ادعو لسيارتي بالرحمة .....وقولو مرحبا لموديل 2006

سايمينها بالوكالة بـ 84 |10|

شباب هوا الصراحه انا مره مأستبعدت اللومينا لاكن يعني متوهق فيها اخدها لانو شكلها مو زي شكل الأس اس ولا أطلع شي تاني

وكمان يعني بأقولكم شي الحمدلله الدرايفر تمام وماسويت بيه حادث بس تعرفو يعني خلاص موديله راح من زمان وابغى شي يتواكب مع الي احنا فيه يعني بأخلي الدرايفر ان شاء الله بس للمطارحات والأستعراض ولاكن ابغى شي هادي ورايق للمشاوير والروحات والجيات

ومشكورين

^
^
سعرها ب 120 الف وهو حده 85

وفعلا العذر والسموحه من صاحب الموضوع

اللي لي معهم نقاش ننتقل لمكان اخر

أرشح الفولفو S40

شوفها بالوكالة و ما راح تندم :)

يااااانااااااس
الرجال طلب رايكم ...ماقال اقنعو بعض
كل واحد يقول رايه ولا عليه من الثاني لو يقول المونديو اطلق من الفياقرا
ماعليك منه
انا اقول كذا عشان مايخرب موضوع الرجال ويقفلونه الاداره ولا هو استفاد ولا انتم استفدتو
فاتمنى انكم تنهون الشي هذا من اوله

مع خالص تحياتي :)

طيب تبي اجيب لك المونديو اللي جربتها؟

جديده 2005 ومافيها اي عله

وانا ما قلت مابي اسمع صوت انت ذبحتنا برساوة هالمونديو وعلى كلامك مالها منازع ولو تدقق في كلامي بتشوف اني كاتب (تهتز اذا مريت جنب سياره كبيره) مو صوت الله يصلحك

وانا ياخي معي باسات مو (مونديو) بدون استحقار ولا جلست اقول ثابته وما ثابته لاني عارف مستواها مع انها اثبت من المونديو

بعدين يا حبيبي خلنا ندخل في الاوزان واتحداك لو وزن المونديو 1850 ولو صار هذا وزنها ما عاد اكتب في هالمنتدى ولا كلمه
ونفس الشي الفكتوريا (فوق الطنين اجل) والله لو انها جيب

لكن انت وش بتسوي لا طلعت انت الغلطان؟

ثانيا الاخ كابرس او بالاصح شفر لووول

منهو اللي شاكي لك حبيبي عن ثبات الاكورد؟ وبعدين قوتها على اربعه سلندر كافيه
وبعدين ما بقي الا تقول لي الاكورد خرابات والكابرس ما يحتاج

موجع راسنا الله يصلح بهالكابرس وكل يوم والثاني كابرس وان قلنا طيب وكيف صار هالشي قلت عند عمي وعند جدي وعند فلان وعند مدري مين

كان بيتك من قزاز لا ترمي الناس بحجر وافهم عاد وش اقصد انا


عموما مو انا اللي يتكلم عن شي وهو مو قده عندك شي مو مصدقه قل لي وش بتسوي لا اثبت لك العكس ونفس الشي يتطبق علي
وبعدين على فكره هالمونديو اللي ذابحيننا في مواصفاتها واخرتها نصها مو موجود (مسجلها ما يدعم mp3)
وانتظر ردودكم

التيما سته سلندر فل اوبشن :)

اقول مبروك مقدما والومينا اس افضل سياره في فئته يعني لا تولف ولا شي اشتر اس وخليها على شكلها وبس

ولا تفكر بشي ثاني



SS_400

:D ياسبحان الله ذكرتني بواحد الله يستر علينا وعليه |4|

المهم يالغالي

اذا انت ماتبي تطلع عن السيارات الثلاث انا ارشح المونديو

الاكورد تغير شكلها وغالية على كل سنع - لاقوه - كثير من في المنتدي يشتكي من الثبات وقساوة الكراسي

يعني مو مريحه

وبعدين المونديو فيها مواصفات حلوه

واذا تبي خيار رابع بس يمكن انت ماتحتاجه لان الموتر كبير بس بأطرحه لان خوي الومينا

