انا مؤيد وبقوة
ياخي تجيبون اسباب تافهة
المرة الصالحة اللي تتغطى زي الناس وتمشي والله محدن بيضايقها وانها تسوق ياللي تتفلسف انت واياه لحالها ازين من انها تقعد مع السواق لحالها قمة التخلف والجهل اللي نحن فيه والله
وش فيها لو راحت المرة تتقضى من السوق ومعها سيارتها وماشية تمام ؟؟
احسن من انها تروح مع السواق وتكون في جو خلوة
والله شي يقهر فعلا ناس ترفض ولا يحسون بغيرهم
زمان انت واياه اجدادكم ما تدرون وش كانو يسوون في زوجاتهم؟؟
كان يخلونها ترعى الغنم وكان يخلونها تطبخ وتستقبل الضيفان والكلام هذا كان في اغلب مناطق المملكة وبالله عليكم مستكثرين انكم تخلونها تسوق سيارة في هالزمن اللي ما فيه حد يفضى لحد بالله وش تسوي المطلقة اللي مع عيالها الصغار لحالهم ولا العانس ولا الارملة ولا ولا ولا ؟؟
انا أأيد وبقووووووة
ما اختلف معكم ان راح يكون فيه مفاسد شي طبيعي لكن المرة اللي تعرف مصلحة نفسها وتعرف وين تسوق وتعرف تحتشم محد بيجيها ابدن
تحياتي
واعذرونا ان كان فيه نوع من التعصب
اذكر الله وهد أعصابك
أولا ، أنت بعينك تشوف أهل الكويت من كتاب المنتدى يقولون ( ليس من صالحنا قيادة المرأة )
ياخي ناس جربت الوضع ، يعني مب توقعات بس
بعدين إذا كانت المرأة في عهد الأجداد ترعى الغنم ، فإنها كانت لا تتجرأ أن تتفوه بكلمة أمام رجل ، بل إذا مر رجل في شارع التصقت بالجدار حياء وخجلا
أما الآن ، حنا اللي نترك الطريق لها عشان تمشي ، بالله وين الحياء !!!
بعدين المرأة ضعيفة ( ناقصات عقل ودين ) والله ما تتحمل تواجه المواقف اللي فيها شيء من الصعوبة ، فما بالك بالمواقف الصعبة
وكونها تطلع مع السواق وقدام الناس أفضل من إنها تطلع لحالها ما تمسك لها طريق
ومن قال لك إنها مع السواق في خلوة ، يكفي إني أنا وأنت والثاني والثالث نشوفها قدامنا راكبة معه ، هل هذي تعتبر خلوة ؟
والمساوئ المترتبة على المطلقة بدون قيادة سيارة أهون بكثير من السماح لكل النساء بالقيادة ، بل ما فيه مقارنة
تتحمل المطلقة عشان مصلحة المجتمع ، مثل ما يتحمل المعاق ، وهي مأجورة على صبرها وتحملها
والآن ولله الحمد ، خدمة التوصيل للمنازل في كل مكان ، والليموزينات في كل مكان ، يعني بسهووولة تقدر المطلقة تقضي حاجتها المهمة
أما إننا نترك الحبل على الغارب ونخلي البنات تطلع على كيفها فهذا مخالف للعقيدة الإسلامية ، لأن مكان المرأة بيتها ، وما تطلع إلا لحاجة أو أداء شعيرة من شعائر الإسلام
الله يستر ، يمكن نشوف البنات دوران في التحلية :mad:
الله يهدي ضال المسلمين
