من يطلع قومه وخط لومينا ssولاأفالون2005

انا باقول الك افالون و كابريس لومينا طبعا اس اس 2005

في القومة الافالون

في الخط الكابريس الاس اس و العالم خلفك و اللومينا ورا الكابريس بالضبط

ابو خالد حبيبي يلقيك خيرها ويكفيك شرها


والي مسمي نفسه مادري شنو (عليهث) شكله احد اعضاء المنتدى بس مايكتب بعضويته الاصلية لانه جبان
وعلى العموم الومينا اقوى غصبا عنك رضيت ولا انرضيت

واذا انت بتجيب لي 3 مقاطع التيما مقدمة على اس اس راح اجيب لك 5 مقاطع اذا تبي وكلهم التيمات 6 سلندر قير عادي

اثنين مع كوبيه واثنين مع كابرس رويال وواحد مع لومينا اس اس سيدان والقومات انا حاظرها في منطقة صفوى والقطيف

ههههههه حتى مع الرويال مامسكت

واذا كنت بالشرقية انت هات الالتيما وانا راح اجيب لك الاس اس وهذا الميدان ياحميدان مو تقعد تتحدى من ورا الشاشة وبأرض الواقع منخش خايف

وانا اعلن التحدي هنا الي عنده التيما من الشرقية ويقول انه يقوم على الاس اس خلك قد كلامك وانا راح اجيب لك الاس اس تبغى كوبيه ولا سيدان الي يريحك

وانا موجود بالقطيف

يلا عطني خبر اذا كنتوا بقد كلامكم

هههههههههههههههههههههههههههههههههههههههههههههههههههههههههه


والله إنكم تموتوني ضحك ياراعين اللومينات ههههههههههههه

وخلاص كل واحد يقول إس إس والي يقول رياضية والي يقول إنها تروح قومة وخط والي يقول إنها صالون عائلة هههههههههههههههههههههههههه يالله معروفين راعيني اللوميناتss رافعين خشومهم المشكلة إن الأفالون تروح على الأتيما والألتيما تروح على الإس إس والي مايصدق يامر أمر لو يبغاني أجيب له ثلاث مقاطع مختلفة رايحة الألتيما على الإس إس هههههههههههههههههههههههههههههههههههههههه من جد ما عندكم سالفة



المشكلة عندنا واحد هنا أثبت إنه يروح عليهم

والي يبغى دلائل ترى ماعندنا مانع أبشروا هههههههههههههههههههههههههههههههه

مشكورين على ردودكم وجهودكم

وترا قومتي مع الكابريس حضرها العضو أبو سعود علما بأن السيارة كان بها 5 ركاب

فللل

وأنا ما أتكلم على قوة المحرك

فالقوة تحمل عدة معاني كما ذكرت (قوة دفع ، قوة سحب ، قوة عفاريت)

أنا أتكلم خضرت الإشارة ودعسنا اثنيننا
ومع الكابريس
طلعنا من لفه وهو طلع قدامي ومع كذا رحت عليه

عموما شباب

أي واحد عنده قناعات له الحق بالاحتفاظ بها

والموضوع ما له داعي
ومعروف أنه أي واحد راح يدخل بيقول SS وبس

عشان كذا أنا أقول لكم جرب قبل لا تحكم

اتصل على عبد اللطيف جميل واطلب تجربة للافالون الجديدة

واحكم بنفسك

وبالنسبة للأخ اللي تكلم عن أنها من فئة اللكزس أقول له كلامك صح
وأنا مو شاريها عشان أدعس فيها
بس تدري "طيش شباب" :)
مبسوط فيها وقاعد أدعس

""" أعتذر عن المشاركة في الموضوع عشان محد يفقد لسانة وبعدين نفقد أحد الأعضاء الغاليين على قلوبنا مثل ما حصل في هوشة السيارات الكورية"

تحياتي للجميع

اجل الاس اس تطلع قومة وخط :D

يا شباب خليكم واقعيين شوي مافي مقارنة بين اللومينا SS والافالون الاولى سوبر رياضية والثانية صالون عائلية ....

