طلب ضوووووري أبي صورة الــ GS 430 باللون البيج ( الذهبي )

أحسينوه @user_16139 · 12-11-2005

السلا عليكم ورحمة الله وبركاته
واللي يرحم والديكم أبي صورة الــ GS 430
ولكن بشرط أن تكون باللون البيج واللي إسمه بالإنجليزي
Beige Mica Metallic

لأني شاهدتها في الشارع بهذا اللون وبصراحه رهيب رهيب رهيب
بس أبي أتأكد من جماله وتوافقه مع شكل السياره
وأدقق فيه أكثر .

لأني أنا حاجز اللون الأزرق اللؤلؤي واللي إسمه بالإنجليزي
Bluish Pearl Crystal Shine
بس للأسف ما شفته ع الطبيعه .. ومتخوف إنه يطلع مب حلو في الطبيعه
واللون البيج حاليا ً مش متوفر لدى الوكيل وإلا كنت رحت شفته

فأبي بسرعه أقرر علشان أغير الحجز إلى اللون البيج إذا عجبني .

أحسينوه @user_16139 صاحب الموضوع · 01-01-2006

بارك الله فيك أخوي / Dr.moon
ومشكور على هالدعوه الرائعه .. والله يرزقك بأحسن منها
==============
هلا فيك أخوي / MAX-010
ومشكور على تجاوبك مع الموضوع
ولا يصير خاطرك إلا طيب .. خلاص إستقريت بفضل من رب العالمين
أولا ً .. وبمشورة الأخوان هنا وهناك ثانيا ً .. على اللون الأبيض اللؤلؤي ( الأزرق اللؤلؤي )
=================
شاكر لك أخوي / hoobe .. وبالفعل اللون البيج .. من ناحيتي عاجبني
وأشوفه معطي السياره فخامه ( في فترة النهار لم اشاهده ليلا ً )
وأعتقد أنه ليلا ً مش ولا بد ..!
ولكن هذا الكلام قبل أن أرى بأم عيني اللون الأبيض اللؤلؤي ( الأزرق )
:D
الحين ما في شيء في خاطري غير الأزرق اللؤلؤي
لون لا يمكن مقاومته .
====================
تعرف أخوي / MR.HKR
أكره حكمه مرت على التاريخ من وجهة نظري هي ( كل اللي يعجبك وإلبس اللي يعجب الناس )
:D
وأنا طول عمري غير مقتنع بها .
ولكن أتفق معاك فيما ذهبت إليه من ناحية التفكير في بيع السياره مستقبلا ً .
وإن كنت لا ارى اللون البيج بهذا السوء .
وأنا اللي شاكر لك مشاركتك الحلوه في الموضوع
===================
أخوي / ابو بندر
خلاص رسيت على اللون الأزرق اللؤلؤي ( الأبيض اللؤلؤي المائل للأزرق )
بارك لي ..

والله يعيني على طول الإنتظار ( من شهر 11 وأنا أنتظر .. راح توصل السياره على نهاية
شهر 1 2006 )
هانت يالله ما بقى غير شهر ..

=============
وشاكر للجميع مشاركتهم في الموضوع ومتابعتهم المستمره للردود
بارك الله فيكم جميعا ً ورزقني وإياكم حسن عبادته .

ابو بندر @user_15688 · 01-01-2006

طيب الحين وش رسيت عليه ؟؟

بالنسبة لي اعرف واحد من الشباب معه GS300 واللون حقه مهب لؤلؤي لكنه ابيض ( اللظاهر يسمونه عاجي )

الصراحة خلااااااااااااااااااااع

واعتقد لو تاخذ السيارة وهي حديد ما انصبغت احسن من الذهبي :)

تراني ما ادري واش اخترت انت الى الحين .. لكنها ملاحظة

وبعدين تراك بتاخذ سيارة ماشاء الله حلوة .. لذلك اي لون بيركب ويطلع حلو

مشكوور

MR.HKR @user_19146 · 01-01-2006

بس مجرد مداخلة

حكمة شهيره/ { كل مايعجبك والبس مايعجب الناس* }
* ينطبق على اركب مايعجب الناس من لون طبعا ونوع السيارة...
كل المقدمة هذا ابوصل لشي تعرفة بعد شوي ....
*س/ انت بعدين تبي تبيع السياره ؟ اذا كان الجواب لا .....|168| ان شالله العمر كله
اذا كان الجواب نعم
ج/* مالك الا لون الماشي مع ذوق الاغلبية من الناس ( علشان السعــــــــokــــر).........

