شوووركم ياشبااااب

مــــوادع @user_10390 · 02-12-2004

السلام عليكم
كيفكم ياشباب ؟ انشاء الله طيبين ؟
انا جايكم ودي استشيركم في في امر انا محتار فيه الله لايجعلكم تحتارون في امر ...
ياشباب انا محتار بين سيارتين :
محتار بين كروان فيكتوريا سياحي والي مواصفاته كرسي كهرب للسائق وايرباقين واي بي اس وريموت الخ .... بس طبعا سياحي ووموديل 2005 وبسعر 84000 ...
وبين الكامري الجي ال اكس جراندي سته سلندر 2005 مثبت سرعه مكيف لمس ايرباقين ريموت اتوماتيك جنوط وبسعر 84000 بعد ...
من ناحيه خدمه السيارتين عمليتين وقطعهما متوفرة ورخيصه فماادري وش رايكم ياشباب ؟؟؟؟؟ |

فواز @user_561 · 04-12-2004

اخوي مــــوادع

السيارتين ممتازات ومجربات

لكني انصحك بالفكتوريا

و لو الميزانية عندك تسمح اخذ لك ماركيز GS لأن انوار الماركيز اجمل من الفكتوريا

ومبروك مقدما :)

راعــي فــزعــه @user_14406 · 04-12-2004

هلا اخوي

بصراحه انا اؤيد انك تشتري كراون فكتوريا اس الرياضيه واحلى لون فيها العنابي مسسسسسسسسسكته مووووووووووت

واذا بتاخذ كامري فك بالاسود تراه موت حمر

والله يوفقك

.

مــــوادع @user_10390 صاحب الموضوع · 03-12-2004

مشكورين ياشباب على ابداء الراي وماقصرتوا
وبالنسبة للنقل فعادي يارجال انتوا المشرفين وانتوا ابخس بهالامور لكن انا كتبته بالمنتدى الامريكي لميولي للكروان فيكتوريا ...
وعموما مشكورين وماقصرتوا

NYC @user_12786 · 03-12-2004

وعليكم السلام ورحمة الله وبركاته

مــــوادع

نظرا ان الموضوع تشاور بين سياره امريكيه وسياره يابانيه ينقل الموضوع للمنتدى العام

وانصحك بالكراون فكتوريا

بالتوفيق

وارجو تقبل النقل برحابة صدر

Night @user_14595 · 03-12-2004

اخوي موادع ..

انا رأي الفكتوريا حلوه حيل ..

ومريحه واكبر بالكبينه الداخليه .. وخاصتا انك ذكرت انه المقاعد كهربائيه وايرباق والخ ..

والصراحه سياره عمليه وحلوه ...

وتوكل على الله ..

تحياتي لك

night

blackss @user_5214 · 03-12-2004

انا رأي الشخصي الكامري افضل.
والكراون سياره معروفه وماعليها كلام.
وانت بكيفك...

Blue Monaro @user_14551 · 03-12-2004

اشوف الفكتوريا احسن

احلى
واكشخ

واللي ما فيه كلام الراحه

ما في سياره اريح من الفكتور

بعدين الفكتوريا اوسع

وحق شباب

وعوايل

هذا اللي عندي

TSS @user_5129 · 02-12-2004

انا رأي الشخصي الكروان فكتوريا افضل.
والكامري سياره معروفه وماعليها كلام.
والسياره بالاخير راح تكون لك فالسياره الي تبغاها خذها وماعليك من كلام الناس.

بالتوفيق.

عذب الاحاسيس @user_15092 · 02-12-2004

والله الكراون فكتوريا احس انها احسن وتراها احسن من الكامري بالخطوط وتخدمك وماتصرف بانزين انسى البانزين بس اللي يعيبها انها امريكي
والشور لك

تحياتي
عذب الاحاسيس

حسن أبو ضب @user_10112 · 02-12-2004

شوف اذا انت شبابي زي ماقال بو عابد خذ كامري ..

وانا برايي خذ كراون فكتوريا ازين واكشخ

وعملية اكثر من اي شي ووكيلها ممتاز بالحيل ...

وعوايل وشباب بنفس الوقت

والاختيار الاول والاخير لك

والف مبروك مقدما :)

بو العابد @user_15343 · 02-12-2004

والله ما أدري شاقولك السيارتين كل وحده غير الثانيه يعني مابينهم مقارنه
كانك شبابي وراعي وناسه خذ الكامري
وكانك ثقيل وتبي رزه وتحب السياره الكبيره خذ الفورد

والله يوفقك