اكيد اللومبنا ss با العقل لأن المريكي يعطيك بس واحد من الشباب عندة افالون 2005 يقل انه طلع على الكابرس ltz اللومينا ss والله العالم و على فكرة مين قال ان الموضوع بيسبب مشاكل الموضوع جميل و ما فيه شي و نشكر الفيدرالي على جهودة و اللي يقول بيسبب مشاكل اقوله اطمئن الموضوع ما فيه شي
وشكراً للفيرالي مرة ثانية
اخوك ابــ سعود ــو

والله حالة اول شي ابتلشنا بالالتيما والحين طلعت لينا الافالون

انا ابغى اعرف ليش ماينزلوا مواضيع يقولوا فيها من اقوى الافالون ولا الالتيمة؟؟

دايما مواضيعها من يقوم التيمة ولا اس اس

ماجنا ولا اس اس

اكورد ولا اس اس

صني ولا اس اس

والحين طلع لينا بعد الافالون

الله يعين

هههههههههههههههههههههههههههه
Y-TYPE
فئه من خيالك هههههههههههههههههههه
لكن من جد مواضيع القومات سببت اول مشاكل بالمنتدى
انا تذكرتها وبغت تطول ولا تختفي وجوا عندنا وقالوا المنتدى الأمريكي متعصب ومدري ايش وراحوا يكتبوا مواضيع عندنا بالمنتدى ويقولو انتم متعصبين ومدري ايش اخخخخخخخخخ
الله يكون بالعون بس
**********

أنا أقول الجاكور Y-TYPE أحلى :D

يا نا س الافالون تتقارن بلكزس وبعدين اروح اطارح فيها
وبعدين للحق الومينا تشفط الفالون

اخوي الافلون سياره كلاسكيه يعني مو رياضيه

اما بالنسبة للاس اس رياضيه

واقوى مكينه

فأنا اقول الاس اس بدون منازع

لومينا قومه وخط ول وكان غير كدا فا سواق الومينا موو كفووووو

لومينا SSقوومه وخط

وعلى فكرة

ترا أنا " واحد من الشباب " اللي يقصدة الفيدرالي

أنا معي أفالون 2005
قمنا من إشارة أنا ولومينا إس إس 2004
وهو اللي طالب القومة (تراي ما أحب القومات)
حطيتة تيب ترونيك
وشقيته قومة وخط إلى ال 200 تقريبا لقصر المسافة ولأن فيه كيرف بالنص
قاومنا بين إشارة الراكة وإشارة جامعة الملك فيصل
وكان بيني وبينه مسافة حلوة

وطلب يقاوم مرة ثانية
ونديور وناخذ الخط رجعه
هالمرة خليته على الـ D
طلعت عليه بمسافة أكبر
لأني ما كنت أعشق مظبوط بالتيب ترونيك

يوم وصلنا لإشارة الراكة جا سلم ولف يمين (استسلم للأمر الواقع)

مع ملاحظة إني مالي أي خبرة بالقومات ولم أستعمل حركة " البريك والبنزين " ولا شي

طبعا القومة تعتمد على أكثر من شغله

التمرين
السواق
العناية بالسيارة وتنظيف البخاخات

إلخ

ومرة ثانية طارحت كابريس LS V8
بعد ما قاومته
ما صرت أشوفه بالمراية من بعد المسافة

هذا لا يقلل من شأن السيارات الأمريكية المعروفة بالقوة
والأمريكيون هم وحوش السيارات
وشكلهم ورثو هذا الشي للأفالون لأنها صناعه أمريكية

وطبعا في أشياء تأثر في القومة منها الوزن ، و، و ، و ، إلخ...

تحياتي للجميع

وأتمنى عدم طرح هذه المواضيع التي قد تكون معارضة لسياسة المنتدى حتى لا تطرد من قبل الإدارة
لأن الإدارة يدورون الغلطة
وشكلهم معد يبون أعضاء :)

سلملم

توقعاتي الاس اس

وتوقعاتي بعد ان الموضوع ماراح يطول

مشكورين ياشباب على الردود

مشكوريا CHARGERعلىمرورك

وحنا أخوان ومابينا زعل أن شاء الله

ومعليش ياشباب الظاهر أني طولتها وهي قصيره :D




[size=4]أخوكم الفيدرالي|3| [/size]

اخوي
مايبيلها اييييييي نقاش
خلاص اللومينا تطلع خاصة اذا كان SS
والصراحه سؤال ماله فايده اذا طول عن اللزوم ..... لاتزعل :)
**********