السلام عليكم
بتقولون وش المشكله هاذي وش دخل الوكاله في شركات التنظيف شوف
انا سيارتي التيما 6 سلندر قير تماتيك ماشيه 20 الف صراحه جاتني مشكله فرت راسي وراس اللي يشمها |11|
المشكله هي ريحه نتنه في السياره في البدايه الريحه كانت في الدبه ولاكن يوم تسكر السياره تنتشر الريحه في السياره كلها من داخل والله يعني ويعين اللي يركب معي
بدايتها وقفت السياره في باركنك مدة خمس ايام ولافيها شي واجيها في اليوم الثالث اشل بعض االاغراض واشم الريحه
قلت بتروح وارد في اليوم الخامس لين الريحه نفسها قلت بسم الله بفتح قزاز السياره والدبه تحت الشمس وسويتها
والحمد لله الريحه راحت واسكر السياره واجي اليوم الثاني لين المصيبه نفسها موجوده
قلت بسم الله اوديها المغسله واغسلها غسيل كامل من تحت وفوق وغسلت ولاشي فايده قلت افك الفرش اللي داخل
وانضفه عند التلميع بسم الله وسويت ولاشي فايده المشكله ان مافيه مكان معين تقدر تنظف فيه كل شي نظيف
وانا رايح الوكاله للتشيك قلت خلهم يشوفون لنا حل معه هاذي الريحه المهم راعي الوكاله قال ان شاء الله المهم
بدل زيت وشيك علي السياره وجيته عند الاستلام قلت له بشر قال بابا هذا ريحه مش من سياره يمكن حليب او شي راق
قلت له ياابو الشباب انا غسلت السياره وفوق ذا غسلت الفرش الداخلي تقولي شي راق حتي اللي ينضفون يقولون كل شي جديد ليش نظف ماشي بقع معينه
قالي راعي الوكاله شوف ان مستعجل قلت له ايه وراعي اشغال قال خلاص في التشييك القادم لو الريحه بعدها ماراحت
ان شاء الله نشوف لك حل قلت له تمام عند الوعد ان شاء الله
وبقي يمكن اسبوع ويجي الوعد والريحه بعدها ولاكن مركزه في الدبه فقط بنسبة 100 % وقدام الحمد لله راحت
بس غريبه غسلت الدبه غسيل مابعده غسيل والفرش غسلته ولمعته المشكله الفرش مافيه ريحه حتي اللي تحت الفرش مافيه ريحه والله احترت
انا اقول يمكن شي من السستم داخل السياره يولد هاذي الريحه
وهذا سبب كتابتي هذه المأساه |5|
مارأيكم في الموضوع وين يمكن يكون الحل قبل ماشاوف الوكاله
مع السلامه :)
