اخوي E2004 .. الهونداي تطور بالفتره اللي راحت و تصاميمه و جودته صارت ممتازه
لكن ما وصل لمستوى انك تقارنها بالتويوتا .. على الاقل بالوقت الحالي .. ماندري وش يصير بعدين
فنبدا بالاكسنت والأيكو :
من اغير ان اضيف شي جديد لان السوق السعودي يتكلم للأسف الشديد الايكو لم تحقق ولو نسبة بسيطة من مبيعات الاكسنت لعدة اسباب منها الحجم وتوفير الوقود والسعر المعقول للأكسنت بالاضافة إلى الجودة واكبر دليل محلات ايجار السيارات التي استغنت عن الايكو بشكل كبير والتفتت إلى الاكسنت برغم ان الاولى يابانية والثانية كورية .
من قالك ان الايكو ما حققت و لو نسبه بسيطه من مبيعات الاكسنت ؟؟ عطنا المصدر الله لا يهينك
في مجلة سعودي اوتو العدد 116 ذكر ان
مبيعات الايكو عام 2001 كانت 2949 اما مبيعات الاكسنت فكانت 5769 ..
يعني تفوقت الاكسنت بعام 2001
اما في عام 2002 الايكو مبيعاته 3490 و الاكسنت 2608 .. زادت مبيعات الايكو و نزلت
مبيعات الاكسنت لاكثر من النص
اما محلات الايجار فيدورون الرخيص
ثم نأتي إلى الالنتر والكورلا :
لا عجب ان الكورلا سيارة عريقة ولها تاريخها القديم ولكن لو لاحظنا في الاونة الاخيرة انحدار مبيعاتها وارتفاع في الوجه المقابل مبيعات الالنترا فنجد الاخيرة مع شركات ومحلات إيجار السيارات ومع سائقي الاجرة (اللموزين)ومع نسبة كبيرة من المستخدمن الشباب والعوائل والسبب هو طمع وكيل الكورلا ( ابو جميل ) في سعر مرتفع بالاضافة إلى تعديل بعض مرفقات السيارة وتبدليها مثل المسجل والجنوط والزينون ، والمفاجأة العظمى ان الدوريات والمرور السري بمنطقة لرياض اصبحت تستخدم الالنترا بعد اللومينا وذلك لقوتها وتحملها وسرعتها وحجمها بالاضافة إلى ثباتها الذي لانجدة في الكورلا اليابانية .
صدقت في كل كلمه قلتها عن ابو جميل
لكن تقول انحدار مبيعات الكورلا و ارتفاع مبيعات الالنترا .. برضوه نبي المصدر
مبيعات الكورلا بعام 2001 كانت 12838 اما الالنترا 2591 .. يعني خمس اضعاف وزياده
اما عام 2002 الكورلا 12857 اما الالنترا 3566 .. زادت مبيعات الالنترا لكن
ما زال الفرق كبير
واخير (محبوبتكم)الكامري ومنافستها السوناتا :
بدأ نجم الكامري بالانطفاء بعد موديل 2002 وبرق في الوجة المقابل نجم السوناتا لقلة العيوب التصنيعية في الاخيرة والعكس بالعكس فكثير من مستخدمي كامري الجديدة يشتكون منها من ناحية الثبات وتنسيم الهواء وهذا الشيء لم نلحظة في السوناتا التي كانت إلى عام 2004 منافسة قوية للكامري ولكن الان وبعد نزول الشكل الجديد للسوناتا2005 في الاسواق اعتقد ان السوناتا ستصبح منافسة قوية للأكورد وسوف تصبح الكامري خارج المنافسة ، فالكامري بما فيها من عيوب يزيد وكيلها الطين بله بسعرها المرتفع والمبالغ فيه حتى بعض الالوان تدفع فرق في السعر يتراوح من الالف إلى الالفين ريال حتى تظفر بهذا اللون فبهذه الطريقة تدمرت الكامري ومعشوقيها . ولو لاحظنا إلى سعر اقل فئة بالكامري نجدة مقارب لسعر اعلى فئة بالسوناتا
طبيعي اول ما يطلع شكل جديد من اي سياره يكون فيه عيوب تصنيعيه
و التنسيم هذا اللي ازعجتونا فيه انحلت مشكلته من زمان و انتم الى الحين تكررون
نفس الكلام
و لا تنسى الكامري 98 اول ما طلعت كان فيها مشاكل بالعكوس و غيره ..
يعني اردى من التنسيم
و شف انحلت مشكلة العكوس .. و صارت مبيعاتها اعلى مبيعات على وقتها
و لاتدمرت الكامري من العكوس .. تبيها تتدمر من التنسيم :confused:
تقولي سعرها المرتفع .. السيارات اليابانيه كلها اسعارها مرتفعه و اكبر دليل الاكورد
والسؤال الذي يطرح نفسة هل الصناعة الكورية تفوقت فعلا على الصناعة اليابانيـة ؟
الى الحين ما تفوقت و الفرق كبير .. لكن ما ندري وش يصير بالمستقبل
ام هل الوكيل عبداللطيف جميل هو الذي سينهي مبيعاته عن طريق سياسته الطماعة ؟
الله اعلم
ام تبقى تويوتا وكامري خصوصا شعبية قوية وجودة ظعيفــــــــــــــــــــــــــــــــــه ؟
جوده ضعيفه عشان تنسيم الهوا .. الله يصلحك بس :)
تحياتي للجميع
