هل تنصحونني بالهوندا أكورد 2005

ملك الإحساس @user_17720 · 06-05-2005

بسم الله الرحمن الرحيم

هل تنصحونني بالهوندا أكورد 2005 فل أوبشن 6 سلندر

وهل هي سيارة عملية يعني تعيش معك وان سمعت أن قطع غيارة نار غالية

وهل تصرف بانزين كثير ولا

وش أحسن لون لها أن سمعت أن اللؤلؤي أحسن لون لها هل هو أحسن لون لها تكفون قولوي

وياليت تعطوني مواصفاتها كاملة الله يوفقكم لأني يمكن أشترية ذا الأسبوع

منتظر ردودكم .

ابو شطب @user_11771 · 16-05-2005

والله يااخوي لو تاخذ 4 سلندر افضل......حقت خط ومشاوير داخل المدينه....حتى صرفية البنزين اقل :)

يعني ماراح تستفيد من الــ 6 سلندر......الا اذا كنت هاوي قوه وقومات

ملك الإحساس @user_17720 صاحب الموضوع · 15-05-2005

أنا المكينة تهمني (وجهة نظر)6سلندر 270 حصان الأجمالي والصافي 240

و4سلندر والله مدري كم فيهامن حصان بس يعني في فرق شاسع بين6سلندر وبين 4سلندر في المكينة وترا المكينة شي مهم في

السيارة ولكن على العموم أشكر الجميع على النصائح الحلوة

MooNLiNE @user_18638 · 11-05-2005

اذاكنت ناوي على مخباتك خد اكورد

المـخلب @user_12525 · 09-05-2005

اقول ياطيب بعد مااشفت الاكورد انصحك فيها وخاصه باللؤلؤي

تحياتي ومبروك مقدما

أكورد وبس @user_7944 · 09-05-2005

الليجند ما راح تنزل إلا في 2007 حسب كلام الوكيل

BMW735i @user_13095 · 08-05-2005

للمعلومية ، الأكورد يوجد بها مكيف خلفي تحت كراسي الركاب الأمامية

بالنسبة للأكورد 6 الفل ،،،،،، والله شئ يحير صراحة ، طبعا في مميزة امان ( والأمان بيد الله سبحانة ) ان فيها TCS الصراحة يستاهل ان يندفع فيه حبتين ، لكن اذا حاب توفر 4 فل جلد ،،، ميه ميه ، صدقني ماراح تحتاج أكثر من محرك 2.4 داخل المدينة و خطوط السفر كمان اكثر من المطلوب

الأفالون !!!!!! صحيح منافسة ، لكن في النفس شئ منها ( تويونا- عبداللطيف جميل ) ، ماادري اش اخبار الليجند الجديد ، اعتقد ما نزل ! لو تصبر و تزود فلوسك حبتين مالك الا الليجند ( اسطورة بالفعل )

المـخلب @user_12525 · 08-05-2005

صح افالون افضل

ابو شطب @user_11771 · 08-05-2005

طيب اخوي مدام انك ناوي تدفع 103000 ريال.....اجل ليش ماتفكر بالأفالون الجديده 110000 ريال فل |1|

بالنسبه لتفضيل بعض الأعضاء الــ 4 سلندر على الــ 6 سلندر

ان الـ 4 سلندر فيها كثير من مميزات الــ 6 سلندر......يعني جلد+ 6 سي دي + مراتب كهرب + فتحه + مكيفين للسائق والراكب

الــ 6 سلندر تتميز عن الــ 4 سلندر ان بها نظام تركشن (TCS)+ المكينه (6 سلندر) ....مع الأخذ بالعلم ان شكل جنوط الــ 4 افضل من الــ 6 (وجهة نظر)

يعني بصراحه توفر حول 17000 ريال وتطقلك 4 سلندر فل افضل لك ......والراي رايك :)

ملك الإحساس @user_17720 صاحب الموضوع · 07-05-2005

أشكر الجميع على الردود الحلوة وخلاص بكرة إنشاء الله بشتري 6سلندر فل أوبشن

بس عندي سؤل هل 6سلندر فية عيوب لأني شفت أكثر الأعضاء يقولن خذ4 سلندريعني 6 سلندرفية عيوب ولا

وأكون شاكرلكم ومقدرلكم

أكورد وبس @user_7944 · 07-05-2005

بالنسبة لقطع الغيار ، تتوفر قطع أصلية وقطع تجارية ، وأنا تأكدت بنفسي من الشي هذا ، وبتحصل القطع التجارية في محلات بيع القطع في الصناعيات

ACC-V6 @user_11861 · 07-05-2005

الاشياء تحرم السايق من اقتائها مثل الكاسيت و المكيف الخلفي

:D :D

انا انصحك بالاكورد وبقوة

إيسوزاوي @user_18360 · 06-05-2005

أخوي
شف الاكورد (4 سلندر) سياره حلوه..
لكن 6 سلندر ما تستاهل سعرها ابد ابد....ياخي ضعيفه جدا من ناحيه العزم مقارنه بسيارات الستة سلندر اولا...و وفرق المواصفات بينها و بين الــ4 سلندر بسيييييييييييط جدا ويكاد لا يذكر(غير المكينه طبعا)...
الزبده:اذا معزم تشتري اكورد لا تشتري غير 4 سلندر .. لان السته فيه سيارات احسن منها بالسعر نفسه.

