .. موديل 2002 نظييف يبيه ب 180 ألف .. ماشي 30 ألف

و في أسود موديل 2003 بس يبيه غااااااالي ب 230 ألف ... مع إنه ماشي 70 ألف ..

و في بعد عودي بس 99 .......

هلا أخوي كيفي سعودي

شوف الصالة العالمية في الدمام .. كان في عودي مادري هو موجود للحين أو لأ ..

اليوم يمكن أروح صالة جديدة أبشرك :) .......

و ترى في كحلي في التلمساني شفته ؟؟

هلا فيكم اخواني

ياربي لك الحمد والله جنوووووووووووون

السياره 320 الماني كامل المواصفات ابيض (((( مصدوم من الباب الامامي والخلفي )))

ويبى فيه 188 الف ريال ////////// ادفع 188 الف فى سياره مصدومه والله حرام

تحياتي لك اخوى Night King

هلا بيك أخوووي .. بشرنا إذا شريت :D

و إذا شفت شي أسود أو عوودي .. لا تبخل علي حتى لو كان 2003 :) ...

مشكوووووووووووور حبيبي Night King

و يعطيك العافية

أفا عليك أرد :)

موجود في صالة التلمساني .. ( آخر مرة رحت فيها ) ..

رقم الصالة إذا بغيت تتأكد : 8591505 ..

أتوقع هو فل أبشن .. 2002 .. كان مطلوب فيه 180 ألف ألحين مادري يمكن انباع أو شي ...

هلا فيك اخوى Night King:::
وين فيه الابيض فى الشرقية وهل هو كامل المواصفات او فيه شى ناقص واى صاله هو ..............

ارجو الرد

هلا أخوي Rolls-Royce :
المشكلة إني من الشرقية .. و يقولون أسعار ال S320 غالية شوي .. أما أسعار ال S500 طايحة لأنه موب مرغوب مثل ال S320 ...

أخووي كيفى سعودي :: أقولك الأسعارغالية ما صدقتني :D

علعموم شباب اللي في الشرقية .. في التلمساني في مرسيدس كحلي و أبيض .. و في الصالة العالمية في عودي .. بس غالييين ..

اللي عنده خبر عن شي يرد ......

السلام عليكم ورحمة الله وبركاته

هلا فيكم اخواني انا رحت الكويت وشفت الاسعار اسعار غريبه عجيبه الاسعار نااااااار

وانا اعتقد انه عشان الاقساط عندهم لانه مريح جدا ..... واخوكم سعودي يبى يدفع

كااااااااااااااش...... كل ما اقول كم سعر الكاش يصدون عني هاهاهاها

ارخص سياره حصلتها 13 الف دينار مايقارب 170 الف ريال والماني

وصراحه شفت سيارات الجلد من داخل مركب مش وكاله الله يستر عليهم فى الكويت

وقيب انا رايح قطر ورد لكم عن الاسعار هناك

تحياتي للجميع