الـكامـري و الاكـورد ...... وجــهــة نــظـــر

هلالالالالالالا اخوي V2X اما شكلي توحشت

بالنسبه لكلامي عند السيارات فالسياره تدل على الشخص ووضعه المادي و النفسي زيها زي الملابس زي قصات الشعر زي لون الساعه يعني انت لو شفت تسعاوي مطيح و مصدوم يمشي قدامك بالدايري على ترسم صوره لراعيه انه شنب و سنون متكسره و خشه مشققه من المطاقات و لا تجي تتجاوزه تشوفه انسان مهذب مرسم لابس نظاره اطارها ذهبي

<<== خياله واسع مسوي مخرج مصري

اما بخصوص انك قلت الاكورد افضل فهذي حريه شخصيه لك و انا ما اجبرك انك تقول الكامري افضل بالعكس انا جاي معكم اناقش عيوب الكامري و الاكورد ونشوف وشهي علشان اكلم تيودا هيرروكيما مدير عام تويوتا يصلحها
<<=== اطلق رابع اكبر ارنب في التوب تن الارنبي :D

اما بخصوص ان انا عندي كامري وما راح اقول ان الاكورد افضل هذا يمكن لو انت مكاني ماراح تقول كذا اما انا بالعكس و اللحين ولا تزعل
الاكورد الاربع سلندر افضل من الكامري الاربع مواصفات وكل شي الا القوة الكامري اقوى :D

اما بالنسبة لسيارتي ووش هي وش لونها

فسيارتي ياطويل العمر كامري 2003 جي ال اي فتحه اما اللون فناس يقولون لي لونك تفاحي وناس يقولون لي فضي غامق :D

<<==== الظاهر ان عنده غبى الوان

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اخوي مشعل يا هلا فيك و منور المنتدى و انت اختصرت الموضوع الصراحه و كلامك صحيح
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اخوي عبدالملك يا هلا فيك والصراحه كلامي ما فيه شي خطأ بس انا اقصد الاغلبيه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

التيما 2005 وربي عارف انك مع الاكورد عادي والكامري عادي دام الموضوع مافيه سوناتا و هذا من حقك اخوي وانشاء الله تسوي انت موضوع عن الثلاث سيارات هذي علشان ودي اتهاش معك و مع مرزوق و ابو سطام و اعظكم عض :D

<<---- دراكولا عاد اليكم من جديد :D

بالنسبه للجودة فلو الاي بي اس فيه خير ماكان صار فيها عيب بالفرامل وكل شوي مطلعه صوت ولا تبون تنكرون الشغله هذي

اما بخصوص الاخ وليد فكلامك صح بس انا ماسويت مقارنه :D

انا قاعد اقول وجهة نظري في اشياء انتم ما قلتوها ولا اصحاب الكوامري قالوها ولا قلت انا ان الاكورد اسوأ سياره بالعكس من افضل السيارات و احسنها و افخمها بعد

بس مو افضل من الكامري هي افخم معكم بس مو افضل مع احترامي لوجهة نظركم لازم انتم بعد تحترمون وجهة نظري

ومع احترامي للهوندا اشوف ان افضل سياره عندهم هي الاكورد وعندي انها افخم من الليجند والليجند لا تراهنون بمواصفاتها دامها من سنة 99 استنوا للشكل الجديد حقها اجل :D

بعدين يا اخ وليد لا تفتي من عندك وش دليلك بالنهي عن الجدل و افدنا فيه طال عمرك

بالنسبة للاخ حارش مارش الله يحييك ياخوي و ياليت تجيب لي اكورد اربع سلندر و نشوف من اقوى محركات
<<=== تحسه واثق انه يبي يروح على الاكورد

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اخ اعز انسان ياهلا والله فيك والله يحييك

أكورد فضي :

لاتخاف الكلام هذا جايبه من كلامك

،،،،،،،،،،،،،

دراكولا اليف :

انا مازعلت ولاشيء بالعكس
بــــس حبيت ابين لك اني انا مع الاكورد عاااااااادي



وشـــــــــدعوه اخوي انا ادري ان الوضوع ايزي وكنت فقط ابين لك نظرتي للأكورد ((لألا تلتبس عليك الامور )) :)