الي هو كابرس ltz

6 سلندر |1| بس

لاكن مثل ماقلت لك من الخيارات الثلاث المونديو |6|

مرحبا .. NiCK وطبعاً وعلى كلامك مافي سياره ماجربتها الظاهر ؟؟
..
وياحبيبي .. ماادري انت راكب مايباخ ماتبي تسمع صوت سياره كبيرة وتلاقي الي جربتها كفرات ممسوحة ومتكسرة وموديل قديم روح جرب لك 2005 فل وبتشوف ياحببيي ..
..
وسلام الله على الاكورد .. وعلى امانها وثباتها .. وشيء اكيد من واحد متحيز للياباني .. أو بقصد متعصب راح يقول مثل هذا الكلام وأكثر ..
..
وزن الفكتوريا 2376 كجم السياره موجوده عندنا ومايحتاج تقول ماوصلت الى هالوزن ..
..
سلامي |3|

اكورد--سوناتا
مازدا6

هذا اللي في بالي لحين

والسلام عليكم

اسعد عمر قلي

اما 1850 الله يصلح الفكتوريا ما وصلت لهالوزن

هذا ياخي الوزن الاجمالي مو وزن السياره لحالها

وصراااحه جربت المونديو بعد ما سمعت عن ثباتها الخرافي لكن انصدمت انه عادي واللي صدمني:
1- اذا مشيت بسرعه ومريت جنب سياره كبيره السيااره تهتز واللي يقول غير هالكلام يلعب على روحه
2- اذا كان فيه هوا السياره مو ثابته وتتأثر فيه

يمكن احسن من بعض سيارات فئتها لكن عن الكلام اللي اسمعه هنا لا ياخي ما توصل لهالدرجه

اخيرا اخوي صاحب الموضوع انا ارشح لك الاكورد
والاكورد على فكره ثباتها من ثبات المونديو يعني رح جرب السيارتين وبتعرف

والله يوفقك

مرحبا ..
..
الحمد لله على السلامة والله يكفينا شر الحوادث ..
..
بالنسبة للخيارات المطروحة .. اللومينا سيارة ممتازه ولكن انت أستبعدتها .. طيب .. السيفيك من فئة أصغر من الاكورد والمونديو .. يعني حتى لو كانت السيفيك فل و أكورد سياحي أو مونديو سياحي هم الأفضل ..
..
السيفك سياره ممتازه ولكن سيارة ذات قطع غالية .. ولكن تعديلها سهل جداً جداً ..
..
المونديو وهي ترشيحي مع اني عارف أن الأغلبية راح تقول أكورد .. ولكن أنا أرشح المونديو .. لعدة أشياء ليس شيء واحد .. الثبات المذهل على الطريق الذي لن ولم تصل ليه الأكورد .. أنظمة السلامة والامان واذا حبيت أذكرها قول .. الوسائد الهوائية المتعددة .. مو أثنتين مثل الأكورد وقالوا أمان .. |4|
وزن المونديو بالنسبة لحجمها 1865 كجم وزن مذهل جدا :eek: ً حتى السيارات الأكبر منها لم تصل الى هذا الوزن .. واذا حبيت تتأكد شوف لك أي وحده وأفتح باب الراكب وأقرا ماهو مكتوب في المربع الأسود .. بالمقابل وزن الاكورد لايتجاوز الـ 1450 كجم وتعتبر ثقيلة بالنسبة لليابانيات الأخرى .. ولكن كما الحال الأمان بيد الله أولاً ثم أنظمة الامان بالسياره .. لا أخفي عنك ان الأكورد اكبر وأوسع وذات هدوء أفضل ولكن مقاعدها خشنة بشكل فظيع .. وأيضاُ المونديو ليست بتلك الدرجة من الليونة ولكن أفضل .. وكما أيضاً محرك الاكورد 2.4 بقوة 160 حصان لاأعلم اذا كان هذا صحيح او لا ولكن قوة المونديو 2.0 قوته 151 حصان وأن كانت المونديو قير عادي وأنت فنان في سواقة العادي تروح على الاكورد بفارق بسيط .. |6|
..
على العموم كما قلت لك الأكثرية سوف تقول لك أكورد لأنتشارها ولكن انا أقول المونديو لعدة أسباب لايتم توافرها عند الأكورد :cool:
..
تحياتي وأتمنى لك التوفيق

اخوي كل جديد .......مابغى ابداء اولف للسيارة من بدري يعني صعبة مره وكمان انا طالب في ثالث سنوي يعني مرررررررررررره ماعندي وقت الف لف في الصناعيه