طالب متخرج من الثانويه يبغ مساعده..ساعدوني

اذا كنت ناوي تاخذ النترا خذ مكينة 2.0 لتر وراح تدعيلي


والله يوفقك ,,’

ارشحلك المازدا 3 وبدون منازع

لأن الكورولا ميزاتها اقل بكثير وصدقني مابترضي غرورك وطموحك كشاب لأنها منتشرة ومادري على ايه المازدا اوسع من الداخل وتصميمها فظييع يرضي طموح اي شاب وشكلها الخارجي رياضي ومشدود كما ان هيكلها اقوى من الكورولا .. جبليب كورولا نظيفة ماهي مطعوجة بعد استخدام نظيف لمدة عام فقط غير فرق المكينة الشاسع فالمازدا وب 42 الف تعطيك مكينة ممتازة 1,6و 105 احصنة مقابل 45الف على 1,3 و 87 حصان يعني تشغل المكيف السيارة تنطفي والكورولا الفل غالية ب 55 الف ومكينتها حلوة لكن المازدا الفل مكينتها اقوى من فل الكورولا وبسعر اقل ايضا


انا ارى ان الكورولا سعرها مرتفع نظرا للاقبال الي انت عارف اسبابه وبس المازدا افضل بمراحل

انا اقولك يا اخوي ان كانك صامل على الكورلا اصبر ترى 2006 بتتغير

ولكم جزيل الشكر

كوريلا ممتازة وعملية وسعر شوي غالي بس متوفرة القطع بكثرة ورخيصة
عندك الزوم ممتازة ورائعة بس لازم تعرف أن قطع غيار مازدا ناااااااااااااااااااااااااااااااااااااار

أنا أرشح كوريلا فقط محرك 1.8 أذا لم يكن هذا المحرك فمازدا3 أفضل شيء

يا قلبي المازدا 3 فيها ABS وحركات وعلى ما أعتقد إيرباقين وسيارة حلوة وفيها مواصفات لاهي في الكوريلا ولا الأوبترا.....حتى شكلها مع الجنوط واللون لؤلؤي أففففففففففففف شي يعذب........لكن أقول رح للوكالات وأستفسر....لكن ما أظن إذا ركبت المازدا 3 راح تقول أبي الكوريلا أو الأوبتر.

مع إحترامي لعشاق السيارتين..........................وجهتي نظري وأنا أعطيتك رايي أنا ماقلت خذ مازدا؟؟؟

رح للوكالة وشف وشلون!!!!!!!!!!!

والله يكون في عونك والله يوفقك...


زووووووووووووووووووووووووووووووووووووم 3333333333333333333333333333333333333333333333333333333

مشكور اخوي على الموضوع

بالنسبه للكورولا : قطع غيار رخيص ، تمسك سعرها عند اعادة البيع ،

بالنسبه للمازدا 3 : مواصفات ممتازه جدا ،، رساوه ممتازة جدا

والله اشوف المازدا رهيبة ماشالله
فخامة وشكل شبابي

واذا بتاخذ كورولا خذ ال1.8
لان الفئات اللي تحتها فقيرة جدا بالمواصفات وكل شي اختياري فيها

اتفضل اخي الكريم:-


موضع دعاء الاستخارة في الصلاة
س : سائل من مكة المكرمة يقول :متى يقرأ أو يقال دعاء الاستخارة خارج الصلاة أي بعد الصلاة؟ أم في أثناء الصلاة؟ وفي أي موضع منها؟ وهل هناك فرق بين قراءة الدعاء " الاستخارة " من كتاب أو ورقة ، وبين الدعاء غيبا؟ وهل تشرع إعادة صلاة الاستخارة للأمر نفسه عدة مرات؟

ج : المشروع للمسلم إذا صلى صلاة الاستخارة ، أن يدعو بعد السلام منها لقوله صلى الله عليه وسلم : إذا هم أحدكم بالأمر فليركع ركعتين من غير الفريضة ثم ليقل اللهم إني أستخيرك بعلمك الحديث . وهذا يدل على أن الدعاء يكون بعد السلام من الصلاة ، والأفضل أن يرفع يديه لأن رفعهما من أسباب استجابة الدعاء ، والحديث أخرجه البخاري في صحيحه عن جابر رضي الله عنه ، وهذا نصه : عن جابر بن عبد الله رضي الله عنهما قال : كان رسول الله صلى الله عليه وسلم يعلمنا الاستخارة في الأمور كلها كالسورة من القرآن يقول : إذا هم أحدكم بالأمر فليركع ركعتين من غير الفريضة ثم ليقل اللهم إني أستخيرك بعلمك وأستقدرك بقدرتك وأسألك من فضلك العظيم فإنك تقدر ولا أقدر وتعلم ولا أعلم وأنت علام الغيوب اللهم إن كنت تعلم أن هذا الأمر خير لي في ديني ومعاشي وعاقبة أمري أو قال : عاجل أمري وآجله فاقدره لي ويسره لي ثم بارك لي فيه وإن كنت تعلم أن هذا الأمر شر لي في ديني ومعاشي وعاقبة أمري أو قال عاجل أمري وآجله فاصرفه عني واصرفني عنه واقدر لي الخير حيث كان ثم رضني له قال ويسمي حاجته رواه البخاري .

