صفعة قوية من عبدالله هاشم لعبداللطيف جميل (14 مايو)

CAM717
لمن أقولك السيف أقوى من العصى ،، هل تجوز هذه المقارنة ؟ بالطبع لا

من المعروف ان عبداللطيف جميل (يعتبر ) من أقوى الوكالات ( مع اني اتحفظ على خدمة ما بعد البيع بالنسبة لي شخصيا) ، لذلك حينما نقارن عبدالله هاشم يجب ذكر عبداللطيف جميل في الموضوع وذلك لكي تكون المقارنة عادلة

لا ينكر قوة عبداللطيف جميل في تويوتا ، ولكن من 2003 جميع سيارات تويوتا المستورد تشهد على نفسها

الله يدينا طولة العمر ...

ونروحلهم....

اخوي BMW735i مشكور على هذا الخبر الجميل لأصحاب الأكورد

<< احد المعجبين في الأكورد :)

والتنافس هذا في جميل للمصلحة العامه



المستفيد الأول والأخير هو انت يالمشتري :)

خيكم :: دحيييييم

اصلا التايوتا حرام فيها وكاله يمدحون الصناعيه والغرابي كل شي متوفر فيه :)

"أكورد وبس" : نتظر المفاجأة بفارغ الصبر


شاكر مشاركات الجميع

أخوي كام717 داري انك تقصدني :D ... ترى سيارتي وسيارك اخوان :D

و انا اقصد وكالة عبداللطيف بشكل عام ولا اقصد كامري ولا تويوتا

وانا اقصد صيانته للتويوتا .. اما لكزس ماجربته مع انه نفس الشي مايسمح لهم بالدخول ...اخوي معه وحده بس جديده يعني يبغالها وقت للحكم ..

وبالمناسبه انت جربت فرنهم ؟ انا صبغت عندهم مرتين الكبوت عطوني ضمان 6 اشهـــــــــــر

اول مره صبغته مرت 8 اشهر وبدت البويه تنقشع .... مو من الحصى ..البويه انقشعت مع الوقت والغسيل لاني اغسل السيارة كل اسبوع مره او مرتين ...

رحت وصبغتها مره ثانيه ونفس الشي بعد تقريبا 9 اشهر نفس الشي (بغض النظر عن اثار الحصى) صارت فيه بقع كبيره وتتوسع

شف هذي لاخر مره كنت محتفظ بصوره



المره الاولى صبغتها عند الوكاله في طريق خريص والثانيه في وكالة لكزس

وطفح الكيل ورحت وصبغتها بعنيزه عند الحسون بناء على نصيحة واحد من الزملاء على ضمانته ...

لما رحت لهم وشافوا السيارة حسبوها صبغ يدوي قسم بالله يوم قلتلهم الوكاله ماصدقوا

صبغتها عند الحسون ...طبعا اغلى من الوكاله لكن ضمان 3 سنـــــــــــــــــــــوات مع تلميع شامل للسيارة هديه منهم

والحين ماشاء لله بكمل سنه والكبوت ماجاه مشكلة التقشع فيها (ماعدا الحصى اثار صغيره ) لاني راعي خطوط .........

وفيه غير هذا اشياء كثيره منها القير مره كان يهرب وسويته عندهم حول 1000 ريال مع الصيانه بعدها باسبوع جت نفس المشكله وصلحوه على حسابهم .. ثم بعدها بشهر جت نفس المشكله .... طفح الكيل ورحت عند فلبيني بورشه ... صلحه لي بـ 70 ريال من الصوفه طلع والى الحين مافيه اي مشكله ..................

ولما جربت وكالة هوندا مع سيارة اخوي والله حسيت بفرق هو صحيح مبناهم قديم .. الي انا رحت له قبل وفرعهم الجديد بخريص لكن صيانتهم ممتازه ويكفي انهم يستقبلونك بحفاوه ويسمحون لك انك تدخل مو مثل حقين جميل لو تقرب عند الباب قال ممنوع ...... طيب ودي ادخل سيارتي بنفسي ... لا ممنوع ... طيب خله يتطيب قبل مايركب لايخيس السياره :D

وان شاءلله فهمت قصدي اخوي كام 717 ... يمكن هم ماشين معك صح ..لكن معي ..طول هالسنين والله زفت ..وانا صراحه من الناس الي يدققون شوي ............. :rolleyes:

أحرقتها علي :D

لي أربع أيام وأنا ودي أنزلها ، بس عندي مشكلة بتنزيل المواضيع الجديدة وحتى الآن ما حلوها المشرفين

