اذا كنت من ملاك كابريس 2005

وبالنسبة لسؤالك من فين تشتريها:
أحسن لك تاخذها من المعارض لان الوكالة في الخدمات والصيانة لا تفرق بين اللي اشترى من عندهم ولا من المعارض
انا اللومينا اللي معي شاريها من معارض النسيم وصاحب المعرض شاريها من التوكيلات العالمية بالشرقية
ومع ذلك صارت فيها كذا مشكلة وصلحتها على الضمان عند العيسى بالرياض بدون ما يسألون من فين شريتها
لأن الضمان يا عزيزي من الشركة الصانعة وليس من الوكيل

مرحبا اخي مسحور بالنظر:
في البداية اقول لك انا معي لومينا ماهي كابرس بس مو مشكلة اللومينا اخو الكابرس بل هو نفسه اذا كان 6 سلندر
بالنسبة للمكيف:
مرة سافرت عليها للامارات عن طريق حرض
وطلعت شوي عن الخط وكان فيه رمال وغرزت على طووول
وكان وقت صيف قبل الظهر
المهم جلست انتظر واحد يطلعني وكانو اخواني معي وجالسين في السيارة
المهم جلست 40 دقيقة في الحر والمكيف شغال وبدون اي مشكلة ولله الحمد
وعقبها مسكت الخط على 140 والمكيف من افضل ما يكون
علما ان المكيف الكتروني

عموما انصحك بالستة سلندر لأنه قوي (خصوصا 2005 ) واقتصادي ومريح

اشكر الاخوان اللى ردوا على استفسارتي شكرا جزيلآ


وودى انهم يتحملون اخوهم الصغير ;)


عندي اسئلة بسيطة (قلت اقول اسئلة بمناسبة ايام الاختبارات عساها ماتعود)تقول اني باخذ BMW مصفح بنصف مليون ماهو كابريس :D


1- من احسن وكيل اقدر اخذ منه الكابريس في الرياض من ناحية السعر ,الصيانة, الاهتمام بالعميل


2 - وش رايكم اخذ من الوكيل والا من معارض النسيم اقصد جديد حيث وجدت الفرق في السعر حدود 8000 ريال عن الوكالة

مثال (كابريس LS من الجميح سعره حدود 80000 ريال ينطح ريال|24| وسعره في احد معارض النسيم جديد 73000 ريال)وقس على ذلك البقية وهل يفرق شي لو اخذت من المعارض

3- الاخوان اللى تكلموا عن مكيف الكابريس ومنهم المشرف العزيز, هل درجة تبريده تضاهي مكيفات التويوتا او اقل بصراحة ( واحد مو مصدق ان مكيف الكابريس زين , بعد من انلسعت من مكيف اليوكون بديت اشك في الامريكي كله )


وشكـــــــــــــــــــــــــــــــــــــــــــــــــــــــــــــرا

السلام وعليكم ورحمة الله وبركاته.

شوف حبيبي اذا تدور دعس وفشخرة في نفس الوقت خذ ss

واذا تبغى سيارة مريحة وعملية في نفس الوقت وماهمك الفلوس خذ ltz v8

اما اذا انت اقتصادي وتبغى سيارة ماتصرف بنزين ..وفي نفس الوقت فخامة زي الltz v8بس فرق المكينة ..

خذ ltz v6
وتراني مجربها لانها مع الوالد كابريس ولا احلى ابيض وفتحة سقف يمين وقفتها وقفة اس اس مشاءالله .
بس احب اقولك معلومة انو الltz v6يأكل زيت اكثر من الثمنية عاد الله يعينك يوم تغير الزيت ..

والبرنزين اعبيه فل يويدني المدينة من جدة 400كيلو اوصل والينزين لساعو يادوب عند النص ...

وبعدين تقدر تغيرها اذا تبغى لاس اس من خلال وضع الجناح من الشركة ب300ريال انا مسعرو .والفيبر الخلفي مادري بكم ..