أخوي دروكولا أليف وش هالكلام مدري من وين جاي :
(( يعني بكل صراحه اللي معه كامري هو الداشر هو المفحط هو الصايع هو سبب هزيمة المنتخب 8 /0
لكن راعي الاكورد هو المؤدب الاخلاق الطالب الجامعي

والحقيقه الكلام مو غلط يعني غالبية اصحاب الكوامري ينطبق عليهم الكلام هذا و غالبية اصحاب الاكورد هم مثل اخواني اللي بالمنتدى يجبرونك على احترامهم ))

يعني كل من شرى أكورد عقل ؟؟؟؟؟؟؟؟؟؟
الان كثير من الشباب ( الصايع ) متجهين للأكورد ليه لأنهم كان معهم
كوامري وملوا منها ،،، والان في الشوارع متأذين منهم ، تكبيس ــ سرعه ــ هبال ــ دوران ــ تفحيط أيضا ــ أنوار مزعجه

الاكورد افضل شكل

وأفضل داخلية

وأفضل خامات

وأقوى محركات

وأفضل قير

لكن الكامري اريح

و افضل مكيف

و اقل صرفيه



و فيه ميزه قويه مره بالكامري و هي انها ما تحتاج صيانه ابدا

يعني امش الين تخرب و صلحها

مثال اخوي معه Gli 2001 ماشيه تقريبا 120 الف

و الى الحين كل شي شد بلد .. بواجي فلتر هوا و القطع الاستهلاكيه الثانيه

ما غير الا الفحمات مرتين بس

و الحمد لله ما اشتكى من شي الى الحين

ما شاء الله



باختصار اذا كنت تهتم بالسياره من ناحية الصيانه و غيره فخذ اكورد و هي الافضل

و اذا كنت ما تهتم بالسياره خذ كامري و ما راح تندم

تحياتي للجميع

أخووووووووي دراكولا أقول شكلك توحشت ؟؟؟؟؟؟؟؟؟!!!

بالنسبة للكامري أو الأكورد أو الصني أو التيرسل أو المايباخ حتى .... السيارة ما تدل على شخصية الإنسان و لا على أخلاقه ... يعني لو سمحت لا تقول إن في إحتقار أو عدم إحترام ( أصحاب الكامري ) ... قول الكامري ...

أنا في نظري الكامري ممتازة ( حقة كرف :D ) ... يعني لو حصلت ما راح أتحسف و أتحسر ... بس لما جيت و قارنتها بالأكورد ... ( أنا ) أقول الأكورد أفضل .......

و بالنسبة للأخ الإسم للبيع ... كلامي يمكن ينطبق على الشرقية اكثر من الرياض .. لأن صراحة ما أشوف إلا الهوندا هالأيام ..... و أشكالها معدلة تعديلات كل سيارة أغرب من الثانية .... طبعاً أكيد في جدة التعديل غير .. الرياض غير ... شيء طبيعي ... بس لما أقولك إن الكامري ( بدأت ) تنقرض ما أعتقد تخالفني :) ....


و نرجع لأخوي دراكولا ... انت عندك كامري تتوقع تقول الأكورد أفضل :D ...

ما قلت لنا كم موديل سيارتك و لونهاا وووووو يعني كل شي عنها ......


و آسف على الإطالة ...... و أتمنى ما يكون في زعل أبداً ..

مقارنه عادلة تحياتي لك ..



والافلون ماتقيش مرةههههه :)



بس لو تقارنهم بالسوناتا افضل ..

مع احترامي للكامري ...

الاكورد افضل شكل

وأفضل داخلية

وأفضل خامات

وأقوى محركات

وأفضل قير

وأفضل وأفضل وأفضل ..

وبالنهاية أفضل سمعة ...

عيبها الشرعي سعرها الخيالي ... وهو السبب اللي منعني من شرائها ..

تحياتي ..

