الـكامـري و الاكـورد ...... وجــهــة نــظـــر

دراكولا اليف - MAX-010 - V-I-P

وش قصت عيال الحاره كلهم في المنتدى

وانتظروا انضمام علي (( بيجو )) وعبدالمحسن (( نيسان ))

ويقولون ابو نمله بيشترك بس ماأدري هل الكلام صدق ولاإشاعات كالعاده من حمزه

الله يبارك فيك ابو حميد :D

بس انا كنت موجود من اول بأسم تــويــوتــاوي |11|

وننتظر مواضيعك( الشيقة ) على ( فارغ الصبر )

والوعد في الحارة

مع (خالص تمنياتي ) ( للقاء العاجل )




ترى الكلامات الي بين () ما جت من عبث نص وقتي على النت جالس ( استنبطها) <<-------- هوااا |10|


|3|

<<=== انيابة بارزة من الضحك

مشكووووووووووور يا حم .... اشوا بغيت اقول حمزة :D

مشكور يا مكس و الدنيا عكس ( تحس انها حكمة واحد موب صايع :D )

و مبروك انضمامك للمنتدى

يا هلا والله وغلا بدراكولا اليف عااااشق الكمر

واعز من في اكادمية الدعيجي

وانا معاك في كل حرف قلته انت وحبيبي v-i-p لجاسي

والكااامري انا اشوووف ان مهضووووم حقها

واوجه كلمة لكل من يملك هوندا (( ان لولا الله ثم الاكورد 2003 والا كان راحت شركتكب بالفشفاش ))

ما انكر ان الاكورد حلوه (( حتى عاجبني فيها الشمعات الامامية الي داخله في الرفارف ههه))

والا العداد الي ياااخذ العقل حجم خطوطه

وتحيااااتي للجميع


احد اعضاء اكادمية الدعيجي



مــــــــــــــــــــــــكـــــــــــــــس والدنيا عــــــــــــــــــــــــــــــكــــــــــــــس
010

<<==== يغني فينك من بدري vip ياعمري


اللحين دورنا نوجه اسأله لشباب الاكورد

بالنسبة لكلامكم عن شعار هل هي مبتكرة ؟
الى اللحين مصر على انكم تجيبون شي واحد بالاكورد انتم سبقتم العالم فيه
بالنسبة للحركه التلسكوبيه حقت الدركسون فهي بالـ VXR و اللكزسس منذو مبطي
اما بخصوص السهاريه فهي زي ما قلت زي البي ام
اما الطبلون فهو اللي بتقلدون فيه اللكزسس و الفياقرا وماعرفتوا
اما نظام VTIE فهو نفس عمل نظام VVTI اللي هو باللكزسس من 89

يعني حتى شعاركم غلط يا اخ اكورد :D

بالنسبة للوزن يا اخ اكورد اخيرا اعترفت ان الكامري اثقل لكن السياحي حق الكامري وزنه 1860 و القراندي 1940 صحح معلوماتك اخ اكورد ولا قل انك مو متأكد لاكن لا تعطينا معلومة خطأ :D

بالنسبة الى السماعات اوكي لنفترض ان سماعات الكامري اربعه و اثنتين مضخمات و الاكورد ست سماعات
يعني الاربع سماعات حقت الكامري اقوى من ست سماعات للاكورد ( وهذا معنى كلامك اخ اكورد )




بالنسبة لي الاكورد سياره فيها عيوب و الكامري فيها عيوب
مافيه سيارة بلا عيوب مهما كان المصنع و البلد اللي صنعت فيه السياره

وانا معجب بالاكورد واعتبرها من افضل السيارات
لكن نظرتكم الدونية للكامري هي اللي خلتني اتكلم و زي ما لاحظتو ان كمان الاكورد فيها عيوب برضو و رجاء بدون تعصب
وهذي حرية شخصية لكم انكم تعجبون بالكامري او تكرهونها
و الحقيقة تشرفت بالمشاركه في هذا المنتدى و استفدت الكثير منكم

وشكرا لكل من رد علي سواء اتهمني بالتعصب و عدم الفهم او من رد بكل احترام



المخلص

دراكولا اليف

يتبع

عندي رد بخصوص اللي يتكلمون عن هجة الاكورد ..


