السلام عليكم ورحمة الله
اليوم مريت على وكالة اليوسف للشفر في دبي و كان لي حديث مع أحد البياعين اللي هناك و إسمه وليد و خبرني بالتالي:
الخبر الأول بخصوص اللومينا 2006 نزلت عندنا بدبي و مو مثل ما كنا متوقعين إنها LS2
نفس موديل 2005 بفارق بعض التعديلات مثل:
- حساسات من المصنع في الخلف
- تم تغير المراوح بأخرى أكبر فصارت أقوى
- الكمبرسر (التكييف) صار أفضل بكثير وعلى كلامه في الظهر تكون درجة الحراره داخل السياره 15 درجه مهما كانت عاليه في الخارج
- تم تعديل السسبنشن و نظام الفرمله
أما بخصوص الـ LS2 فقال ما راح تنزل على اللومينا العادي ( الكمودور )، راح تكون فقط على الزد سيريس اللي هي الفئه المعدله HSV
أما الخبر الثاني فهو بخصوص هذي الفئه المعدله و تحديدا الـكوبيه واللي هي الـ GTO فهناك مشاورات لتسويقها في الشرق الأوسط و الأمل كبير إنها تتم و توصلنا هذي السياره المتوحشه
عملية بيعها راح تكون عن طريق الطلب، يعني تطلبها و بعد ثلاثة أشهر تستلمها واللي عرفته عنها إنها LS2 6.0 وبقوة 400 حصان
إن شاء الله يكون غلطان بخصوص الخبر الأول لأنه كلنا ننتظر نزول اللومينا بمكينة الـ LS2 و يصدق بخصوص الخبر الثاني
هذي أخباري و إن شاء الله أكون وفيت وما قصرت
تحياتي لكم