نظام الABS يزيد قوة الفرامل ولاله شغل بلرساوه!!!
اخ دراكولا انا بسالك كم ايرباق في الجراندي ؟
تدري انهم 2 بسسسس
اخوي بصراحه انت جاي تتناقش او تجادل من غير فائده
وللمعلوميه قد نهانا الشرع عن الجدل
وبلنسبه لليجند اللي تضحك عليها حبيبي السياره من موديل 99 ماتغيرت وبلنسبه لمواصفاتها تدري انها تمتلك اسلوب فريد من نوعه وقد طورته هوندا وهو ان يقوم على انتاج اعمدة وصل فائقة الدقه تعمل على اداء اكثر هدوءا وهو الاول من نوعه في العاااالم والمصدر موقع هوندا
حبيبي اللي مايعرف الصقر يشويه


اخوي دراكولا تدري وش تعني كلمة مقارنه!!!!
ياخي اشوفك نسفت بل اكورد نسف وجبت مزايا الكامري


وانت حددت في ردك بان العالم ماتشتري من هوندا الا اكورد بس ... ياخي والله بديت اكره هذا المنتدى بسبب العالم اللي ماتفهم وكل من هب ودب صار يالف مواضيع من عنده

اخوي اكورد فضي و اخوي التيما 2005 ( يارب تكون التيمتك لون ابيض :D )
الموضوع هذا بين الكامري و الاكورد وماله اي علاقه في اي موضوع اخر سواء كان مقارنه بين سوناتا و اكورد او كامري

حنا جايين نتبادل وجهات نظر ونستفيد من خبرات بعض

وبالنسبه ياخوي التيما 2005 كنت امزح معك وربي مو قصدي ارمي كلام و ارمز له بشي

ونصيحه اخويه اذا دققت بكل شي راح تتعب خل ايزي يا عزيزي :D

والله ماادي من وين تجيب هالكلام بصراحه....مااقول الا صبر جميل والله المستعان....

العفو اخوي

بس منو قالك اني انا اكره الاكورد بالعكس انا اقدرها واحترمها

>>>>>>>>>>>شفت اخوي اكور فضي هذي اول شيء صار من كلامك الاعضاء يظنون اني اكره الاكورد والكامري وتقول ماسويت شيء!!!!!!!!!!!!!!!!!!!!!!!!!!!!!!!!

((الله يهديك بـــــــــــــس ))

فيه اشياء من كلامك تدل على ان الكلام اللي قلته مو سهل حتى لو اصحاب السوناتا سكتوا عن حقهم انا مو مثلهم بسكت

اول شيء : اتهمتني بأني اقول ان الاكورد افضل لاجل فقط موضوع التصادم >>>(ولو اني ما قلت شيء غلط )

ثاني شيء :اني انا في موضوع التصادم كنت اسب الاكورد والحين قلبت على الكامري

ثالث شيء : انا وكم عضو هنا نتفق على اشياء

رابع شيء : ادخلت السوناتا في الموضوع لاجل ...؟؟؟؟؟؟
،،،،،،،،،،،،،،،،،
اخوي فيه موضوع انا رديت عليك فيه باسوب يمكن كنت فهمته او لا

لاكن انا اشوف بكل موضوع ترد على السوناتا وتبغاها لازم تخش الموضوع

بعدين انت ادخلت الفكره على الاعضاء ان اصحاب السوناتا متفقين على الاكورد والكامري :(

،،،،،،،،،،،،بالله بعد كل هذا تبغاني اسكت وامشي كلامك كل مره ،،،،،،،،،،،،،

مشكورين اخواني صحراء الجليد و الاسم للبيع لى مروركم الجميل للموضوع


بالنسبه لاخوي انقلش مخربط :D

بالنسبه لل abs هذا طال عمرك نظام بالفرامل يعني يزيد قوة فرامل السياره ولا عمري سمعت ان الفرامل له شغل بالرساوه ومع كذا انا اتحدى اي اكورد بالفرامل وهذي عن تجربه لاتقولون خويي ما خويي

بالنسبه لمراتب الكهرب فزميلي مطلع فل 2004 وعندك الوكاله بالنسبه لـ 2005 راح اتأكد منها