ان مشكلة الهوندا وانت ناطل او تلف تميل من جهه وترتفع من جهه .. واللي يجرب يدخل على لفه وهو مسرع يلاحظ هالشي

مثلاً اذا لفيت على مفرق طريق الدمام وانت تارك مخرج 9 وراك .. تلاحظ ان السياره تنزل من جهة السواق .. ومدري هالشي لثبات اكثر او لشي ثاني.. وعلى اللي اسمعه يقولون ان الاكورد كلها مساعدات ورا وقدام عكس باقي السيارات قدام مساعدات وورا يايات (معليش اذا فيه غلط لكن هذا اللي فهمته) ان الاكورد عكس الكامري وطقتها من هالناحيه ..

وطبعاً هاللي هالمفحط تلقاو وهو ناطل السياره تميل يا من جهته او من جهة الراكب (حسب نطلته:D) .. السياره تميل من الجهه اللي هو ناطل عليها وترتفع من الثانيه .. وهذا اللي يخلي الهجه ما تلعب .. نهايتها يا انك تدخل بماصوره او تراب .. والتراب عاد انت وسواقتك يا انك تتقلب او ان الله يستر ولا يجيك شي..
=>فلسفه صح:D

المهم وزبدة الرد ان هالميلان اللي بالاكورد هو سبب قوة الهجه ..

اخوي اكورد اذا بتتكلم عن عزل الكامري القديمه قارنها بالاكورد القديمه

يا زين عزل الكامري عند عزلها

و الشي الثاني الكامري الجديده فيها تنسيم لكن اذا غيرت جلد البيبان

خلاص انسى التنسيم .. و قبل اسبوع ركبت مع واحد معه 2004 مغير

الجلد قبل 5 شهر .. و ما فيها اي تنسيم الى 160 <<< هذي اعلى سرعه و صلها

يوم انا معه .

و ودي اسألك وش تقصد بالاكورد النص فل ؟؟

اخيرا انا افضل الاكورد ولو خيرت بينها و بين الكامري بأخذ الاكورد

بدون تردد

و بالتوفيق للجميع

NiCK

الله يهديك

رح للوكالة واركب 6 سلندر وشف أمكنة الإيرباق

اثنين أماميات ، واثنين جانبيات ، إلى هنا ما نختلف

الإيرباقين اللي في السقف علامتها موجودة بين الزجاج الأمامي والجانبي ، بتلاحظ مكتوب ( AIR BAG )

أما التحكم المزدوج فهذي موجودة من 2003 ومتأكد منها 100 % لأني مجربها بنفسي

أما الـ EBD فتحتاج إلى تأكيد ، فعلا

الفرامل ، من تجربتي للأكورد فراملها جيد ، طبعا هو ما راح يكون مثل فرامل البورش :D

لكن في المواقف الحرجة يعطي ثبات للسيارة رهيب

أنا كم مرة أضرب فرامل بكل ما أوتيت من قوة على سرعة 140 تقريبا - لأن الإشارة صارت حمراء :D - والله أوقف عند الإشارة والسيارة ما راحت يمين ولا يسار

قد تكون مسافة وقوفها طويلة شوي ، ما أدري والله ، لكن في حالات حرجة الله يخلي الجلنط :D



كاميرا 717

==========>وش رايك عاد بالاسم

الثبات على المعطفات أنتم أبخص ، أنتم راعين الكوامري

أما السمعات ، شكلك تشوف مضخمات الصوت وتحسبها سماعات

هذي مضخمات للـ BOSS وموجودة في الأكورد بشكل قياسي ، لكن الست سماعات تختلف



الاسم للبيع

أحمد الله عز وجل إني دخلت النت وتعرفت على أشياء كثيرة في السيارات ، وحسيت إني أناظر للسيارات سابقا نظرة جماهيرية بس ، أما الآن فتهمني كثيرا التقنية الموجودة في السيارة ، لأن وللأسف نظرة كثير من الناس الآن نظرة قاصرة بسبب قلة فهمهم في السيارات ، فما فيه سيدان إلا كامري ، وما فيه جيب إلا لاندكروزر وهكذا ..



دراكولا اليف =====>شفت وشلون صرت أكتب اسمك زين

وزن الكامري قراندي فل كامل 1900 ، وفعلا أثقل من الأكورد ، لكن السياحي الأكورد أثقل ولا شك ، بس ما أدري كم الفرق بالضبط

وبعدين وش دعوا ، ما بيننا ( صابر علي )

وتسلم يا غالي

هلا بسول القوي
اما انا وهيص يا لطخ
ترا ما جبت شي جديد انت كل السيارات فيها كل اللي قلته انت بالاكورد حتى الهايلكس سبعه و سبعين
ولكن قووووووووووووووويه الدركسون مصممينه كذا علشان لما يسير حادث ما ينقز على السواق
ياخوي تستهبل انت ولا تستهبل صدمنا بجميع انواع السيارات ولا نقز علينا الدركسون قال تلسكوبي قال
على العموم مشكور على مرورك الكريم و اسلوبك الرائع

