شرايكم بالمرسيدس ؟؟؟

BM 740 @user_10258 · 02-05-2004

شباب انا متورط ومحتااار حدي

ابي سياره من السيارتين هذي

مرسيدس شبح 98
مرسيدس ابو عيون 98

ابي اعرف من الي فيهم خراباته اكثر

وياليت الي عنده مرسيدس ومجرب لايبخل على اخوكم الصغير تراه محتاج ارشادات بسيطه

تكفوون ابي التفصيل الممل لاني رجال شراي وركبت في راسي يعني تنصحوني ولا ماتنصحوني ؟؟؟؟|3|

بنز-وبس @user_32977 · 17-08-2007

بالنسبه الى مشاكل الكهرباء..انا استخدم موديل2001 لها معي 5 سنوات ماشاء الله السيارة ماشيه بدون اي مشكلة تذكر ابداً فقط قطع استهلاكيه وتوه هالشهر خرب معي الايرماس فقط.(قطعة تركب عند فلتر الهواء)قيمتها 960 ريال.
(مع العلم انها جفالي).

فهد منصور @user_22565 · 17-08-2007

بسم الله الرحمن الرحيم
السلام عليكم ورحمة الله وبركاتة
والله السياراتين ما شاءالله ما عليهم كلام
لكن خلينا بالتفصيل من حيث تجربتي للسيارتين ///////
اولاً // S320// ((الشبح )) : مكينة 6 سلندر وعزم قوي جدا وصلابة البدي وتحمل قوي جدا ورساوة ما بعدها رساوة ومكيف حلو وحرارة احلى (( السيارة لازم تكون جفالي )) وشكل ما شالله حلو والى الان ماشي وشكل رسمي اكثر من انه رياضي
.
ثانياً// E320//(( ابوعيون )) : مكينة 6 سلندر ولها نوعين من المكاين (( الاولى مكينة شبح وهي 6بواجي فيها )) والثانية (( مكينة فياقرا 12 بوجي )) وكلا المكينتين 6 سلندر والعزم تمام التمام والشكل حلو جدا ورياضي ورسمي في نفس الوقت والمكيف حلو والحرارة احلى (( اخذها جفالي ))

لكن يجب ان يكون لديك معلوم بأنه (( الشبح جاء بعده شكل الفياقرا وشكل الهامور او البانوراما )) وايضا (( ابوعيون جاء بعده شكل واحد وهو ابو عيون الجديد الموجود حاليا صحيح انه شكل 2007 تغيير بسيط جدا ))
ومن رأيي الشخصي هو (( الشبح 1998)) فقط اذا كان (( S320 - والاهم انه جفالي ))
واسف على الاطالة
وتذكر الاستخارة قبل الاستشارة
وتحياتي لك ومبروك مقدما والله يعطيك خيرها ويكفيك شرها
وتحياتي للجميع
بوفيصل

320e @user_47162 · 17-08-2007

أنا أشوف إن أبو عيووون شكله أحلى وشبابي من الشبح
لكن المشاكل الكهربائية سمعت عن وارد اليابان إن به مشاكل كهربائية

عاشق الالماني @user_22260 · 16-08-2007

السلام عليكم ....

يالغالي انت سؤالك بين الافضل ، والافضل بين اختيارك هو الشبح وخاصه 320 لرخص القطع وسهوله الصيانه ، والتحمل الاكثر لأن الاي كلاس قد تجد منها مشاكل كهربائيه .

وبالنسبه لأسعار الشبح موديل 98 تحصل النظيف منها يبدأ من 50 ألف حتى 75 ألف ريال والفرق طبعاً على حسب النظافه والمواصفات والممشى .

ولاتنسى صلاة الاستخاره .

في حفظ الرحمن ..،،،

بنز-وبس @user_32977 · 15-08-2007

والله كلا السياراتين ماعليهم كلام
وفي الثبات صحيح الشبح اثبت..ولكن لايستهان بثبات الE ايضاً فهي نفس انظمة الثبات التي تتحكم بالسيارة والسيارة ثابته وماسكة الارض لسرعة 260 من واقع تجربه.

بس لاتنسى الشبح نزل عليه شكلين
الE نزل عليه فقط شكل واحد.

هاوي عراوي @user_52768 · 15-08-2007

خد الشبح واللي يجيك في صدري ولايهمك بس لاتنسى تقرا عليه لانه شبح

almatador @user_10396 · 03-05-2004

السلام عليكم
اخوي انصحك بالشبح لانه اريخ اثبت على الطريق

اما من ناحيه الخرابات لاتشيل هم والله قوي بكل معني الكلمة

BM 740 @user_10258 صاحب الموضوع · 03-05-2004

ماقصرت وبيض الله وجهك بس ابي تفصيل ملل عن السيارتين ومقارنه بينهم

الشمري @user_2215 · 03-05-2004

الأخ الفاضل BM 740 السلام عليكم ورحمة الله وبركاته [SIZE=2].............................. وبعد ،،،

في بادي ذي بدئ نسأل الله ان يوهبك خير ما ستشتري، وان يلهمك اطيب ما تعي، وان يبعدك عن شر ما يتيسر لك ومن حولك، بالنسبة لما اشرت إنني ناصح لك لوجه الله ان تغتنم السيارة الأولى وذلك لما تتمتع من صلابة ومتانة مقارنة بالأخرى هذا جانب أما الجانب الآخر والمهم أفضل لك 320 ليسر الصيانة مقارنة بـ 500 بالأضافة الى ذلك أيسر لك حينما تود ان تبيع فيما بعد، اما العيوب ليس هناك عيوب تُذكر كي نذكرها.

مع فائق احترامنا لشخصكم الكريم - الشمري
[/SIZE]