السلام عليكم الصراحه ابقولكم موقفين حصلت لي لاكن الهدف منها واحد
هذه الفتره قمت اطلع كثير كوني فاضي وحصل لي موقفين اول مره تحصل لي
اقولكم القصه وانتم احكمو
هذا سلمكم الله طلعت مره لطريق الامير عبدالله المهم اخوياي اللي معي يشوفون السيارات ويقولون نوعها وكذا من زود الطفش المهم ونشوف قدامنا راعي ابيكا يفحط وبغى يصدم دباب المهم وحنا ماشين شفناه اخوياي قاموا يشوفون سيارته ويشوفونه المهم هو قال وش تبون وقام يتلفظ بأفاظ (وقحه) انا قلت ابتجاهله عشان ابتعد عن المشاكل قام يلحقنا ويحدنا وبسببه بغيت اصدم المهم انا قفلت معي يوم جيت ابدعس ابي اتفاهم معه حصل مثل المفرق يودي للملك فهد او يودي للخدمه المهم هو نطل الببسي حقه على سيارته وخشش موتره بالمدخل حق الخدمه انا ما قدرت اخش على المدخل لاني دخلت على مدخل السريع
وثاني موقف
مره بالتحليه انا واخوياي ويجيك راعي لاند كروز يقبس علينا من ورا علمنا بأن عدد الاشخاص اللي في الجيب الاند كروز 8 اشخاص وحنا :) ثلاثه طبعا انا ثالثهم وينزل الدريشه قلنا شكله هذا يعرفرنا انا ابتسمت له قالي وش فيك تضحك وش فيك تشوف !!!!!!!!! انا قلت الله يهديك بس وش المطلوب قال المطلوب ويقوم يسوي حركات مالها داعي
وقطع الاشاره وخويي هو اللي يسوق قال والله ما اقطعها عشان الحقه حتى انهم 8 وحنا ثلاثه
هذا الله انتقم لنا منه ووقفته الدوريات وشفناه وهي توقفه وقمنا نضحك عليه :) بس الاول الصراحه حتى الان حاملها على قلبي
اللي ابيه منكم تقولون لي حل تجاه ذولي يعني مثلا اللي ينزل الدريشه يقول وراك تضحك بحد ذاتها قويه
ابي انا تقولون لي حل تجاه ذولي علما بأني مقد قزيت لي واحد منهم ولا ضحكت عليهم ولا استهبلت عليهم
هل الحل اني اوقف واتضارب معهم ولا كيف
واعتقد اكيد واحد منكم جاه مثل موقفي
