الكــــــــــابرس او الفورد لالا تتركوني اهيم !!!

انصحك بالكابرس

اهم شي يكون 8سلندر لان 6سلندر خرابتها كثيره

وغير كذا الكابرس اول ما نزل كان فبه عيوب كثيره بس عدلوها في 2004 وصار الكابرس يتحمل اكثر

توكل على الله ويعطيك خيرها ويكفيك شرها

فورد ابرك من الكابرس واسال مجرب

كابرس وتوكل على الله ;)

تبي نصحيتي خذ كابرس2004وفوق LTZ سلندر6قوة فخامة سرعة اقتصادية,قوة حصان 340حصان العزم 6200سي سي الون رمادي0
الفورد خرابة واجد من درجة الحرارة وبخاخت والقير اي، مطب اوحفرة تطفي بدون سبب قطع الغيار غالي الفورد من الداخل نفس المواصفات موديل 95الي 2006الحجم كبير حقت كبار السن فوردخراااااااابة واجد موديل 98فوق اسعارة في ساحة المعارض 18000الي 30000 وشكرا الف

العكس هو الصحيح |3|

تبي نصحيتي خذ كابرس2004وفوق LTZ سلندر6قوة فخامة سرعة اقتصادية,قوة حصان 340حصان العزم 6200سي سي الون رمادي0
الفورد خرابة واجد من درجة الحرارة وبخاخت والقير اي، مطب اوحفرة تطفي بدون سبب قطع الغيار غالي الفورد من الداخل نفس المواصفات موديل 95الي 2006الحجم كبير حقت كبار السن فوردخراااااااابة واجد موديل 98فوق اسعارة في ساحة المعارض 18000الي 30000 وشكراً

اخوي زي ما قلت لك خذ فورد افضل لك وبعدين اللي يقول ان الامريكي ما ينفع احب اقول له انه ما جرب

انا معي واحد امريكي فل كامل وماشي معي زي الحلاوه مع ان مشاويري خياليه باليوم من 100 الى 200 كيلو وما شفت اي مشكله

اتمنة لك التوفيق وان كانك شريت الله يعطيك خيرها وكيفيك شرها مهما كانت

تحياتي للجميع...

اذا بتاخذ فورد انتبه وانتبه وانتبه !!

من انك تاخذ استعمال امريكي
مالك الا استعمال سعودي بالفورد
-----------

وموفق
وعلى فكره من ناحية الامان انصحك بالفورد

اذا كنت تبي فخامة وقوة ورساوة وراحة في السفر كابريس وخاصة 2004 وفوق
( تكون جديدة ) لان المستعمل قليل النظيف....

اما اذا اردت رخص السعر وقطع غيار رخيصة ومستعمل فكتوريا
( عيب القكتوريا انها لم يتغير الديكور الداخلي تغبر كبير منذ اكثر من 10 سنين :confused: )

راي شخصي

بصراحة انا عندي الفورد افضل خاصة انه على شاص وليس مثل الكابرس وصلات والكابرس مشاكله كثيرة خاصة الجديد واي صدمة مع المقدمة اكتب عليه السلام صحيح انه قوي وانسيابي ولكن الفكتوريا يتميز بالحجم الكبير والراحة وتوفر القطع ومشاكله قليله وقوته مناسبة جداً وبالمناسبة الفكتوريا معتمد من قبل الدوريات وامن الطرق وبوليس اميركا ولك تحياتي

باين عليك ناوي على الكابرس
بس تبي الصدق مالك الا الفورد اخذه ونت مرتاح البال ومطمن

اذا جديد خذ كابرس

اذا مستعمل خذ فورد

تبي الصراحه أفضل لك الفورد تتحمل وتكرف وقطع رخيصه وأي واحد يصلحها هذا اذا ربك كتب أنها تخرب ومايخالف جديد أو مستعمل
والشفر قالب بلا قلب يعني مظهر بدون مضمون كشخه وقوه ولكن يبقى خريج بكلريوس الحضيره الاستراليه يعني لو أمريكي كان مايهم وما احد يخاف منه وتلقاه شكل ومضمون وشوف الكوابرس 2000 كيف أشكالها ووين ألحين تلقى واحد بالقوه وحالته حاله والفكتوريا ياحبيبي عليها بسيطه وكلاسيكيه ومن أو شكل الى الان وهي موجوده وماشيه وبكثره اتمنى لك التوفيق عزيزي تحياتي

اخوي خذ نصيحة من واحد مجرب انا معي كراون فكتوريا 97 والحمد لله سيارة ماعليها كلام مريحة وقوية وتتحمل وتكرفها زي الحمير ماتقول اح لاكن اخوي بالنسبه للكابرس ما انصحك فيه ابد صحيح ان الكابرس رزة وكشخة لاكنه ملفق وكثيرين من اخوياي يعانون من مشاكله وانا لي اثنين من اصدقاي واحد معه LTZ2002توه موظب القير عند تراي ستار اللي بالصناعيه والسياره دايم بالبيت ومايطلع فيها الا بالليل لأن عندهم سيارات كثير ومامشت السيارة اقسم بالله العلي العظيم اني ماازل عليك بحرف واحد30000 بس يعني السيارة جديدة والرجال محافظ عليها مثل هدب عيونه وش المشكله بالقير اجل لو صار كارفها وش تبي تسوي وخويي الثاني معه2003 صار معه نفس المشكله اللي هي القير طبعا اذا غير من Rالى D يطق القير طقه غريبه فانا اقولك اذا تبي سيارة تكرف كرف حمار خذ كراون فكتوريا واعتبرها نصيحه من اخوك

جرب السيارتين وشوف اللي ترتاح لها أكثر

اذا كنت ناوي على مستخدم .. فعليك بالفورد قطع غيار وصيانة سهلة جداًً وماينخاف منه خصوص .. المستعمل الخليجي ..
..
اما الكابريس أذا تقدر تأخذ جديد عليك به موتر مايتفوت قوة .. ولكن يبغى لك تحافظ عليها شوي لأنها سريعة الخراب أذا أستخدمتها بقوة .. يعني الكابريس قوة وشكل ورسمية أما الأستعمال الفورد كراون فكتوريا أفضل ..
..
تحياتي

انا اتوقع الفورد افضل اذا كنت بتستخدم اما اذا كنت تبغا الرزة والرسم خذ كابرس

اخوي تبي نصيحتي

لاتشتري مستعمل ابعد عنه

ياتشتري جديد ولا تشتري

ولا اشتر كابرس مامشى شي يعني حول الالفين كيلو

نصيحه مني لك والله خويي شاري له لومينا ss ب75 الالف

ومامشت شي تقريبا حول 12 الالف كيلو ونظيف البدي وشغلها واوكي

وجلست شهر معه والحراره ترتفع وانواع الخرابات هذا هو ناوي يبيعها

يعني حاول تحذر شوي وخاصه الامريكي مستعمل ينعاف

الا فورد الفورد متوفر بكثره يعني كانك تبي مستعمل طق لك فورد افضل لك

يا بعدهم يالغالين

طيب كم اسعارهم ؟؟؟ 2004/2005 التقريبي

وايظاً اللون الحلوووووووووو يا حلوين ؟