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اهلين اخوي اكورد
طبعا عادي اكيد نمون على بعض ولو معلوماتي ناقصه اكيد بستفيد منكم وعلشان كذا انا جاي
بالنسبة للـ EBD والله علشانك برجع للكتالوج
وخذ هذا الموقعCOM.كتالوج الكامري.WWW

اما بخصوص المسجل ياخي روح لعبداللطيف اللي بمخرج 9 قريب هو من بيتكم ولا :D

اما بخصوص التفحيط فأنا ما اخذته مقياس ( اقرا زين يا لطخ يا بسول ) بس اخذته مثاااااااااااال
واذا انت تقول الهوندا اخف ياخي وزن الكامري 1900 كجم من وين الهوندا اثقل ( الهوندا يعني اكورد كلها واحد :D )
وبعدين ما شفت حمامه و غيره وش صار فيهم تهون السياره تنقلب ياخي ولا تهج ذيك الهجه ولا امان و ما امان و الشباب كنهم صواريخ القسام طارو من الشبابيك مع انها كانت مسكره.
ما انكر ان كل سياره فيها عيب بس لا تطلع سيارة الاكورد بدون عيوب
وارجع لموضوع الاي بي دي انت تقصد توزيع قوة كبح الفرامل اذا هو اللي تقصده فهو موجود بالكامري و السماعات فسيارتي الجي ال فيها ست سماعات واذا مو مصدق اجي لمك اوريك اياها ( اربع سماعات و ثنتين صغار قدام على الطبلون )
وبالنسبة لمعلوماتي اخوي اكورد فأنا اهتميت بالسيارات يوم جيت اشتري سياره و بعدها خلاص اعتزلت :D يعني كلامك صح لكن مو كل معلوماتي خطأ و انت كمان معلوماتك صحيحه و دقيقه بس الفرق بيني و بينك اني اروح للوكالات و اشوف هناك الموجود ايش وانت رح للوكاله يا خوي وشوف كلامي صح ولا خطأ .
والحقيقه لي الشرف يا اكورد اني اتناقش معك و انك صابر علي
بس لكن انتم معطين الكامري اقل من حجمها والله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
NiCK مشكووووووور على مرورك الكريم و شكرا على ردودك ( ما يفل الحديد الا الحديد ) :D
ولي الشرف بوجودك معنا

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوي كام شرفتنا والله و منورنا
لكن بالنسبة للطخ بسول ارد عليه عادي بنفس اسلوبه ولا شلون لاني الين اللحين ما قريت سياسة المنتدى
<<=== ما يحب اي شي فيه سياسه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الاسم للبيع ياهلا فيك والله و الحقيقه ياخي ما جا في بالي ان كلام المهنا بيك فيه كل اللي قلته

وما ادري ليه يراودني احساس انك منسم ياخي
<<=== احساسه عمره ما كذب

الكـــــــــامري سيارة الشعب
تبيها عزم تلقها
تبيها شكل تلقها
تبيها قطع غيار تلقاها
تبيها بالبيع تلقاها
تبيها كرف تلقاها
QUOTE]

خلاص جابها المهنا..

اغلب او كل اللي يشترون الكامري يشوفون هالاشياء.. ولا يهمهم فيها ارباق ولا ما فيها .. فيه اي بي اس ولا ما فيها ..

وهذا اللي يخلي اكثر راعين الدوران والتفحيط يشترونها ... لان كل ما بغاها على شي تجي عليه .. تضبيط تنفع.. بالتفحيط احسن سياره ..

واشوف ان هالاشياء ذي هي اللي المفروض يفكر فيها الواحد قبل لا يشتري سياره.. اذا هو ضامنهن خلاص عاد يشوف المواصفات وطقتهن من راحه ورساوه .. وهالاشياء مضمونات باغلب السيارات اليابانيه بالذات سيارات التويوتا والهوندا والنيسان.. لكن عندنا التويوتا احسن من الباقيات من هالناحيه .. بالاخص قطع الغيار وهذا يميزها عن الهوندا ..ويميزها عن الباقي عموماً ..


وبعد هالشي نشوف المواصفات الباقيه .. واللي اشوف ان الكامري تتفوق على الاكورد (بغير المذكور) انها اوسع واكسسوراتها اكثر من الاكورد .. وانت تدرون ابو جميل ما قصر وازين نقارن بين الخليجيه والاكورد لان السعوديه ملعوب فيها لعب .. وعلى ماظن الخليجيه احسن مواصفات بس ما ادري بوشو :D

اما باقي المواصفات مثل الاي بي اس وطقته والارباقات فالاكورد تتفوق بهن على الكامري ..