تحياتي

8
8

هنا يالغالي معك حق

الى تعال يامنيب قايل وينك من زمان ماشفناك عسى المانع خير ولا ماتبي تمرني بالومينا

ان حاسبها البانزين يمشي بدون تدعيس 600 كيلو قعد ت اسبوع اما بتدعيس يمشيك 350-400
الكتم على السياره يروح بنزين كثير مره.

انا معي لومينا ss وخويي معه كابرس ss والله الحمدالله رووووعه لكن الصراحه
دايم اركب الكابرس احسن اني بملعب كوره ماشاء الله كبيييير وهذا ميزه قويه..
بالتوفيق.

كابرس اس اس يابعد حيي انت

كم بالضبط يمشي

اعقلها وتوكل كابرس لوووووووووووووووووووول

لا وش يمشي 300 او 400

كان في كل يومين اعبيه ؟

يمكن هذا الرقم اذا كنت دعس فيه او تكرش له

هذا احتمال وارد اما اذا كنت عادي وهادي في سواقتك

يطول معك

مكيف الكابرس ميه ميه

صراحه بي النسبه لمكيفات الامركي مكيف الكابرس بااااااارد


وانا افضل انك تاخذ ltz

مبروك مقدما
تحياتي :محب الفايبر

ياأخوان بصراحه البنزين لل ال تي زد 8 سلندر كم يمشي

لان واحد تو خرشني يقول مايمشي الا 300 او 400

تراني حاط املي عليه <<<<<<<<< معاه سياره 4 سلندر نقله حضاريه

هلا اخوي مسحور بالنظر

كيفك عساك بخير

سألتني عن كابريس الي هي حاط كل ثقتي فيهااا والله سياره تستاهل الثقه صدقني

بالنسبة للاسالتك المكيف مشاءالله قوي جدا وماايحتاج ومااقد شفته يفصل حتي وقت السرعه قووي

باالنسبة لصرفية البنزين انت ورجلك مرات اكون رايق اعبيها 65 تجلسني اسبوع علي حسب رجلك زي مااقلت

وبعدين انا اشووف الاكتروني حق المكيف مشاءالله ماايحتااج توكل علي الله بس

وتراها حقت مشاوير واضمنها لك بس فوق هذا مو تدمرها عاد دلعها اول بااول تشيك اقرب ورشة يشيكون لك علي سؤائل السياره وغيره

والله يوفق اخوي

ومبروك مقدماا

شف يالطيب انا معي ال تي زد 2004 .. ثمانيه سلندر

المكيف روعه ... وبالعكس من قال لك ان المكيف الالكتروني يخرب :):)

السياره بالنسبه لي فيها عيبين ... الاول تنسيم هواء ... والثاني اصوات الديكور .. المواد الي مصنوع منها الديكور تعبانه وكانت تقرقع شي بسيط مع الطرق الي الغير متواسيه ,, لكن من تالي اختفت اصوات الديكور ماادري وشلون ... احس ان كل شي ركب محله واختفت الاصوات الحمدلله .

لكن نصيحتي لك خذ ثمانيه سلندر .. دعسته خفيفه ومريحه والفل يمشيك مابين الـ 300 الي 400 كليو اذا ما كنت تدعس

شف يالغالي

والله وبكل امانة ترى الكابرس صرفيتها مو زي اول

بل عكس اذا ماكنت تحب تدعس ولا مقاومات وتمشي هادي

صدقني يجلس معك البنزين مده ماهي بسيطه

وترى 8 راح تفيدك في مواقف قد تحصل لك

راح تكون ثقيله صدقني

8 سلندر صرفيتها معقول
واسأل كابريس

الاخ / blue chevy


انا ودي بالاقتصاد نوعا ما في الوقود

وماني راعي مادعاس وسباق

اهم شي سيارة تودي الغرض بااقل التكاليف وبدون اعطال ولايحزنون

المشرف العزيز / اشكرك على سرعة تجاوبك معي


وصراحة ريحة بالى شوي :D


ودى اسمع تجارب باقي الاخوان :confused:



كما يقولون بتجرد وصراحة وبدون مجاملات او دخل للعواطف


اخوكم اكبر موسوس ما اشترى الشي الين اسال الف واحد :eek:


والله يعطيك العافية مرة اخرى مشرفنا