السلام عليكم ورحمة الله وبركاته
السلام عليكم ورحمة الله وبركاته
اخواني الكرام ما دعاني لكتابة هذا الموضوع هو نصب ومحاولة نصب كثير من اصحاب الورش علي وعلى افراد هذا الشعب السعودي
وراح ادخل في الموضوع مباشرة
هؤلاء الوافدين همهم الفلوس باي طريقه وعندهم السعودي كيس فلوس وساذج بصراحة مثل ما حنا نعتقد انهم ساذجين هم كذلك يعتقدون ان السعوديين سذج مثل ما يدعون ان السعودي ما يفهم ولا يعرف يصلح شي لا كمبيوتر ولا سيارة وفي نظرهم ان السعوديين بدوو انا اتكلم عن الاغلبية اكرر انا اتكلم عن اعتقاد اكثر الوافدين
مكن واحد يقول يا اخي اتقي الله لا تتهم احد وكيف حكمت ان اغلبهم هل انت سويت احصاء ؟؟
اقول انا حكمت من خلال كلامي مع كل الي قابلتهم بالاضافة الى تداخلي مع العمالة عندنا واحتكاكي الكبير بهم ومن خلال اصحاب قطع الغيار الي اعرف كم واحد منهم
آخر عملية نصب تعرضت لها كانت امس ؟؟ نعم عندما ارتفعت حرارة السيارة وقمت بالذهاب لصاحب ورشة وافد واخبرني انها تحتاج الى تصييخ طبعا انا متا بع السيارة من بعيد لاحظت انه فك الرديتر وقام بغسلة واذن المغرب وذهبت اصلي في مصلى الورش وهو قريب جدا من الورشة وعندما عدت فتح المحل واخذ يركب ويغطي الرديتر ؟؟؟
فقلت له يا شيخ انت ما سيخت الرديتر قال انه سيخ الرديرت ولكن عشاني راح يسيخه مرة ثانيه ؟؟؟ وتسييخ اكثرهم انه يقفز اكثر الفتحات اذا ما كنت متابع لهم
المهم اخواني من خلال كلامي مع رجل كبير في السن وصاحب محلات قطع غيار اخبرني ان اصحاب الورش لا يأتون اليه كثيرا وذلك لامانته كما قال
اخبرني باشياء يشيب لها الرأس مما يقومون به من نصب واحتيال
من نصبهم على المسلمين مثلا :
1- اكثر اصحاب الورش اذا تركت السيارة عنده ممكن يسرق قطع ويغيرها
2- يجيب لك فواتير مزورة طبعا بالاتفاق مع صاحب القطع واكثرهم ما يخاف الله
3- يقولك مثلا القطعه هذي خربانه وهذي خربانه وانت مسكين تصدق وتشتريها بعد كذا يعيدها لصاحب قطع الغيار وياخذ فلوسها او يحتفظ بها ويبيعها لزبون ثاني وطبعا حنا على باب الله وما ندري عن القطع خاصة اذا كانت اسفل السيارة او في مكان تصعب رؤيته
4- اكثر اصحاب القطع يقولك روح وبعدين تعال عشان يوهمك انه اشتغل شغل كثير في السيارة مع ان اغلب الشغلات ما تاخذ نصف ساعه (وطبعا ءأكد عليكم اخواني وقفوا على سياراتكم قدر الامكان )
5- اكثر اصحاب الورش يقولك هذي المشكلة كبيرة ويبيلها وقت كبير عشان تدفع اكثر ويزيد الحساب وطبعا اقل شغله ياخذون عليها خمسين ريال هذا اذا كان طيب والمضحك اني نوعت سيارات كثيرة وكل سيارة يقولولي هذي مكينتها معقده ويبيلها شغل كثير
6- بعض الوافدين الجدد الي ما يفهمون في السيارات يطلب منك قطع عديده لانه ما يعرف الخراب بالضبط ويجرب القطع وطبعا على حسابك
7- بعض القطع ممكن تنفك وتتصلح لكن لكسلهم يقولك هذا ما تتصلح لازم جديد وتستطيع ان تعرف بانها تتصلح او لا من خلال مرورك على اكثر من ورشة
8- طبعا السعودي عندهم له سعر والاجنبي له سعر ومن خلال تجربتي مثلا في محل خراطة طلب مني خمسين ريال على شغله تافهه وعندما ارسلت سواق البيت وهو طبعا من جنسهم طلب منه عشرين ريال ؟؟؟؟
وهذي اجربها كثير في الحلقه مثلا يحسبون علي كرتون الخس آخر كلام عشرين والسواق يجيبه بـ 5 ريال ؟؟؟؟؟؟
نصائح :
1- انصح اخواني انهم يقفون على سياراتهم بانفسهم
2- انصحك انك ما تروح لورشة واحده فقط حتى لو كنت عميل بل اذهب لثلاث ورش على الاقل متباعده وشوف الاسعار راح تلاحظ فرق كبير وحتى تحكم على الخلل وتتاكد من الخراب
وأخيرا انصحكم بالمكاسرة وعدم الرضوخ لجشع هؤلاء النصابين والذهاب للرخيص والفاهم من اصحاب الورش وتستطيع اكتشافه من خلال كلامه عن الخراب ولكن انتبه فاكثرهم يرخص لك اذا شافك اول مرة ثم بعد كذا يصلخ فيك بدون ما تشعر
وآسف على الاطالة ولكن حبا لكم كتبت هذا الموضوع وطبعا في نسبه قليلة من الاجانب تخاف الله لكن قليلة مع الاسف عشان ما نظلمهم وارجوا نشر الموضوع حتى يحذر الناس شر هؤلاء