معليش ودي اوضح كم نقطه

بالنسبه للاكورد عندنا فل ولا سياحي ما يجي ب 6 ايرباق ومافيها تحكم مزدوج بالتكييف متأكد

والشي الثاني الاكورد مافيها EBD وعندي تعليق على نقطة الفرامل في الاكورد
عن تجربه لاكثر من اكورد احس ان فراملها ضعيفه شوي وهذا مو معناته ان فرامل الكامري ما يحتاج لكن انا ما جربت فرامل الكامري في طوارئ لكن جربت الاكورد وبغيت اروح فيها :D وما اتوقع الكامري بعيده عنها لانها تفتقر لابسط انظمة الفرامل

اما بالنسبه للطلبون فطبلون اللكزس شي والاكورد شي
اللكزس طبلونه بلوري مشع اما الاكورد طبلونه عادي لكن بأضواء ليد عشان كذا تحس بفرق بينهم

اما التخشيب فتخشيب الاكورد فل كامل اعتقد 80% انه شد بلد لان شكله جميل ومتناسق صعبه يكون شغل وكاله او محل خصوصا اللون الفاتح

اما عن جودة المواد فما اقدر افتي فيها لاني ما جربت السيارتين لمده طويله

بالنسبه للتفحيط مع اننا المفروض ما نتكلم عنه لانه شي غلط كله
لكن السيارات اللي يسهل التحكم فيها ترى تعتبر ميزه وتلاحظون في مقارنات السيارات يهتمون كثير بهالنقطه واللي شاف منكم مقارنات الانفنتي m بيشوف انهم معجبين بانها تتجاوب بشكل رياضي مع السائق يعني (تصلح للتفحيط على قولتكم)
لكن كسياره فخمه يتطلب ان يكون تحكم السياره وكنترولها متعلق بالتماسك اكثر (وجهة نظر)

عموما في النهاية لو خيروني بين اكورد فل وكامري فل راح اختار الاكورد والسبب ان الكامري اول شي تجي مع ناس يكرهونك فيها وثاني شي كل مواصفاتها الحقيقيه مو موجوده عندنا

والسيارتين متاحه بشكل كبير للجميع فالكل يقدر يجرب ويعرف احسن من هالنقاشات اللي نهايتها غالبا مشاكل

والله يوفق الجميع

دراكولا اليف

ترانا حبايب ، وجايين نوسع صدورنا بهالمناقشات الحليوة

وبما إننا طيحنا الميانة ، أجل أبقول لك شي

اكتشفت إن معلوماتك ضعيفة بصراحة ، بل وغير مرتبة

بالنسبة للـ EBD فأنا متأكد 100 % إنه غير موجود بالكامري الخليجية

وبإمكانك تراجع الموقع وتشوف بنفسك :)

http://www.toyota.com.sa/showroom/camry/kce_3.html

بنما الأفالون موجود ومكتوب في الموقع

http://www.toyota.com.sa/showroom/avalon_2005/kce_3.html

طيب ليش كاتبين في الأفالون ولا كتبوا في الكامري ؟

بل هل يعقل إن النظام يكون موجود ولا يكتبون إنه موجود ؟

بالنسبة للإيرباقات

الأكورد 4 سلندر سياحي يجي فيها إيرباقين ، والنص فل والفل 4 سلندر 4 إيرباقات ، أما الـ 6 سلندر تجي 6 إيرباقات ، اثنين أماميات ، واثنين جانبيات ، واثنين جانبي في السقف

الكامري المطور ما يجي فيها إلا إيرباق واحد فقط ، والجي إل أظنها اثنين ، أما القراندي تجي اثنين إلا في الجي تي إكس ، تجي أربعة

http://www.toyota.com.sa/showroom/camry/specs_03.html

بالنسبة للدخول على المنعطفات ، أنا أسوي سباقات رالي على مخرج طريق خريص اللي على الدائري ، وأنت تقول إنها تهج ، الله يهديك بس

وصدقني ، أدخل على منعطفات على سرعة 80 و 90 ، والله كنت في سيارات ثانية ما أتعدى 60 ، ومنها المخرج اللي يربط بين طريق الثمامة وطريق ، يعني كأنك رايح للثمامة يجيك مفرق لطريق الدمام يوديك للفحص الدوري ، هذاك أتحداك تدخل فيه على سرعة أعلى من 60

