الفلتر الرياضي *** اسلاك بواجي*** بواجي رياضيه*** وكم سؤال الله لا يهينكم

البواجي: أنصحك ب(Spilt fire) ممتازه وعمليه جداُ وتخدم معاك أطول من حقت الوكاله.وأسعارها
تبدأ من 120ريال(رأسين).على حسب نوع السياره.

الأسلاك: أنصحك بأسلاك(MSD) أنا مركب على سيارتي 9مم.وأسعارها تبدأ من 200 ريال .

الفلاتر: أعتقد أن أفضل نوع اسمه (سيموتا) بس ما أعرف اسمه بالإنجليزي.تبدأ من 300 ريال.


بس هذي القطع ما تعطيك كامل طاقتها اللى مع شبكه ومنظم والكويل.
إن شاء الله قدرت أفيدك.

Accord_4_ever

السلام عليكم ورحمة الله
انا يا طويل العمر ركبت بواجي اربع رؤوس من نوع BOSCH على الكابرس حقي والموتر طلع مجنون ما يمديك تحط رجلك على البنزين الا الموتر هاااااااااااج بك وصار لها الحين تقريبا اربع شهور ما في الموتر الا العافيه
بس انا اقول موترك اذا كان جديد خله على بواجي الوكاله احسن
بالنسبه لغسيل السياره بالمويه قسم بالله ولا لك علي حلفان اني كل شهر اغسلها بستم عند محطات الجميح وافك له الكبوت ويرش امها بالمويه وهالكلام من سنه وانا على هالحال والموتر ما فيه الا كل خير ولكن ترا على حسب السياره بعضها يمكن يجيب لك مشاكل ,,,,,,,,,
اتمنى اني افدتك وشكرا

واللله انا حاقولك الي اعرفه
الفلتر الرياضي يجيك انواع واسعارها من120 الى250 تقريبآ
وفايدته بيقويلك العزم على خفيييييف ماتلاحظه الا في الخطوط
هاذا الي اعرفه
اما عن غسيل المكينه
فهاذي والله على حسب سيارتك

شوف انا سيارتي الكراون غسلتها بستم والاضرار الي جاتني تفتفه قوييييه وبالقوه السياره تتحرك ومع الايام تروح لين ماتنشف المويه واعتقد انه المويه وصلت لاسلاك البواجي

تحيتي لك

اخوي غنيم

الموضوع هذا معقد مهو اي واحد يجاوبك عليه

بس انا اتمنى الاخوان المتخصصين يلبون الاقتراح اللي قلته

السلام عليكم

الفلاتر الرياضية اداءها محدود جداُ ومايفرق الانهاية الخط

لما تجيب طبلونها ........

غير كذا صوتها مزعج وكل ماجت مويه طاح قلبك لايكون وصله شي

اسلاك البواجي هذي للسيارات القديمة ايام الديلكو والشلة......

الحين لكل بوجي كويل ونزل كويلات رياضية واداءها جيد جداً وخصوصاُ مع بواجي الرياضية

ماتأثر على السيارة او المكينة باي شي بشرط تكون اصلية ومناسبة لسيارتك

اغلب السيارات الرياضية تجي شد بلد قطع رياضية وتشوفها تردح من 20 سنة


الغسيل ..........

يقع الكثير من الاخوان في خطأ انه يفتح الكبوت ويرش من هالديزل ويكثر ويرش صابون والمويه بالمسدس
لا يالحبيب موترك الجديد كله الكترونيات وعلب فيوز وموصلات وحساسات واشياء مايعلم بها الا الله

ومايدري انه بالاهتمام الزايد خرب سيارته .....




تحياتي
محمد

المفروض تحطون موضوع مفصل عن طريقه التركيب والانواع