السلام عليكم..للخبراء بين GMC و أرمادا...؟؟؟

أبو عبدالعزيز @user_6640 · 15-04-2005

السلام عليكم...........
شخباركم شباب
أخوي الكبير حاب يسألكم
هو محتار بين GMC 1500 فل أوبشن (جلد و DVD و...............ألخ)
ونيسان أرمادا فل أوبشن
وطبعـــــــــــــــــــــــا كلهم بدون دبل.
فاياريت من الأعضاء المجربين للسيارتين إعطاء آرائهم ونصائحهم في الموضوع.
أخو أخوكم أبو عبدالعزيز :)

S600 4 EVER @user_17451 · 22-04-2005

السلام عليكم أخواني,,,,
أخوي أبو عبدالعزيز والله من تجربة خاصة مع اليوكون تبعنا موديل 2002 ولاأظن بيفرق من ناحية الديكور والداخلية عن السوبر بان
والله جودة عالية وأنا مظلله V-COOL و موديها لZIBART ولا سار للسيارة حاجة من الداخ ولا الخارج والحين ماشية 77000 كلم ورساوتها بشكل غير طبيعي ولا تنطط في الخط أبدا ماأدري لأنها 4×4 أو إن السوب فيه بلى
أما الأرمادا فهي سيارة روعة من ناحية الشكل الخارجي والداخلي بس صراحة ماعندي تجربة خاصة لها بس على حسب تصفحي في النت فالسيارة يمدحونها مره ,,,

أخوك S600 4 EVER

أبو عبدالعزيز @user_6640 صاحب الموضوع · 22-04-2005

مشكووووووووور أخوي A.H.A CO على النصيحة
وأتمنى أنك تتكلم عن تجربتكم للسيارة

A.H.A CO @user_18657 · 21-04-2005

تبي رأيي خذالأرماد أنا أبوي الحين موصي عليها خلال أسبوع بتجينا تراها روعة كثير

بعض مواصفات الأرمادا
340 حصان
8 سلندر
5.8 لتر
هذا ما عدا ان بابها الخلفي يفتح اوتوماتيك
و سرعتها 220
و سيارة كششششششخة تمشي فيها الناس بيلاحقونك

صراحة أرمادا و بس
و ترا الجمس ملينا منه طفشنا حفظنا شكله
نصيحة نصيحة نصيحة
أرمادا و بس

أبو عبدالعزيز @user_6640 صاحب الموضوع · 21-04-2005

مشكور أخواني هو فعلا هذي المشكلة منتشرة بالجمس الجديد
حتى أقاربي عندهم نفس المشكلة مع أنه مظلل V-kool ومويدها Zebart بالخبر (حماية شاملة)
بس صراحة ماندري عن الأرمادا..؟؟؟؟؟!!!!

أبـوأسـد @user_15810 · 21-04-2005

لازم أخوي كل السيارات ما تعرضها عند الشمس لأنها تلعب في الديكور أي سيارة!!!
أو على الأقل حط شماسة وتنتهي المشكلة بشكل نسبي أو بشكل كامل

عبووودي @user_11561 · 21-04-2005

عندي جمس 2002 1500مشاء الله قوي وصرفية بنزين ممتازة 100ريال فل ويبقى سبوع معي مع المشاوير والدوارة البسيطة لاكن عيب الجمس الوحيد الديكور الداخلي فاشل بمعنى الكلمة مثلاًالطبلون بلاستيك مصبوغ بمادة جلدية تتقشر مع الوقت وبسهولة وتأكد بنفسك
وأنشاالله أكون أفدتك

أبو عبدالعزيز @user_6640 صاحب الموضوع · 20-04-2005

مشكور أخواني على الردود
بس حبيت أفيدكم ترى الأرمادا صناعة أمريكية
ولا بعد عندهم مع السوبربان كثير أشياء مشتركة من الداخل
لذا أعتقد أن هناك شراكه خفية بينهم
على مشكورين وأتمنى المزيد من من جربوا الأرمادا

D-MAX @user_17683 · 20-04-2005

شف الارمادا لا يعلى عليه واشوفه بدى ينتشر ها الأيام
وبعدين من اللي يقول ان الامريكي ازين من الياباني
يمكن اريح لكن الياباني يعيش وخراباته مب كثيره

بس السبربان حالة استثنائيه كبير و وسيع و منتشر

لك القرار

لوميـSTOCــنا @user_18022 · 20-04-2005

السلام عليكم ورحمة الله وبركاته

اشكرك اخوي على الموضوع .

و انصحك بالجمس .

ولاكن لا اعرف وش الفرق بين ال 1500 و ال 2500

و اسعارهمم .