وشاكر سعة صدرك.|6|

hoobe @user_18575 · 01-01-2006

مشاء الله عليك احسينوه .... كل هذا بفعل الله عز وجل ثم الأستخارة .. سبحان الله تشوف كل الوانها وفي لحظه وحده

علشان تقارن .. انا عندي احساس ان اللون الذهبي معجبك .. بس نصيحتي لاتفكر فيه لانه لون ممل جدا ولا فيه روح الشباب .

وبالنسبة للألوان مع اخوي MAX-010 ..

وفي النهاية لايهمك كلامي ولا كلام اي واحد وخصوصآ اللألوان لأنها تعبر عن ذوق شخصي يختلف من شخص الى اخر

ومافيها شيء ولا هو عيب ان الواحد ياخذ لون كل الناس تقول عليه بايخ بس هو معجبه .. ترى فيه ناس تغير الوان سياراتها للألوان

غريبه واحيانآ نضحك عليه .. لاكن لو تجلس معاه يقولك هذي سيارتي وانا حر فيها ..

وصدقني شارور في مواصفات في تقنيه في اعطال في رساوه في اي شي الا اللون .. خذ اللي يعجبك ولا عليك من احد ..

واتمنى لك التوفيق من كل قلبي ..

والله يعطيك خيرها ويكفيك شرها ..

تحياتي للجميع ..

MAX-010 @user_19632 · 01-01-2006

حرااام عليك (( افشل لون )) ذوق شخصي طبعا

انا اشووف ان الابيض اللؤلؤي افضل لوون

بس خذ لك اي لووون في العالم

ما عدا الذهبي ومشتقاااته

والاخضر ومشتقاااته وبجميع درجاااته

Dr.moon @user_17949 · 01-01-2006

الحمد لله الي جعلك تشوف بعينك وتحكم

والله يوفقك ويحفظها من كل مكروه ومن شر العين والحسد والمصائب والحوادث

ويجعلها اعانه لك على الخير لا على الشر

وعقبالنا وعقبال من يسمع

وشكرااا

أحسينوه @user_16139 صاحب الموضوع · 31-12-2005

أخوي / hoobe

بالفعل .. يااااااااااااااااااااااااااالله .. من جد روووعه

سبحان الله .. اليوم صليت مره ثانيه ركعتين إستخاره ( بعد صلاة الفجر )

وسبحان الله .. على وقت الظهر .. رب العالمين رتب لي الموضوع

ومو بس شفت اللون الأزرق اللؤلؤي .. لأ .. وفي نفس المكان أيضا ً وفي نفس الوقت

أشوف اللون البيج .. يا سبحان الله . وكأن رب العالمين يقولي

قارن بينهم وحدد اللي يروق لك .

بدأت القصه وأنا طالع من اللاند مارك ( مجمع تسوق )

وألمح الــ GS لون أبيض لؤلؤي ( والشمس ضاربه فيها ) صاحبها يدور موقف :D

وعلى طول أركب سيارتي وأتبع اللكزس . وفجأه تغير اللون من زاويه أخرى :eek:

ويصبح أزرق لؤلؤي بحري ( سماوي ) .. وأكمل وراها ومره أخرى يرجع اللون أبيض لؤلؤي

مع إنعكاس ضوء الشمس ( وطول هالفتره والرجال يدور موقف العالم زحمه )

وأنا مستانس :D ويشاء القدر أن أرى وأنا خلفه على الجانب الآخر في المواقف

GS430 بيج :D .. وأمانة اللون البيج رووووعه روووعه أيضا ً . ولكن يبدو أنه

في الليل يكون قاتم ( ومشكلة هاللون البيج وهو قريب من الذهبي الخوف أنه يموت بسرعه )

ولكن أمانة لون حلو ويعطي السياره فخامه .

