بسم الله الرحمن الرحيم
السلام عليكم ورحمة الله وبركاته
وها هو الازوري يعود اليكم بمشكلة ثاااانيه >> مو وجه بي ام الازوري |5|
اول شئ المشكلة صارت لي بالشاشة الاماميه انها معاد تشتغل يعني تطفى وتشتغل من حالها .. ملحوسه هالبي ام
ونصحني واحد بالمنتدى اروح لورشة بصناعية (( ابها الموقره ))
عند كهربائي .. يماني .. يقولون فاهم :rolleyes: المهم روحت له وقال مشكلتك بسيطة اول شئ توقف السيارة وتسحب الاصابع حقت البطاريه منها وتخليها يوم كامل طافيه يعني 24 ساعه مافيها كهرباء
وترجع الاصابع وتشغلها وبتشتغل وياك .. يعني مجرد ريست للسيارة .. كلام جميل للحين !!!!!!!
جيت في تمام الساعه الـ 6.30 من مساء يوم السبت فتحت الشنطة (( خابرين البطارية في الشنطة )) واسحب الاصابع وانفصل الكهرباء كامل عن السيارة وجيت وقفلت الشنطة عشان مايجون عيال الحاره يسرقون سيديات (( مع ان مامعاهم في سيارتهم مشغل سيديات بس بيسرقونها |5| >> مدري وش يبون فيها
المهم .....
واقفل الشنطة وادخل البيت واول دخلتي للبيت قلت خليني افتح الشنطة اخذ بعض الاغراض الضروريه واجي افتحها بالريموت ما انفتحت احاول من هنا من هنا ماااافي اامل واجي افتح الباب بالمفتاح بعد ماينفع ابغى اشغل اي شئ لاحياة لمن تنادي !! >> غباء الازوري والله <<
المهم .....
فكرت وقلت اجيب المهندس اللي صلحها لي بالاول حق طرمبة البنزين ؟ تذكرونه؟
واتصل عليه وجلس يضحك ويقول واللله لو تجيب وكالة الناغي ماراح يفتحو السيارة لك ؟؟ قلت ليش يابن الحلال قال واللله ماراح احد يشغلها لك الا انا
قلت تعال يامال العافيه تعال واروح اجيبه وجاء وجاب معاه توصيلات كهرباء واشبكها على بطارية سيارة ثانيه (( جمس )) وانزل تحت السيارة يقول شبكها في سلكين واحد للكمبيوتر وواحد للكهرباء وكانت هالمخاطره على كلامه لو ماضبطت راح تكلفني 8 اللاف ريال لانه يا بيجيبها في اسلاك السيارة او في الكمبيوتر |9|
وشوي مجرد ثواني الا ويشتغل الفليشر واضغط على الريموت وتنفتح الشنطة
قال لاتفرح للحين انت فقدت كل معلومات السيارة
بتجي تبي تشغل المسجل بيقولك نبي كود
بتجي تشغل النوافذ يقولك نبي كود
بتجي تشغل فتحة السقف يقولك نبي كود
الخ الخ الخ >> عاد تعرفون البي ام
الازوري انلحس << مسكين
وابشركم عدت على خير ماطلب لاكود ولا شي لانها ماطولت
وبالاخير ،،،
انصحكم يا اصحاب السيارات الالمانية وخاصة الـ BMW ــا : -
هذي سيارة معقده جدا يعني موب امريكي ولا ياباني ولا توديها الا عند خبرااء
ولا تفصل البطارية من السيارة مهما كاااااان
والحمدلله عدت على خير لحبيبكم الازوري ..........
وآسف على الاطالة >> وعارف اني ذابحكم كل يوم وناقز لكم بمشكلة
واتمنو تستفيدو من اخطاائي
تحياتى
الازوري