لكن ، تستاهل من يفتح لك المجال =====> لا يا شيخ :D

وعندي بشرى ثانية ، بس لازم أنزلها في موضوع جديد عشان تصير مشاهدة من الجميع

نرجع لموضوعنا

دائما تتحفنا صيانة عبد الله هاشم بالجديد والمثير من الخدمات الرائعة ، والعام الماضي سويت هذا الفحص عندهم ، ودخلت مع السيارة لمركز الصيانة ، والفحص ما يستغرق وقت كثير

وأزيدكم من الشعر بيت ، لو بغيت تسوي أي شغل على السيارة حتى لو ما كان مكتوب في نتيجة الفحص ( مثل الفحص الدوري ) فإنهم يعطونك نفس الخصم ، وهو 20 % على القطع وشغل اليد

مثال : لو بغيت تسوي فحص 20.000 كلم ، ومعك ورقة الكشف المجاني ، فإنهم يعطونك خصم 20 % على القطع وأجور اليد

وش رايكم بالوكالة هذي ، والله تستاهل كل التقدير :)

السلام عليكم يا اخوان ..... نعم عبد اللطيف جميل يعد احسن الاسوأ في خدمات ما بعد البيع وفعلا خدماته ماهي زي زمان الجودة والسرعة في انجاز العمل قلت شويه.

ا لرجال تمكن من عقول الناس عندنا قبل ما يتمكن من جيوبهم .... الواحد منا اذا حصلت له مشكلة من تويوتا يعديها وبس اذا حصلت نفس

المشكلة بأي شركة ثانية نسب و نلعن في الشركة والسيارة ونقول يا ليت اشتريت لي تويوتا والله مافي احسن من تويوتا

وابو جميل ..... يااخوان البلد بحاجة الى منافسة قوية كالذي سواه عبدالله هاشم الآن سوف تتنافس الشركات على عمل عروض

وتخفيضات وغيرها ..... اعطيكم مثال:

الناغي وكيل BMW سوي قبل فترة ضمان على بعض الطرازات من BMW ضمان شامل 5 سنوات مع تغير الزيوت والفلاتر ومساحات

الزجاج وتغير اقمشة الفرامل وغيرها من الخدمات الغير مسبوقة من الناغي ....... بعدها صار الواحد مايخاف يشتري BMW وزادت

مبيعاته... من جها اخرى ابوجميل شاف العرض هذا وسوى بعدها بفترة قصيرة عرض هو الاول من نوعه على سيارات لكزس وهو

ضمان شامل مدته 3 سنوات او 100000 كلم بدون ارجور صيانة ابدا يعني تروح الشركة وما تدفع ولا ريال ... بس كان لفترة

محدودة . هذي هي نتيجة التنافس وجذب الزبائن . معليش على الاطالة وشكرا.

والله وطلع رجال ابو هاشم اشهد انك رجـــــــــــــــــــــــال

مو اول مره يسويها ابو هاشم كم مرة سواها ورحت لمهم على سيارة اخوي الاكورد والله اسلوب حلوو ويخلونك تدخل تشوف سيارك وهي تشيك

مو مثل النصاااااااااااااااااااااب ابو جميل زمانه الي يرفض انك تدخل ولا بعد اي شي بالسيارة يلطشه ويحط ستكر نحن غير مسؤولون عن فقدان اي شي .....ههههه بس ماكمل الجمله وكتب لاننا حراميــــــــــــــــــــــــــــــــــــه

انا جربت هاشم وجربت ابو جميل ومع احترامي للي يمدحون جميل اقول ماعليش مو كل مرة تسلم الجره ..........

انا جربت عبداللطيف 6 سنوات قسم بالله نصاب وجشع

ولما سوا الحمله الي في العيد الفحص المجاني كان نصاب واكبر دليل اني قبلها خمسة اشهر كنت مسوي فحص شامل وقال سيارة سليمه ...لاني دافع لهم اكثر من الف ريال عشان بس الفحص الشامل ....

اما لما سويت الفحص المجاني طلعوا لي 13 عيب وتكلف 8 اللاف ريال

والي مو مصدق معي الاوراق والدليل موجود ولما واجهتهم بالورقه الي قبل تلعثموا وقاموا يصرفون

طيب على الاقل سلموا لنا السيارات نظيفه مو تصفون نصها بالشمس وتشغلون المسجل والمكيف ;)

لا تظلمون عبداللطيف جميل ياجماعة والله اني مدخل سيارتي تشييك 1000 كيلو ماخذت ساعة لا ويوم الخميس العصر

تحياتي

انا كنت عند المهندس محمد جاويد ، وبنفسه قالي الخبر

مشكور اخوي على الخبريه

بس عاد توني جاي من الصيانه اللي في الدمام....ماقالولي هالشي :confused: ....او انه لم يطبق بعد؟

لكن عبداللطيف جميل مو زي اول ، زمن اول تحول صدقني ( اسأل مجرب )