السلام عليكم ورحمة الله وبركاته :
شف أخوي تبي الرأي الي يجمد على الشارب :
1 - إذا كنت راعي كرف يعني روحات وجيات كثيرة وقليل الأهتمام بالسيارة تغير الزيت مته ماصنف بالراس 4000أو 5000 كيلوا متر راعي طريق ( من غير سرعه ) ، السيارة كلن يأخذه منك من الربع خذلك :كورولا .
2 - إذا كنت راعي مشاوير خفيفة وخفيف الرجل على السيارة وخوياك راعي كشخات وتهتم بالسيارة تغير زيت 1500 - 2000 كيلوا متر ، خذ سوناتا .
أنا عطيتك رائي لان الكرولا تصبر بمعنى الكلمه ويكفي أن معك تويوتا ، لكن السوناتا لو يجيه ربع الي يجي الكرولا كانت طلعت سرندلاته مع الشكمان .
وعلى العموم ترى الكرولا إذا صار لونه بحري أو فضي وفتحه وجنوط طلعت شكل ثاني ، هذي وجهة نظري ولوا أنا محلك أخذت كرولا فل كامل ، وفيه نقطة لاتنساه بعد ترى سعر الكرولا بعد الاستعمال ما ينزل مثل السوناتا .
وبالتوفيق لك أن شاءالله .
وتقبل تحياتي ،،، أخوك منصور
