احبتي الكرام
السلام عليكم و رحمة الله و بركاته
مشكلتي تكمن في انوار سيارتي فورد كراون فكتوريا
و اللي سبب المشكلة انه اغلب مشاويري اخر الليل و ايضا في خطوط السفر الطويلة و كما تعلمون مافي انوار في الخط
و النور عندي مو واضح مع ان غطاء الشمعات او المصابيح نظيف بدرجة 85%
النور الواطي مقبول نوعا ماء و لكن ليس بالدرجة المطلوبة
اما النور العالي ابدا مافيه فرق عن الواطي و لا اشوف له اي اثر
شفت كم كراون فكتوريا و جراند ماركيز مركبين انوار زينون و شكلها طالع خطييير جدا|1|
بس للاسف ما عندي سيولة و لا حيكون عندي سيولة لمبلغ 1200 ريال و حتى لو عندي ما راح اصرفها على الشمعات ... جنان هوا|10|:rolleyes:
و افتكر في سيارتي القديمة غيرت الشمعات الاصلية و كان قوتها 50\40 الى شمعات جديدة قوتها 10 \ 90 و قعدت معايا سنة كاملة الين بعت السيارة و هيا من افضل ما يكون
و قيمة الشمعة الواحدة 10 ريال و هي نوع الماني لون العلبة ازرق و فيه مثلث لونه اصفر
و حبيت اسألكم بحكم خبرتكم في هذا المجال فين الاقي شمعات قوية ( بشرط انها ما تعمي الناس الي امامي ) و سعرها اقل من 200 ريال و تركيبها يدوي ما يبغالها لا محولات و لا حاجة و ايضا لا تكون خطيرة على كهربة السيارة
و هل هناك نوع معين تنصحوني بتركيبه و كم تكلفته و ماهي درجة قوته و اين اجده في جدة او المدينة
مع العلم ان الكراون فكتوريا راكب عليها شمعة شد بلدها و لا قد انفكت و هي اصلا شمعة واحدة للعالي و الواطي
و شكرا
|6|