وشكرا

A L H A M O O R @user_17724 · 20-04-2005

:( الجمس صراحة ما يطامر وأنا مجربة حتى 160 كم يمكن هذا الكلام في الموديلات القديمة ...
والكهرباء لم أفهم وشلون انها فاشلة ...
اذا صار فاشل في الكهرباء أجل 1500 فاشل لأنه نفسه من داخل اللهم الفرق في المكينة ......
انا لأنصحك تأخذ 8100 لأنه يبلع بنزن أكثر من 2500 وغالي سعره ;)
في أفخم أنواع الجموس وهو ( دينالي ) صراحة صراحة فخم من داخل ومن برا تختلف الوجهيه حقته ...
يعني الناس ملوا من الجموس فدينالي وجهيته تختلف ...
وبعدين دينال يجي دبل و مثل 1500 يعني ما يكون مرتفع وعلى كلامك ما يطامر ;) بس تراه غال بس حلو ....
الأرمادا حلو بس زي ما قالوا الشباب عيوبه تطلع بعدين .. وترا الأرمادا ياباني ;)
الأمريكي أحسن ..
هذا رأيي ومشكورين |3| |3|

أكورد وبس @user_7944 · 19-04-2005

والله الجمس 2500 يطامر بقوووة

وبصراحة ، الكهرباء فيه فاشلة

أبو عبدالعزيز @user_6640 صاحب الموضوع · 19-04-2005

مشكور أخوي دوريه على نصيحتك
بس عيب السوبربان 2500 أنه مع الخط يطامر
أما 1500 فهو عبارة عن هيدروليك مايطامر كثير وفالخط مريح أكثر من 2500
وأما بالنسبة للعزم فال1500 عزمه 353نيوتن . أما 2500 مكينة 6000 فعزمها 392نيوتن يعني مايفرق بالعزم كثير
أما لو قصدك 2500 أبو مكينه 8100 فهذا عزمه 472نيوتن (مثل سوابر أيام زمان موديلات 95 وفوق)
وهذا بيني وبينك عيبه أنه يطامر في الخط وثاني شيء يبلع بنزين بالهبل....
بس ماقلتلي إيش رأيك بالنيسان أرمادا...؟؟؟؟؟

A L H A M O O R @user_17724 · 19-04-2005

السلام عليكم ..
أنا عندي سوبربان موديل 2005 حجم 2500 سوبر ديلوكس ...
وصراحه ماشاء الله تبارك الله عزم قوي راسي في الخطوط حتى لو تمشي 180 ...
أنا أنصحك ( اذا كان معك فلوس ;) ) تشتري 2500 موديل 2005 بــ 136.000 ألف ريال ...
أنا صراحه شريته من الجميح بس معاملتهم سيئة عند التسليم وأثناء الصيانة جرب واشتر من العيسى وهذه الأيام في تخفيض ...
بس لتنسى الصيانه كل ألف كيلو وخمس آلاف وعشر آلاف الخ .....
و مع السلامة ....|3| |3|

أبو عبدالعزيز @user_6640 صاحب الموضوع · 17-04-2005

السلام عليكم.........
مشكور أخويني على الردود الرائعة
لاكن مثل ماقلتوا الأرمادا شكلها روعة من برى ومن الداخل كأنها همر H2
أما السوبر بان فشكله ممتاز لاكن كل يوم نشوفه يعني حفظنا شكله وملينا منه
لاكن يبقى السوبربان هو ملك السيارات العائلية في الخليج
على العموم نتمنى المشاركة من ناس جربوا ...
أخوكم أبو عبدالعزيز

الوليد الطائر @user_17749 · 16-04-2005

الارمادا شكلها فظيع وعصري ومثل ما قل لك أبو أسد السيارة توها نازلة الاسواق .....

بس ما اعتقد انها راح تواجه مشاكل كبيرة لان مصنعها معروف ....

أبـوأسـد @user_15810 · 15-04-2005

طبعا أنصحك بالسوبربان لأني فهمت من كلامك أنك تقول (GMC 1500) يعني سوبربان لأن اليوكون مافيه إلا فئة 1500 فقط ولا يسمى فئة 1500
السوبربان أكبر وأوسع وممتاز في العزم والقوة ويكفيك أنه طالع من سنوات كثيرة
أرمادا ممتاز بس عيبة توه نازل!!! ما أحد يعرف كل ميزاته وعيوبه سواء كانت تصنيعية أو مواصفات ناقصة.
أذا تبي نصيحتي خذ الجمس وأنت مغمض سواء سوبربان أو يوكون وحط في بالك مواصفات الجمس أكثر بكثير من الأرمادا
لكن أذا كان أخوي يبي أرمادا أنا أنصحة أنه لا يشتريه حاليا يشتريه بعد كم سنه لأنه توه طالع ويمكن فيه مشاكل

والقرار قرارك خل أخوك يستخر يصلي ركعتين ويشتري الي يعجبة
وأقوله مبروك مقدما الله يعطيك خيره ويكفيك شره
وأي سؤال أنا حاضر