والله اخوي سيارات الهيونداي تغيرت صارت أطلق من التويوتا والنيسان .. والتويوتا والنيسان تدهورت .. وماهي زي زمان .. خلاص الكوري عرف كيف يكسب السوق .. وتحياتي للجميع .. ويجب ان نحترم الآراء جميعها وكل واحد له رأي ..
اخوي هاذي السياره صحيح كوريه لاكن تصميم مركز بانفرينا الايطالي الي يصمم الفيراري و الالفروميو و الميزراتي..و شكلها مستوحا من المارنيلو لو تلاحظ و راح تلقه شعار المركز جنب التاير الخلفي و من ناحيه السرعه اعتقد جيده و اليديده تجيك قير تيبترونك يعني قمه بالراحه:)
السلام عليكم :
صراحة سيارة عاجبتني مررة واذا جاك اللون الاحمر او الاسود _
ومعليها كلام واللي يقولك خراباتها كثير ولا يقولك كوري موب عارفها ولا هو مجربها يعني اذا تبيها قومة تطير (مجرب حقت واحد من الشباب V6) وثبات على الخط ورايقة من داخل
ومااخبر سمعته يشكي منها ...
للمعلومية "طرحت مكسيما بالكوبيه" وما اشوف الا خويي يكبس (:
الهونداي الكوبيه سياره جميله بس مشكلتها انها كوريه يعني يبيلك تحافظ عليها
واحسن لك تاخذ البيجوالكشف اما 206 CC او 307 CC ترى ازين و اجود و يكفيك انها فرنسيه يعني ازين لك وسعرها حلو مرررره و الله يفقك
اخي العزيز انا راح اكلمك عن تجربتي الشخصية عن الكوبيه
طبعا شريت وحدة من اول موديل طرح في التسعينات كانت اربعة سلندر ومستعملة نظيفة ماشية
26 الف كلم عجبني شكلها وسعرها المغري وكنت متخوف شوي الا ان ثقتي بهونداي السابقة جعلتني اقدم على شرائها حقيقة كانت سيارة رهيبة سريعة متماسكة في السرعات الكبيرة وعند المنعطفات سيارة رياضية بحق وممتعة في القيادة وياما رحت فيها خطوط سفر
لم تتعبني او تطلبني قطع غيار طيلة سنتين كانت محط انظار الشباب وكنت مسوي حركة فيها نزعت عنها اشارة هونداي وحطيت اشارة نيسان عندما كانت الزد مقطوعة وكانو يحسبون انها الزد وكل واحد يقول منين جايبها لآنها حقيقة اول ماطلعت لم يكن يصدق الشخص ان هيونداي تطلع سيارة رياضية جميلة وبعد هذه الرحلة الطويلة قدر الله علينا حادث جاب خبر السيارة
فبعتها وما زالت ذكرياتها الجميلة تداعب احلامي :D
الخلاصة ان الكوبيه القديم كان جميل وقوي وخدوم فما بالك بالجديد السعر مغري جدا جدا بالنسبة لسيارة رياضية ومقارنة بمثيلاتها دبل السعر ومواصفات احلى ستة سلندر لاتاخذ الاستة سلندر وبس شوف القوة كيف وشكل اجمل وتقنية افضل اما الفل ابشن فيها ررررررررروووووووووووعة
طبعا خذ في بالك ان اي سيارة رياضية عند اعادة بيعها ما تجيب سعر زين لآنها حقت شباب وتعرف الشباب كلهم حركات |1|
اخوي عشان ماظلمها السياره تقدر تقول قويه لاني شفت لها قومه بعيني مع مكسيما والسيارتين اوتو ومحد طاف الثاني لانهم كانو صافين مع بعض مادري يمكن راعي المكسيما غشيم