ولكن اللأبيض اللؤلؤي ( أو إن صح التعبير الأزرق اللؤلؤي ) لا يعلى عليه .

لون حلو وميزته إنه ما تعرف له رجل من راس . كل أشوي بلون

حسب الجو ..

وأيضا ً يشاء رب العالمين إني اشوف في نفس المكان GS 300 ولكن رصاصيه

لأكتشف حاجه جديده .. وهي أن اللون الرصاصي أيضا ً من زاويه معينه

يبين إنه أزرق ولكن باهت . وبالتالي تأكدت بما لا يدعو مجالا ً للشك

أن ما كنت أشاهده في الأيام الماضيه ولم يعجبني ما هو إلا اللون الرصاصي

ولكن كان من زاويه يبدو لي منها أنه أزرق <<< يبيله أراجع دكتور العين :D

===================

يعني خلاص والحمدلله .. ما راح أغير قراري ..

وبإنتظار وصول السياره على نهاية شهر يناير 2006 ( هانت ما بقى شي )

==============

ومع ذلك إذا ما زلت أخوي hoobe مصر تصور سيارتك وترفع لنا الصور

أنا ما عندي مانع <<<<< ما كنه أنا اللي طالب :D

والله يوفق الجميع

hoobe @user_18575 · 30-12-2005

ابشر احسينوه ... ان شاء الله اجيبلك صور للون في النهار وفي الليل ..

وان شاء الله بتدعيلي ..

عذب الاحاسيس @user_15092 · 30-12-2005

افضل لون بدون منازع على السيارة الابيض اللؤلؤي

تحياتي

محرك @user_18588 · 30-12-2005

بالنسبة للون ألأزرق الؤلؤي .. لون ممل ويحوم التسبد نصيحه لوجه لله ابعد عنه

طبعا الألوان تعبر عن الذوق والرقي ..

انا من رأيي الون الي قلت إذا جاء بيج مب ذهبي .. شاهي على حليب هذا خذه ونت مغمض ولله مووووووووووووووت وراقي
خاصه إذا كان من جوا اسود وووووووووووووووووووووووووك

اللون الثاني االأســـــــــود

الثالث العنابي أو العودي المحمر

الرابع كحلي

بس أستخر وربي يوفقك

أحسينوه @user_16139 صاحب الموضوع · 30-12-2005

الله يبارك لك فيها أخوي / hoobe

والله كان ودي أجي أشوفها بس أنا من قطر

طيب ليه ما تصورها وترفع لنا صورها ( صور في النهار - وصر ليليه - ولو بعد فيديو

بالجوال يكون أحلى :D )

سؤال أخير ( يبدو لي أني راح أتم على قراري في الأزرق اللؤلؤي )

السؤال :- إنت لما جيت تشتري السياره وش قالوا لك إسم اللون هل هو

Bluish Pearl Crystal Shine

وهذا هو إسمه في كاتالوج الشكه

( أخشى أن يكون هناك إختلاف في الألوان المطروحه عندكم )

أو مثلا ً Sky Blue

بالإنتظار

===================

ما هو أنا أخوي / Dr.moon

هذا اللي جنني .. تغير اللون . مع أن الوكيل عندنا يقول

ما في أزرق .. فقط اللي يجي هو الأزرق اللؤلؤي

( واللي إنت وصفته بالأبيض اللؤلؤي المائل للأزرق )

ووصفك في محله

Dr.moon @user_17949 · 30-12-2005

لا اخوي احسينوه اللون هذا ماشفته ابد في السعوديه وهذا شكله اسمه بحري نفس الي عرضه اخونا LEXUSAWY
اما الي انت حاطه تقربيا يشبه للي اقوله بس اخف شوي

والي انا اقوله فيغلب عليه البياض ومن بعيد تقول ابيض لكن اذا قربت اصبح لون ممزوج بشوية زراق لون رايق وغير موجود في اي سياره ثانيه (من الشركات الاخرى) ماعدا الجيب اللكزس LX470

وشكراا

hoobe @user_18575 · 30-12-2005

السلام عليكم

بالنسبة للون ألأزرق الؤلؤي .. لون رووووعه سواء كان في الليل او في النهار

والله من جد لايفوتك وتحس ياخي انك متميز بسيارة شكل جديد ولون جديد مستحيل تلقى نفس اللون

على اي سيارة سواء كانت فخمة او عاديه ...

