استفسار بخصوص العازل ؟؟؟

هاوي العبث @user_2492 · 04-08-2005

هلا شباب

وقت السفر با السياره انا اشوف بعض السيارات يرشونها بماده تشبه الرمل هذا بدل الفيري للحفاض على المقدمه من العج في الطريق ....

السؤال هل هذا يأثر على الصبغ او على المعه للسياره والرشاش هذا من وين احصله وبكم سعره ؟

تحياتي

jnn @user_19003 · 02-09-2005

productive,fruitful discussion

مستفيد وبس @user_19809 · 26-08-2005

هلا بالأخوان ........

نصيحة مهمةةةةة .. سافرت في الصيف هذا وكنت محتار مثلك سيارتي جديدة وخايف على بويتها وسألت وشاورت وبالأخير قررت أحد تجليدة شفافة على الأنوار وفعلاً لزقت الأنوار وسافرت ولأني بأقعد في كل مدينة أربع أيام ... وبأمر بست مدن فماشلت التجليدة إلا في آخر مدينة (أبها) قررت أشيلها لأني مطول شوي ... يوم جيت أشيلها وتجي المصيبة !!!!!!!!!!!!!!!!!!!!!!
عيت تنشال لازقة مررررررررة على اللمبات وشوي منها على البدي ...|10|
حاول صاحب المغسلة بديزل وحاول لكن بدون فايدة ....
نصحوني بعض الشباب بالإستشوار وفعلا حطيتة وأقشع بأظافري لمدة ...... أربع ساعات ...... ياللة راحت لكن بقيت آثارها على البوية واضحة ....|5|
ونصيحتي للي يسافرون خلوا السيارة بطبيعتها أصرف لأن سيارتي القديمة بعتها ولاتأثرت بشي مع إن عمري مافكرت فيها في السفر ...

Camry V6 @user_15854 · 24-08-2005

السلام عليكم

خذ العلم الأكيد

انا حطيت الرشه (الترميله) <---- سميتها كذا :P

وسافرت فيها فووق 1400 كيلو وخليتها عليها لمدة شهر ونص ولا غلست السيارة وتوني راجع للكويت

وغسلتها قسم بالله الموتر كأن جديد وسهله بالماء علطول تروح مع انه لها شهر ونص وتحت الشمس ولا اثرت على صبغ السيارة

انصحك فيها وعن تجربه خل عنك الفيري الصحون

ابو بندر @user_15688 · 24-08-2005

نصيحتي بعد تجربتي للخطوط :

لا تحط فيري ولا برقع ..

مجرد حط لزق شفاف على الشمعات الأمامية وكشافات الضباب عشان تبقى شفافة ولا تتغبش ..

اما البوية فما تتأثر الا اذا ضرب فيها الحصى الصغير تنجرح بس ..

هاوي العبث :

الظاهر اللي تقصده هم ناس حطو فيري بس بعد ما مسكوا الخط لزق فيه التراب فطلع لونه كذا :)

الاسم للبيـع @user_14159 · 23-08-2005

حطو لزق شفاف ابو ريالين على كل الوجهيه

واذا وصلتو شيلوه .. :D

us2s2u @user_4553 · 23-08-2005

عفوا يقولون

طبعه مغلطيه

us2s2u @user_4553 · 23-08-2005

فيه الشحم حق السيارات سقولون ينفع ؟؟؟؟؟؟ انا ماادري

أبو عبدالعزيز @user_6640 · 08-08-2005

السلام عليكم...........
فعلا الفيري مضر جدا للسيارة
لاكن إذا لم تجد غيره .................ماذا تفعل؟؟؟؟؟
أخواني انا سمعت عن شيء اسمه التشميع؟؟؟؟!!!!!!وأنه يباع في محلات الزينة
هل هو الحل الأمثل؟؟؟؟؟؟؟؟؟؟

4×4 @user_20206 · 08-08-2005

السلام وعليكم

الماده الى زي الرمل ؟؟

هذي يسمونها (رش وكاله) وفيه محلات في حي الروضه في الرياض يسونها لك

اتمنى اني وصلت المعلومه

د.فيصل @user_16348 · 08-08-2005

ياشباب صراحة لازم نعرف مادة للحماية
لانه لو تركتها راح تتظرر
كيف ؟

هاوي العبث @user_2492 صاحب الموضوع · 05-08-2005

مشكورين على الردور بس الفيري انا فعلا ما انصح فيه با المره لانا مع حراره السياره الكر ( اللمعه ) تتشرب و تمتص الفيري وحتى لو غسلتها راح تشوف في فرق بين الجهه التى جاتها فيري والجهه السليمه

وبا النسبه للبرقع انا اشوفه ما يصلح مع انه افضل من الفيري بس اتوقع انه يسبب تشميخ للمعه ( دقيق مره على السياره )

طيب الحين نبي نعرف الماده الى زي الرمل هذة كيف وشلون مفعولها للمجربين ؟؟؟

Energy @user_18872 Renault Aficionado · 05-08-2005

لوجربت البرقع راح تسخن عليك السيارة حتى لووجدت فتحات للشبك وما شابهه لانه يزيد من حرارة سطح البودى حق السيارة وبذلك ماراح يبرده الهواء وهذا مجرب ....وشكرا

اكورديات @user_16890 · 05-08-2005

اكبر غلطه تحط فيري للسياره

حتى لو اول غسلتها اول ماتوصل

راح تتضرر مع الوقت

بتروح لمعة البدي

والاصطبات ماراح تصير شفافه

احسن حل البرقع

وبالعكس لا يخرب ولا شي

انا استعمل برقع للسفر

وماشي معي تمام

أبو عبدالملك @user_18068 · 04-08-2005

الفيري والبرقع كلها تؤثر على البودي ،
نصيحه خل السياره زي ما هي .

د.فيصل @user_16348 · 04-08-2005

الله يعين
طيب ماهي طريقةالحماية السليمة ؟

us2s2u @user_4553 · 04-08-2005

والله انا من ناحيتي ما ادري لكن احب انوه لبعض الاخوه عن موضوع الفيري ياجماعه قبل لا نحط فيري لازم ناخذ بالحسبان انك اول ماتوصل الدير لازم تغسل السياره ولا راح تتقشر البويه معا الفيري وهذا الكلام عن تجربه واضطريت اني ارش الوجه كااااااااااااااامل

ودمتم سالمين..................