كيف حال الشباب والفنين إنشاء الله طيبين ومبسوطين
أشكر من قام في تأسيس هذا المنتدى والعاملين فيه
بسم الله الرحمن الرحيم
يا شباب شي غريب صار للجمس حقي لم غيرت زيت وفلتر الجربكس
أول شي أنا لي فترة طويلة ما غيرت فلتر وزيت الجربكس من يوم ما اشتريت السيارة فقلت خليني أغير ورحت الورشة غيرت الفلتر وزيت الجربكس بعدين لم طلعت السيارة رحت أجربها حسيت في تاخير في التنقيلات قلت رحت فيها راح الجربكس وبعدين سألت حقين الورش قالولي ممكن يكون من الكلتشات في الجربكس أو البودي بلف يعني لوحة تحكم الكترونية في الجربكس قلنا الله يستر وكانت السيارة تغير التنقيلات في RBM على رقم ثابت رقم 2 في كل النمر ولكن مع تاخير قليل في النمرة الاولى المهم مشيت بالسيارة يومين بدون ما أكشف عليها وفي اليوم الثالث طلعت بالسيارة وصارت المفاجئة الغريبة الي حيرتني من جد بعدها ماسرت أعرف إيش اسوي هو إن الجربكس رجع طبيعي ومافي تاخير في التنقيلات فقلت أوديها الورشة أكشف عليها ول لا
والسؤال هنا يقول
ماهو تفسير حدوث هذا الشئ ؟
هل لأن زيت جديد إختلط بزيت قديم فصار الشئ هذا
لأن معروف إن البطيخة فيها 7 علب زيت تقريبا ما تتغير إلا لم تفك الجربكس كاملا.
وأيش تنصحوني اسوي
وكيف ممكن أعرف إن الجربكس فيلو عيب ولو بسيط
ارجو الافادة من اصحاب الخبرة لان هذ الامر يهمني وخاصتا الي صار داخل الجربكس
السيارة جمس سوبربان أمريكي
موديل 92
محرك 350
دفع خلفي
مركب عليه جربكس كابرس 700 تماتيك