سلام

المـخلب @user_12525 · 06-05-2005

م

ملحوس أكورد

[size=5][color=purple]خذها قاعدة أي سياره قطع غيارها غالية بإذن الله تعيش القطع وتعيش السياره |1|[/e]

اخوي للاسف قاعدتك شبه صحيحه ! لو على كذا اجل فسرلي ليش الكوريلا ! موديل 1986 للحين عاايشه مع انها المفروض تكون خلاص استهلكت كليا ! والمعروف ان التيوتا قطع غيارها رخيصه (( وتحصل تقليد واصلي ))

الاكورد سياره جميله جدا والحمد لله 2005 شكل الاشارات الي على المرايات خلتها تصير تحفه لكن عيب الاكورد عدم وجود بعض الاشياء تحرم السايق من اقتائها مثل الكاسيت و المكيف الخلفي و--------- الخ

يعني بس تبقى سياره واناا انصحك بالاربعه سلندر وانت حر الالون الافضل هو الاسود او الابيض !

تحياتي :" اخوكم المخلب ...

المحتار987 @user_17919 · 06-05-2005

توكل الله واشتريها

لوميـSTOCــنا @user_18022 · 06-05-2005

السلام عليكم ورحمة الله وبركاته

ان شاء الله يكون الاعضاء قد افادوك .

و الاكورد انها سيارة جميلة وقوية وسعرها جيد و قطع غيارها غالية قليلا .

ولكن مثل ما قال الاخو القاعدة ( اذا كانت السيارة ذات قطع غالية فتوقع انها سوف تعيش فترة اطول ) للان قطع

الغيار الغالية قليلا ما تتعطل و قليلا ما تحتاج الى شرائها .

و العكس .

وشكر ا

i-VTEC 2005 @user_12864 · 06-05-2005

بسم الله الرحمن الرحيم

انا بتكلم من واقع تجربتي كل يوم ....... ( قبل لا أتكلم ... أنا أنصحك بها ) .... وشوف ردود باقي الأعضاء

أنا عندي أكورد 2005 فل أوبشين 4 سلندر لونها (بيجي _ ذهبي) ..... والحين هي عندي من 6 شهور ونص وماشية 12000 كم تقريبا
والحمدلله ماشية تمام التمام ولاغيرت فيها غير الزيت والسيفون . بالصراحة السيارة ماعليها كلام هذي وهي 4 سلندر أدائها رياضي وممشاها محترم وتحس انك تسوق سيارة صح ... أما من ناحية الفخامة من داخل أنا في نظري أشوفها أحلى ديزاين فخم ورزة في فئتها .... والمواد المصنوعة منها جودتها ممتازة جدا .....

...
الأكورد سيارة عملية وتعيش معاك أكيد اذا حافظت عليها .... وثاني شي قطع الغيار غالية لأنها ماتجي إلا أصلية بس ( ماتجي تجارية ) ... وهذا مو سبب مقنع يخليني أخاف أشتري السيارة بسبب أسعار قطع الغيار .. ( اذا ماتقدر عليها خذلك كامري لأنه قطع غيارها رخيصة )...
..
من ناحية صرفية البنزين صرفيتها عادية .. 2.4 أعبيها فل اذا كانت مصفرة ب 44 ريال تقريبا وتمشيني حوالي 400 كم داخل المدينة
..
بالنسبة لسؤالك عن اللون .. أنا لون سيارتي ذهبي والصراحة أخذت اللون بعد اقناع تااام ... اللون حلو وأنيق ... وميزة اللون الذهبي انه نفس لون الغبار .. يعني مايبين على السيارة انها مغبرة ولا يتعبك في التنظيف لأنه اللون فاتح... اللون الصدفي اللي تتكلم عنه نفس الشي حلو وأنيق ويعطي السيارة هيبة وأكيد من ناحية التنظيف لاتشيل هم ..... وشوف اللون اللي يعجبك
..
انا كنت باخذ 6 سلندر بس ماقدرت لأنه السعر غالي شوي وماكان عندي فلوس كفاية والحمدلله أخذت 4 سلندر فل ...
..
أنا أنصحك بها بشدة ... وهذا مو تعصب للأكورد ... هذا من واقع تجربتي اللي أعيشها كل يوم
..
تحيـــــــــــاتي i-VTEC 2005

ملحوس أكورد @user_18589 · 06-05-2005

خذها قاعدة أي سياره قطع غيارها غالية بإذن الله تعيش القطع وتعيش السياره |1|
أما اللون فكل واحد وذوقه أو ميوله وكل واحد له شخصيه وإلا كان كل الناس أخذوا نفس اللون:eek:
أما السلندر فإني أشوف أن 4سلنر كافيه و صرفية بنزين أقل كما أن فرق السعر يصل ل30ألف|6|