بل إني أحيانا أدخل في المخرج وأزيد السرعة وانا في المخرج ، ومع ذلك تمشي معي ما شاء الله ، مع إن الجنوط تجارية ، يعني لك عليها

في المنعطفات ، تعطيك الأكورد

نجي للطبلون ، على كلام ، إذا كان طبلون الأكورد فاشل فطبلون اللكزس أيضا فاشل ، لأنه بنفس النظام :)

وبعدين ، كل واحد ومزاجه ، إذا نور الطبلون قوي وتحس إنه يعميك بإمكانك تخففه ، بل وبإمكانك تطفيه أيضا ، عشان ما يشوف اللي راكب في السيارة الثانية

صدقني ، طبلون الأكورد معطيها منظر رهيييب جدا


نجي للمسجل

أنا ما أخبر إن الكامري يجي فيها سيدي أبدا ، حتى في 2005

وجب لي إثبات على الشي هذا

الموقع يقولون ما فيه إلا مسجل كاسيت فقط

http://www.toyota.com.sa/showroom/camry/specs_03.html

ويقولون أيضا إنها بأربع سماعات فقط

طبعا هذي مواصفات الجي تي إكس ، أفخم نوع في الكامري

بس في نفس الموقع يقولون إن القراندي تجي بست سماعات ، وش هالتناقض

http://www.toyota.com.sa/showroom/camry/kce_1.html

المهم ، أربع وإلا ست ، ما يهم

الأكورد 4 سلندر نص فل تجي بست سماعات

بالنسبة لنزول الدرج ، هذي فقط لمسات فنية أذكرها لك ، يعني الدرج مب صاير مثل درج الدينا ، من أول ما تفتحه على طول يخبط :D

ومن قال لك إن الأكورد ما فيها لمبة سقف ؟

فقط 2003 في السياحي ما كان فيها لمبة قراءة للسائق ، أما في 2004 صارت تجي كل فئات الأكورد - حتى السياحي بدون فتحة - بلمبة قراءة للسائق ودرج للنظارات بعد

ومن قال لك إن الباب ما فيه تكاية ؟ شكلك راكب ددسن موديل 84

إلا فيه تكاية ، أحط يدي وأحط الجوال بعد فيها

وإذا اهتمامك للتكايات ، ليش الكامري تكايتها الوسطية ما تتحرك مثل الأكورد

تكاية الأكورد الوسطية تتحرك أمام وخلف عشان تعطيك مساحة أوسع للاتكاء ، أما الكامري ثابتة

http://www.toyota.com.sa/media/saar/images/showroom/camry_tmca/kce1_1.jpg

بالنسبة للطارة ، أظن وضحها الأخ الفاضل bssol


نجي للتخشيييب

ترانا من اليووووم نتكلم عن السيارة شد بلد ، ما عليها من اللي يروح للوكالة ويقول لهم ركبوا لي تخشيبة ، لأن تخشيبة الوكالة اللي تركب هنا فاشلة بكل معنى الكلمة

لكن التخشيبة الأصلية أصلا ما تجي قطع ملزقة ، بل نفس القطعة المخشبة تصير لونها خشبي من الأصل

وبعدين وش دخل أبو جد عم خال ورشة الإبداع ، إلى الدرجة هذي تحس إن هوندا مطفرة عشان يتركون مصانعهم باليابان ويجون لورشة الإبداع :D

ورشة الإبداع تخشب السيارة مثل تخشيبة الوكالة ، بس افلقني إن صارت بجودتها

وبالنسبة لكلامي عن الخامات ، جب لك كامري 2003 وأكورد 2003 وقارن بين الخامات وشف أي وحدة ماسكة شكلها أكثر ، وأي وحدة تحس إنها متامسكة أكثر


بالنسبة للقياس على التفحيط ، مع إني ما أعتبره مقياس إلا إنه يعتبر رد على أصحاب الكامري

الحين المفحطين ما يبون إلا سيارة خفيفة ، على طول تهج معه إذا سحب جلنط ، وهذا كلام أحد المفحطين في مقابلة معه قرأتها بنفسي ، يقول إننا نحرص على سرقة الكامري والسوناتا أكثر شي ، لأنها خفيفة يسهل التفحيط بها

وأتحداك تجيب لي واحد يفحط بأوبل أوميجا مثل ما يفحط بالكامري

لذلك فشلت الأكورد - ولله الحمد - في التفحيط لأنها سيارة ما تعطي مجال للمفحط مثل الكامري