والحمد والفضل للة ... انا معي GS430 ونفس اللون اللي ذكرته ألأزرق الؤلؤي

والسيارة لها معي 6 شهور والله مامليت من اللون ابدآ ..

واذا انت في الرياض بأمكاننا نتقابل وشوف وسوق وجرب على كيفك

والله لاتردد لافي السيارة نفسها ولا في اللون

وتوكل على الله ومبروك مقدمآ والله يعطيك خيرها ويكفيك شرها

ودمتم ..

أحسينوه @user_16139 صاحب الموضوع · 30-12-2005

أخوي / الـصـقـار

الله يجزاك كل خير ..

============

تسلم عزيزي / ®Xenon

على تنبيهي لهذه النقطه . وراح أراجع الشركه

وأشوف إذا عندهم السي دي ( بالمناسبه توني منتبه لردك )

===============

أخوي / LEXUSAWY

يا سلام عليك .. هذا هو أعتقد اللون الأزرق اللؤلؤي ( ولكن على إعتبار الجو مغيم فظاهر لونه

مايل للأزرق ) بس لو تكمل جميلك

وتجيب لي الإسم الرسمي للون أكون شاكر لك ومقدر

( بالمناسبه راسلت الشركة الأم وسألتهم عن اللون وأرفقت لهم صوره له

ولكن لم يعطوني رد واضح .. على إعتبار حسب كلامهم أن الألوان اللي تنزل في أمريكا

تختلف عنا )

وشوف هذا أعتقد نفس اللون اللي إنت وضعت صورته

ولكن تأثير الإضاءه ربما

فهل هذا هو اللون الأبيض اللؤلؤي المايل للأزرق أخوي / Dr.moon

؟

=================

ربي يسلمك أخوي / H.Y :D

نعم لون رهيب ..

================

لو حد منكم يصيد اللون الأزرق اللؤلؤي

ع الطبيعه وقت النهار .. ياليت يصوره فيديو ( بالجوال )

ويحط الملف .. أكون شاكر له .

لأني ما زلت في حيره .. شفت اللون عندنا في الليل وكان رهيب

وشفته ( بس ماني متأكد إن كانه هو أو لأ ) في النهار وما عجبني

لأنه كان مايل للرصاصي على أزرق ما عرفت له لون ..!

أدري جننتكم .. بس لأن السياره قربت توصل ( الأزرق اللؤلؤي )

والبيج وصلت من إسبوع تقريبا ً ومازالت في المخزن

وشفتها في الشارع وفي المخزن ( واللون متقلب جنني )

مع ضوء النهار روووعه .. في المساء يميل للذهبي القاتم ..!

صليت إستخاره .. ومازلت محتار

H.Y @user_18014 SONATA V6 · 22-11-2005

أخــوي أحسينـوه

ألـف مبروووك 00 تتـربـى بعــزك 00:D

بصــراحــة اللـون اللـي حطــه أخــوي LEXUSAWY

طـــــالـــــــعــــــــة السيارة روعــــــــــة:..

.
.
.
..
...

تحياتــــــــــي

H.Y

الـصـقـار @user_12505 · 22-11-2005

اخي العزيز هذا لون بحري

او ازرق نيكل

LEXUSAWY @user_7555 · 22-11-2005

Hello all, sorry for typing English cause of my keyboard , any way, I found some images of lexus GS, actually they'er for GS450h, I think their color is what are U talking about, I hope I could helped ... best wishes and congratulations!!!

^
^
^
^
^
^
^
^
^

®Xenon @user_7627 · 19-11-2005

اللون البنفسجي تحصله في الـ DVD الخاص بالـ GS الموجود عند الوكالة (عندنا في السعودية) ...

تجيك الـ GS 430 تتجول في أحد الطرق الجبلية ...يعني استعراض السيارة بشكل عام على هاللون .....

تحياتي

الـصـقـار @user_12505 · 18-11-2005

للاسف لا املك

ولا ودي اجيب من الموقع لان في الاغلب تكون مختلفه شوي