كيف الشباب انشاء الله كله تمام
عندي كم استفسار اتمنى اذا احد عنده اجابة يمسطلنا اجابته (( هون ))
رخصتي بتنتهي انشاء الله في 17 \ 9 \ 1426 يعني في موعد شيييييييييييييييين
لاني ناوي اسافر في الاجازة ويمكن ارجع متاخر على نهايتها بيكون انتهت المهلة ( 15يوم ) ويمكن اضفلي كم مخالفة وانا توني مسدد ( راحت كل المكافأة |3| )
استفساراتي:
-اللي اعرفه لابد من التامين تامين رخصة القيادة صار عند التعاونية (( على فكرة مابي غيرهم)) ب 550 ريال تامين الرخصة ضد الغير و نزلوا تامين جديد اسمه سند ب 375 ريال لتامين المركبة ضد الغير هل تامين سند يقبل عن تجديد الرخصة ام لابد من تأمين الرخصة ضد الغير ؟
-اذا أمنا انشاء الله ورحنا نجدد هل كل الدوائر فيها الرخصة الجديدة الصغيرة ام انه في بعضهم كذا وبعضهم كذا
-الرخصة الجديدة هل التصوير عندهم ام يحطون الصور اللي انا اجيبها ((عشان اعرف وش اجيب وش البس اذا رحت لهم))
-وين بالضبط فروع المرور في شرق الرياض غير الروضة.
- هل ممكن اجدد الرخصة قبل ماتنتهي بأسبوع ... مثلا
اللي يقدر يجاوب على استفساراتنا مايقصر واللي يجاوب جزأ منها بعد مايقصر
تحياتي لكم