وبعض الشباب يقول إن الأكورد الآن من أكثر السيارات اللي يفحطون فيها

فأقول ، إن كان الكلام صحيح فهذا يرجع في نظري لسببين

الاول إنها منتشرة الآن بشكل كبير جدا ، ولا أحد ينكر

الثاني إن الكامري الجديدة تنقلب بسرعة نظرا لارتفاعها ، على عكس الأكورد ، ويمكن شفتوا كيف انقلبت مع الوسيدي



وبالنسبة لقضية التعصب ، فما تقدر تحكم العالم ، يعني غصب يطلع لك أحد متعصب ، وش تسوي

ياخي أنا مرة قريت رد في منتدى من منتديات البر في موضوع ( أفضل السيارات قيادة ) يقول إني ما شفت متعة قيادة في أي سيارة مثل ما شفت بالهايلوكس

يعني هاااايلوكس ممتعة في القيادة ، الحمد لله على العافية

فالتعصب موجود ، ومستحيل إنك تستأصله ، لكن نحاول نخففه بإثراء المعلومات المفيدة عشان يقتنعون الناس



أنا لو تجيب لي كامري يابانية كان شفنا الكامري الصح

فيها ABS و EBD و VSC وأظن TCS وأظنها بشكل قياسي كلها ، هنا تكون المقارنة حااامية


وأحب أقول لك شي

صدقني ، لو إنك عضو قديم في المنتدى ما رديت عليك بالرد هذا ، بس لأني حسيت إن معلومات عن الأكورد ضعيفة بصراحة

ويشرفني إني أدخل معك بحوار حلو هادئ ، يا سلام والله





bssol

تسلم يا غالي

السلام عليكم

أنا لي فترة طويلة مادخلت المنتدى ولا رديت على موضوع واليوم دخلت ومن الملل في المذاكرة قلت برد عليك يادراكولا

الأكورد فيها ABS و EBD و TCS و6 إيرباقات

الكامري فيها ABS و EBD و بالنسبة TCS ما ادري انت تقصد التركشن ولا ايش وعدد الايرباقات في الكامري اربعه و الاكورد اخبرها ايرباقين في 2004 هم زودوها في 2005 ؟

بالنسبة للإيرباقات الأكورد السياحي والفل أربعة سلندر إيرباقين
والسته سلندر أربع إيرباقات إثنين منهم جانبيين

الكامري إيرباق للسائق فقط في أغلب فئاتها ماعدا أفضل فئة



بالنسبة للمكيف الكامري يجي الكتروني بس بدون تحكم منصفل للراكب

الأكورد سياحي المكيف نصف إلكتروني وهو التحكم بإتجاه التكييف (فوق أو تحت جهة الأرجل وأيضاً لتحمية الزجاج الأمامي عند الضباب وتبخير الرطوبة في الزجاج الخلفي والتحكم بدخول الهواء من الخارج أو منعه)
ويدوي لإختيار مستوى التبريد أو مستوى المروحة

الكامري ربما يكون إلكتروني لاكن أفضل شكل مكيف الأكورد اليدوي على مكيف الكامري الألكتروني<++ وجهة نظر :)

اما الطبلون فهو عندي فشل ياخي طبلون يقزه اللي راكب ورا بالسياره اللي وراي لا وبعد يعمي بالخط والله لو تحط تظليله على طبلونك انعميت برضو

من مميزات الأكورد طبلون النور ويحمل مميزتين الأولى التحكم بالإضائة من خلال أداه في الطبلون وأيضاً أنه بدون تشغيل السكن يكون قوي وعند تشغيل

السكن يخف بحيث يكون رااااااااايق ومميزة إضافية وهي الإضائة المتدرجة من فتح السيارة إلى إغلاق الباب إلى إدخال المفتاح ثم وضعه في وضع

تشغيل الراديو وتكتمل الصورة عند تشغيل السيارة ,, بلإضافة لشكله الثوري و....و ....و....



اما نزل الدرج ياخي بالله عليك هذا كلام تهتم بنزول الدرج طيب ما اهتميت بسيارتك الاكورد الفخمه اللي مافيها لمبة سقف


مع نزول موديل 2004 أضيفت للأكورد لمبتي سقف بالأمام وإثنتين في الخلف

مميزات الأمامية : لفتح النور تقول بضغط النور نفسه ليشتغل, وجود نور ثالث خفيف( رومانسي) مثل البي أم يعمل مع السكن, وجود حامل نظارة ينزل

بالضغطه نزول بطئ وطبعاً تتحكم إذا تبغيهم يشتغلون مع فتح الباب أو لا

مميزات الأنوار الخلفية: تقدر تتحكم إذا يشتغلوا مع فتح الباب أو لا.. وجودهم في الخلف مو بالوسط وإضائتهم حلوه ورايقه تشتغل بهدوء وتطفي بهدوء