الكورولا فل كامل
قطع غيار وصيانة رخيصة
المازدا3 حلوه وافضل من الكورولا من الناحية المواصفات والرساوة
بس عيبها الوكيل سيئ وقطع الغيار اغلى من التويوتا
الاوبترا سيئة من كل النواحي ونصيحة ابعد عنها
وخصوصا ان وكيلها الجميح اسوء وكيل في العالم

مازدا 3 وبسسسس

الكورولا افضل سيارة بالقائمة و حلوة بالشكل وعملية بالاستخدام وتمسك سعرها عند البيع ما يطيع سعرها وايد بقدر طيحة سعر المازدا والاوبترا.

والف مبروك عالتخرج وعقبال الشهادة الجامعية.

انا يوم تخرجت من الثانويه .. ابوي اشترى كورولا 1.3 و كنت زعلان يومها !!!

بعد 5 سنين من العبط مع السياره و كرف السياره و مسح كرامتها :D !!!! اكتشفت انها شئ ثاني .. يا اخي يكفيك الاقشمه الاماميه بـ 50 ريال و شغل يد بـ 30 ريال و الزيت ما اغيره اللا كل 10 الاف كيلو !!!! و فوق هذا ... ما تاكل هم موقف او زحمه او حتى خدش بالسياره .. كل شئ رخييييص

يعني اشتري و انسى و لا تاكل هم السياره ..


الان بعت الكورولا تشليح بسبب حادث شنيع :) و شريت سياره جديده :)

هلا اخوي على فكرة انا مجرب وعارف الكورولا والمازدا3 ولا كن الكورولا تخدم احسن بس لو تبي سيارة رياضية سريعة وجوية بالنسبة للموتور مازدا3 وعليها رساوة تمشي 200 ماتحس مو مبالغة على فكرة على العموم انا عندي مازدا3 فل جير عادي مغ انها 1.6 بس اقوة من الكورولا 1.8 بس المازدا لازملها عناية اهم شي من المطبات بس الكورولا احسن من ناحية انها تخدم اكثر بكثير

انا ارشح المازدا 3 لاسباب:
1-وجود نظام الـ ABS
2-قير عادي واتوماتيك
3-داخليه جميله جدا
4-شكلها الخارجي ايضا جميييييل
5-السيارة كلها شد بلد
6-راسيه في الخطوط(بالنسبه لفئتها)
7-شكلها ماراح يتغير قريب لانها ماطلعت الا عام 2005 يعني اربع سنوات والشكل ماراح يتغير اكيد
8-السعر اخر خبري به ان الفل كااامل ب 51 الف (مو متأكد لو تتصل بالوكيل يكون احسن)
اما ناحيه العيوب الوكيل فقط لكن السيارة جديده وماراح تظطر تشتري قطع منه او تتعامل معه كلها فحمات وزيت وبنزين وموضوعك منتهي اما اذا سويت حادث الله يعافي التشاليح

وماارشح الكورولا لاسباب:
1-شكلها الخارجي سيئ(من وجهة نظري)
2-الداخليه بايخه(برضه من وجهة نظري)
3-مافي ABS
4-عزمها تعبان باستثناء ال 1.8 قير عادي وركز قير عايدي يعني اذا كنت رغبان بالاوتوماتيك ترا عزمها ابدا مايتقارن بالعادي منها
5-الرساوة الله بالخير
6-ثلاثه ارباع السيارة تلفيق
7-شكلها اكيد بيتغير قريب
8-سعرها جدا غالي وصل 63 الف
وطبعا هذا مايعني ان السيارة مالها مميزات بس اتوقع العيوب اللي فوق تكفي انك تبعد عنها

وتذكر الاستخاره هي اهم شي
ولا تاخذ الا الموتر اللي ترتاح نفسيا له عشان ماتطفش بعد شهر ولا شهرين وصدقني اذا طفشت من الموتر مشكله

المازدا وانت تضحك على الاقل شكليا وتقنيا افضل من الكورورلا :) والف مبروك

انا ارشح الكورولا خاصة اذا كانت 1.8
لعدة اسباب :
1- اقتصادية من جهة البنزين و قطع الغيار
2- وكيلها جيد جدا يعني صيانة ممتازة
3- عملية جدا
4- تجبلك سعر عن البيع

ومبروك مقدما ولا تنسى تصلي الخيره قبل كل شي

بالنسبه لي...

المازدا شكلها من برا حلوه واحلى من الكورولا

بس

الكورولا زي ماقالوا الشباب عمليه ووكيل زي الحلاوه...هههه واقوى من المازدا

نفس الكلام
الكورولا أفضل شيء من خيارتك .
&&&&&&&&&&&
لو ينقل الموضوع لمنتدى السيارات اليابانيه أفضل |2|