علشان لا تزعلون انا شرقاوي اوكي
وبدايتي كانت مثل اي واحد يبحث عن قطعه معينه في السوق
لفيت وقريت وعرفت سعرها في الكويت والامارات وكان سعر القطعه يقارب 400 ريال
المهم وسألت كم محل في البدايه ماقالو عندهم بعد اسبوع
وانا اتمشى مريت محل ريسنج الي جنب المرور
وادخل عنده والاقي الاستاذ سعيد بالأبتسامه العريضه هلا هلا امر ابوي تدلل
والله بغيت القطعه الفلانيه عندك ؟؟
اي عنده هذا هي
واقوله بكم ويقولي ب 850 ريال
اوف من اربع مائه ريال لحد ثمان ميه وخمسين
قلت له برد بعدين اوكي واروح محل الي في المحمديه لصاحبه صلاح البدين
واقول له بكم القطعه هذي هل اهي موجوده عندك قالي ايوه ب 900 ريال
والله انا اقول هذاك النصاب تجي لي انت النصاب
وارجع للأستاذ سعيد واقول له راعيني ماراعيني يقولي طالعه علي جمله ب 650 ريال
( العب ابو الشلخه بس )
المهم قلت يالله انا مو راعي خطوط اخذها من هنا واركبها واتوكل
قلت له انزين تركب اكيد قالي ميه ميه تركب ماعليك روح حق فلان بس
واروح حق يماني شكله يركب طيارات
واقول له هذي القطعه
ويطالع القطعه بنص عين ويقولي اوكي اركبها ويركب ويشتغل الرجال 3 ساعات على السياره وبعدين قالي ما اشتغلت !!!
كيف ما اشتغلت قالي ماشتغلت ياخي انت سيارتك ؟
ههههههههههههه مع وجهك قلت له وين التعليمات واقرى التعليمات واشوف السلك هذا هنا السلك هذا هنا والله وعطت شوي مفعول قلت له كم حسابك قالي 300 ريال
والله وبالطق وقلت له انت ماتفهم جاي تجرب على سيارتي وتقولي لي 300 واطلع منه وعن الحلال والحرام عطيته 100
واروح ورشه ثانيه علشان يضبط لي القطعه واروح حق ورشه نبيل كمال
وماقصر وطقطق في السياره من الصبح الى المغرب الى داخلين شباب من الامارات والبحرين جلسو يطالعون في السياره سألوني عن القطعه الي اركبها قلت لهم القطعه المذكوره
قالو بس فيه شي ناقص
اشلوووووووووووون ؟؟
قالو ايوه شي ناقص ماتشتغل بهذي الطريقه
والله مضبوط كل شي راكب مضبوط بس ما اشتغلت
وارجع للأستاذ سعيد واقول له السالفه والقطعه ما اشتغلت على سيارتي وعلشان تشتغل لازم حاجه زياده
قالي لا شنو منو يقول كذابين وانت رحت لنبيل كمال هذا نصاب
قلت له طيب الحل
قالي اوديك لواحد في البحرين يركبها
قلت له انا الحين دافع 100 فوق قيمتها تبي تطلعني البحرين انا ياخي سيارتي ماتطلع ماعندي تفويض مو دافع اقساطي
قالي انا اطلعك قلت له طيب يالله وين اروح
دق دق قالي الولد هذا مقفل جواله الي بوديك له
المهم بعد كم يوم قال مسافر
قلت له والحل
قالي دور من يركبها لك
قلت له قالو لي ماتركب
قالي تركب
قلت له ركبها
قالي ماركبها
قلت له رجعها
قالي القطعه ماترجع
ومبهذله تبيني ارجعها اشلون
قلت له ترضى لي بالخساره
قالي اصلا دخلنا القطعه بالكمبيوتر انها انباعت كيف نرجعها
هاهاهاها اشدعوه في وكاله السيارات احنا نرجع سياره بكبرها انت تقولي قطعه
على العموم القطعه لحد الحين الورش تحاول تخترع لها الجزء الناقص علشان يكملونه قالو يبون مني سعر 500 ريال
علشان تركب
والله يا محلات النصب ياخي قول تركب او ماتركب او تحمل ترجع لك اذا عطيتنا كلمه صادقه يا شباب الي يشتري شي يشرط على المحل تركيبه لا يتوهق ويخسر ترى ما اتكلم عن كل المحلات لاكن المحل الي ذكرته ريسنج
بكل اماااااااااااااااااااانه
نصااااااااااااااااااااااااااااااااااااااااااااااااااااااب
اخوكم الي انصب عليه |5|