ولا اهتميت ياخوي لما تسوق ياخي وتبي تكي بيدك اليسار وما تلقى لها مكان وش تسوي فيها تنغف يعني ( امون عليكم عادي )

مايتنغف إلا أنت.... اللي يسوق الأكورد عنده تكياه بالباب مغطاه بالمخمل أو الجلد يحط يده عليها بحيث أصابعه تتحكم بالنوافذ

ههههههههههههههههههههه الطاره تتحرك بأربع اتجاهات يعني وش اقربها للراكب ياخوي اكورد يسوق معي

هذا لأنك وهيص بالفخامه

دركسون الأكورد يمكن التحكم به بأربع جهات للأسفل والأعلى مثل أغلب السيارات للداخل والخارج بشكل تلسكوبي وهذا فيه نوع من الأمان لوحدث لاسمح الله حادث من الأمام... بدل أن يندفع عامود الدركسون ويصيب السائق.. وكأنه ينطوي ويبقى في محله

اما بالنسبة لكلامك عن التخشيب و ما التخشيب فترا تخشيب وكالتكم انا فاكه بيدي لانه ملصق تلصيق و التخشيب الثاني حق الابداع هذا تخشيب

محل مو تخشيب وكالتكم
وتوزيع فتحات المكيف لا تقولي بعد مبتكره زي شعاركم ( ماقد سمعت ان هوندا ابتكرت شي )
اما الخامات افضل فما ادري على اي اساس قايل الكلام هذا

يمكن تكون قشعت تخشيله لزاقه بس الأصلية شد بلدها تبطي

توزيع فتحات المكيف فيه ذوق رفيع... حيث أستغنت عن ميزة إغلاق فتحات التهوية الوسطية لكي تحافظ على الشكل بأفضل صوره....

وأنت بكيفك تسمع عن مبتكرات الهوندا ولا ماتسمع شي راجعلك ماتدري على أي أساس خامات الأكورد أفخم هذا بعد راجعلك

أتمنى ما يكون كلامي زعل أحد بس الصراحة اللي أشوفه أن بعض الناس يتكلم في أمور مايعرفها ولا جربها وبثقة

شكراً لك أكورد وبس على نصيحتك لي بشراء الأكورد في موضوع لي كتبته قبل أكثر من سنه ونصف


HONDA
قــوة الأحـــــلام

<<<=== يبي يرد على اكورد حرف حرف

اول شي و بدون تعصب ياشباب انا قريت كذا مقارنه لكم لكن فيه اشياء بالكامري حرام تبخسونها حقها

نبدا اللحين بالرد |4|

بالنسبة لموضوع الجدل حنا مو نتجادل حنا نتناقش يعني نتشاور ( وامرهم شورى بينهم ) وعلى كلامك اجل مجلس الشورى هذا حرام يعني ;)

تتفوق الأكورد على الكامري بمواصفات السلامة

الأكورد فيها ABS و EBD و TCS و6 إيرباقات

الكامري فيها ABS و EBD و بالنسبة TCS ما ادري انت تقصد التركشن ولا ايش وعدد الايرباقات في الكامري اربعه و الاكورد اخبرها ايرباقين في 2004 هم زودوها في 2005 ؟
بالنسة لارتفاعها عن الارض قلت لك ان كلامك صح بس بالله ما توافقني الراي انه عند المنعطفات الكامري اقل هجات ولا لا

نجي للفخامه ( خلها في بالك اني قايل الاكورد افخم )
بالنسبة للمكيف الكامري يجي الكتروني بس بدون تحكم منصفل للراكب اما الطبلون فهو عندي فشل ياخي طبلون يقزه اللي راكب ورا بالسياره اللي وراي لا وبعد يعمي بالخط والله لو تحط تظليله على طبلونك انعميت برضو

مشغل سيدي لست سيديات ، بست سماعات
لمسات فنية غير موجودة في الكامري ، مثل نزول الدرج ، وتحرك مساكات اليد اللي في السقف ، كلها تتحرك بشكل هادئ
مرآة وسطية للسائق فيها تعتيم للنور العالي
عزل صوتي رائع جدا
الطارة تتحرك بأربع جهات