بالنسبه للمكيف الالكتروني حتى الكامري لمس وكل المكيفات الالكترونيه لمس :D

بالنسبه لجودة قطع الغيار فالكامري حقتي انا و بشهادة العضو المحايد في اي بي ما غيرتها الا مرتين مع العلم اني ماشي عليها 120الف غير فصلتي للعداد عند كل سفريه و فصلته لمدة ست شهور و عليك الحساب

اما الايرباقات فمر على عبداللطيف او اي معرض فيه قراندي وشوف كم ايرباق

وبالنسبه للصناعه في اليابان و الكامري في استراليا فانا اشوفكم تحتكون بالكابرس اللي يصنع في استراليا والكامري قطعها الاساسيه تصنع في اليابان بالذات للكامري 6 سلندر
ــــــــــــــــــــــــــــــــــــــــــــــــــــــــــــــــــــــــــــــــــــــ
هلا فيك اخوي ديجتال منور الموضوع وجهة نظر نحترمها اخوي بس لكن انت قلتها كل السيارات في اي بي اس بس لكن انت تلاحظ فرق المسافه علشان توقف السياره من شركه لشركه و من سياره لسياره ورغم كذا انت جرب فرامل الكامري و الاكورد وشوف بس رجاء جرب

الكامري لا تقارن ابدا بالاكورد الجديدة والدليل انتشار الاكورد في الشوارع مثل الكابرس والكامري ما اشوفها الا مع الليموزينات واللي يميزها عن الاكورد هو رخص قطع غيارها (واللي اغلبها صناعة استرالية) ويكفي افتقارها لل اي بي اس اللي موجود في كل السيارات الجديدة

بسم الله ابدا

اولا اخوي دراكولا عندي تعليق بسيط الظاهر انك قاعد تقارن الكامري الامريكيه الفل وبالاكورد السعوديه السياحيه

1-الكامري اثقل وزن معناته انها ارسى بالخط والفرق مو سهل يعني فرق الرساوه مو سهل مع انها مو بالوزن بس وشلون ارسى (وهي تفتقد نظام ال abs وهذا على فكره موجو بالاكورد السياحيه بينما كامري فل كامل مافيها)

2-الكامري تجي مراتب كهرب للسائق و الراكب عكس الاكورد اللي هي للسائق فقط ( انا قايل انك تقارن اكورد سياحيه بكامري فل كامل ) اصلا حتى الاكورد فيها مراتب متحركه )

3- الكامري مكيف الكتروني للفل مو زي الاكورد اللي الفل و السياحي زي بعض ( غلطان ومالك لوا الاكورد الفل يجي فيها تكييف الكتروني ولمس بعد )

4- الكامري تتميز بتوفر قطع الغيار و رخصها مقارنة بالاكورد ( كل شي بسعره مثال اغير فحمات كامري 230 ريال تجلس من 6 الى 8 شهور بينما اغير فحمات اكورد 450 تجلس سنه او سنه وخمس شهور )

5- الكامري تأتي بـ اربع ايرباقات و الاكورد ايرباقين فقط ( من وين جبت اربع ايرباقات يالغالي ؟؟؟؟ )
ا
6- ما بالنسبه لصنعها في اليابان و الكامري في استراليا (وهذا اكبر فخر للصناعه اليابانيه )


هذا تعليقي من دون اي تعصب ويعطيكم العافيه على هذا الموضوع الحلو

اتهام خطير واهانه لاي عضو ومدري ايش.....ياخي اذا السالفه كذا ماحد راح يظل بالمنتندى والسبب ان كل العالم اهانت اصحاب السوناتا....حبيبي انا مااهنت احد...وهذي النقطه تحسب عليك مو لك .....لو كانت هذي اهانه لاصحاب السوناتا مع احترامي لهم ليه مااحد كتب هالكلام الا انت؟ بالعكس انت الحين محسوب عليهم يعني راح تضرهم بكلامك ماراح تنفعهم بشي....عموما خلنا في صلب الموضوع احسن ...

V2X

الى هاليوم وانا اشوف كوامري قديمه .. ولا فيها شي..
من وين بس جبت كلامك

بصراحة الأكورد السياحي افضل من الكامري السياحي بكثير


بس الناس يبعدوا عنها لخوفهم من قطع الغيار