<<=== ماعرف يرجع اللون الاصلي:D
الكامري تجي ست سيديات ياخي ما قلت لك انك معطيها اقل من حقها بس اسال الوكاله قول ابي المسجل اللي فيه ست سيديات اللي يفكه عبداللطيف وشوف وش يقوولون والكامري ترا ست سماعات برضو
اما نزل الدرج ياخي بالله عليك هذا كلام تهتم بنزول الدرج طيب ما اهتميت بسيارتك الاكورد الفخمه اللي مافيها لمبة سقف :eek: ولا اهتميت ياخوي لما تسوق ياخي وتبي تكي بيدك اليسار وما تلقى لها مكان وش تسوي فيها تنغف يعني ( امون عليكم عادي )
لكن المرايه ما عليها كلام ما اقول شي
ههههههههههههههههههههه الطاره تتحرك بأربع اتجاهات يعني وش اقربها للراكب ياخوي اكورد يسوق معي


الأكورد تأتي بمحرك 6 سلندر ، 3000 CC بقوة 240 حصان ، وبتقنية VTEC
قير بخمس سرعات
ريموت كنترول يتحكم بفتح وإغلاق الأبواب وفتح النوافذ
إمكانية فتح وإغلاق النوافذ من مدخل مفتاح باب السائق
نظام أمان متميز ، يمنع إغلاق الأبواب في حال وجود المفتاح على السيارة ، ويغلق الأبواب في حال فتح القفل دون فتح الأبواب
بوري بصوت ممتاز جدا ( أنا تهمني هذي )
مبين درجة الحرارة
[color=red]هوائي الراديو ( الأنتل ) مخفي
[/color]
الكامري 213 حصان 3000 CC كلامك صح الاكورد متطور اكثر لان الكامري مكينتها هي هي ما تغيرة من اول ما نزلت الكامري
القير اربع سرعات صح
الريموت يتحكم بالابواب بس
النظام الامني المتميز موجود بالكامري يالغالي
مبين درجة الحراره تقصد الخارجيه يعني ؟ الكامري فيها كمبيوتر رحلات

اما بالنسبة لكلامك عن التخشيب و ما التخشيب فترا تخشيب وكالتكم انا فاكه بيدي لانه ملصق تلصيق و التخشيب الثاني حق الابداع هذا تخشيب محل مو تخشيب وكالتكم

وتوزيع فتحات المكيف لا تقولي بعد مبتكره زي شعاركم ( ماقد سمعت ان هوندا ابتكرت شي )
اما الخامات افضل فما ادري على اي اساس قايل الكلام هذا


اخوي اكورد اكرر شكري لك لتشريفك الموضوع بوجودك ولكن اللي اعرفه انه انتم حقين الاكوردات كلكم تعرفون بعض انت لك تاثير ووزنك عليهم
فياليت تبين لهم انه انا مو متعصب بقدر ما انا مقهور من استحقاركم لسيارات الخلق بالذات الكامري لدرجة اني لما اشوف واحد راكب اكورد كنه راكب CL 600
وعموما السيارات مالنا فخر فيها لاحنا اللي صنعناها ولا حنا اللي شريناها بفلوسنا
و انا اول مره اجي المنتدى اخوي اكورد بس زميلي في اي بي هو اللي شجعني على الدخول من سواليفه و معلوماته الجديدة اللي استفاد و افاد فيها و اللي اخذها من هنا

و انا ماني مجنون زي ما قال خوينا بس لكن اشوف و اقيس

والتفحيط عندنا زي الفورميلا ون عند اللي برا ليه ما قلت عنه جنان
في التفحيط السياره تتعرض لاقسى و اقوى الاختبارات لا تنسى انهم على الـ240 والكامري صحيح تقلب مره او مرتين بس الاكورد هجت فيهم مرات و مرات و حمامه اللي توفى اكبر دليل ( ماني راعي تفحيط بس الله يخلي البلوتوث )

اسف على الاطاله شباب

المخلص دوما

دك دك ( لايق علي دك دك ولا شباب :D )

اخوي اكورد اسف اني ما رديت على كل كلامك بس ارجو منك انك تقدر اني ارد على اربعه خمسه وعلشان كذا يمكن اختصر الرد او ما اعلق على كل الكلام.
اخوي TNT بالنسبة للريموت معي من سنتين ولا صار فيه شي
اما انت يا اخ وليد لو سمحت اقرا زين واذا الشوف شجر حط لمبة كامري قدام الشاشة و اقرا
<<=== يحاول ينكت
الرساوه قلت اسف انا غـــــــــلــــــــــــــطان
الاكورد ارسى بالخط اوكي معك بس عند اللفات اتحداك اما بخصوص الفرامل ماعندي مشكلة اذا انت بالرياض ارسل لي رسالة خاصه فيها رقم جوالك و انا اتصل عليك و نتقابل بمكان و نشوف وماعليك ما راح اقول لاحد ان فراملي احسن من فراملك
<<=== واثق