كابرسSS او اكوردV6

الكابرسssالافضل بالتأكيد

للأسف كثير من الشباب يتحمس ويقرر يشتري سياره دون تفكير في المستقبل وهل السياره تصلح للإستخدام الطويل والشاق وصرفيتها للبنزين وهل تمسك سعرها بعد البيعواللى لا ..... وغيرها .

أنا معاك أن الSS جباره وقويه ولكن يبغالك محطة بنزين علشان كل مشوار وهذا الكلام كلام شخص يملك لومينا SSموديل 2003 ، يقول أول ما أشتريتها دعس وقومات ولكن بعد شهر كرهتها (خرمه وفكت) ومن صرفيتها ، ويشتكي من عدم راحتها أبداً ويقول كأنك راكب ددسن.

إذا تبغا تشتري سياره لاتحكم فقط على قوتها ، إذا كنت تبغا قوه خذ لك سيفيك ب6000 ريال ولغمها ب15000 ريال وأتحدى أي SS تجيبها.

الأكورد فخامه واعتماديه وتحافظ على سعرها وصرفيتها رائعه . أسأل مجرُب ولاتسأل وكيل:D.

وأنت احكم.

أخوك:
Accord_4_ever

لا تعور راسك ماكو فايدة :D

أخوي أنت إذا تبي الشكل والفخامه والسرعه عليك بالـ SS

أما إذا تبي شي يدوم معاك وسعره ثابت عليك بالأكورد وخاصة أن الأكورد تتحمل وتشد

والخيار لك أخوي ........

السلام عليكم 00000000000

أخوي بلا حدود انا اعرف ان المسأله مب مقارنه لأن في ناس يقدرون على الكابريس و مع ذلك يشترون هوندا و يمكن اربعه سلندر
ل
كن اللي يقولك ان الهوندا 6 ايرباقات غلطان

الهوندا يا شباب من السياحي للفل ايرباقين و الكابريس ss اربع ايرباقات

و الطبلون الأخضر و الأحمر هذا طبلون رياضي و لا ترا الكابريس ltz امبيراته بيض يعني ما يقدرون يحطونه بالكابريس ss

وبالنسبه للراحه كلهم ممشاهم قاسي بس مراتب الكابريس اريح بكثير خاصه الجلد يعني الكابريس اريح

من الأخير القوه و الفخامه و المنظر و رخص قطع الغيار و الراحه0000000 للكابريس
و التحمل ومسكة السعر عند البيع و صرفية البنزين 00000000للهوندا

بس بما انك تعرف هذا الشي و اتوقع قبل لا تنزل موضوعك فاقولك

خذ لك كابريس و حافظ عليه و على صيانته و حط براسك انك ما راح تبيعه الا بعد فتره و بالنسبه لصرفية البنزين
بما ان الهوندا سته سلندر فترا مو ذاك الفرق الكبير و اضمن لك بعد ان الكابريس صرفيته احسن بالخط

و لو عزمت في الأخير على هوندا انصحك بفل الأربعه سلندر

مع تحياتي 000000000000


( لا تنسى تستخير ) حتى لو عزمت

اخوي بلا حدود

الحق ينقال ان الفخامه والقوه لصالح الكابريس وهذي مافيها طقة عصا....لكن دام انك طريت الاكورد فالأكورد سياره معروفه بانها سياره خراباتها قليله مقارنة بالكابريس ويكفيك بس انها من الافضل في فئتها.......بس هذا مو معناه ان الكابريس راح تخرب عليك لا....دام انك راح تحافظ عليها لانها اصلا مهي حقة كرف......وهذا القصد.....اما الاكورد معروفه انها سياره حقة كرف تروح وتجي فيها ماتقول لك ويص...

الكابريس لها هيبتها ومميزاتها والاكورد لها هيبتها ومميزاتها وانت الحكم .....


اخوك
اكورد فضي

يعني ما ادري تنصحوني بالكابرس لأنه اكشخ واقوى

او الاكورد عشان تتحمل وتصبر معي وهي حلوه الاكورد

وللمعلوميه اكثر شي يكرهني بالسياره الخرابات انا خالي معه كابرس 2003 خلاه يحفظ الصناعيه شارع شارع حتى اني رحت معه مره نص الورش اللي بالصناعيه يعرف اصحابها

ياشباب انتم ليش زعلانين

انا ادري ان الكابرس احسن وللمعلوميه اني مصوت للكاربس بس المشكله اني خايف من خرباته
واحسن سياره عندي حجمها متوسط هي الأكورد عشان كذا قارنتها مع الكابرس
مشكورين على الردود

تحياتي

خخخخخخخخخخخخخخخ حبيبي خذ الموتر اللي يريحك بعدين الناااس اللي شاابه على الرجال وتقووله وش جاب الكابريس للأكورد بقووولكم شى الأكورد سعر الفل 88 الف يعني 90 الف وهذي 4 سلندر أبو 6 سلندر حوول المية الف يعني لو بنشووف سعر الكاابريس مهب LS خلنا نقوولLTZ سعره حوول 90 يعني أسعارها متقااربه مهب لي ذيك الدرجة خليتوا الأكورد سيكل قداام الكاابريس وعلى فكرره الكاابرس 8 سلندر خخخخخخخخخخ يعني لو بتنزل أكورد 8 سلندر مااندري كم بايكوون سعرها خخخخ

على فكره ترااني نااوي على مووتر وأكثر سياارتين محتاار فيهم اللي فووق
سلاام
:)

يا شباب انا بصراحة اعتب على الشباب من ناحية المقارنة شلون تقارن كابرس ssبالاكورد

والله انك تنزل من قيمة الكابرس

قارنها بالومينا بالافالون والسيارات كثيره ممكن نقارنه بالكابرس


العـــــــــــــادل

ياخوي من جدك تقارن الكابريس بالأكورد لا وبعد SS ...


ياخوي الكابريس لها هيبتها لما تمشي قدامك وتحس انها رزه من جد...

صحيح الاكورد حلوه وشبابيه لكن ما توصل للكابريس...



هذا كلام واحد عنده أكورد 2005 لا وفل كامل يعني مو متعصب للكابريس لكن الحق ينقال...|3|

والله يعتمد على الشخص نفسه ...


اذا تبي سياره قويه ومريحه وفخمه خذ الكابريس

واذا تبي سياره عالية الجوده وتعمر معك وخراباتها قليله خذ الاكورد ....


والسلام

والله يعتمد على الشخص نفسه ...


اذا تبي سياره قويه ومريحه وفخمه خذ الكابريس

واذا تبي سياره عالية الجوده وتعمر معك وخراباتها قليله خذ الاكورد ....


والسلام

والله حرام عليك تقارن الكابرس باالاكورد لا وأس أس بعد خذ أس أس وتوكل على الله سياره ماعليه أي كلام والي يقول خرابات ماعنده كلام أنا معي كابرس أس أس 2005 شاريه قبل فتره ومع أني شاب عليه وما شفت منع أي شي.......................

المقارنة مو عادلة بالمرة ,,

طبيعي اي شخص بيفضل الكابرس ,,

لو انها بين أكورد و كابرس LTZ بدون فتحة وبدون جلد تنبلع شوي :D

هلا وغلا فيك اخوي


تصدق عاااد توني فااك كابريس SS لون كحلي فل اوبشن ،، <<حاط موضوعه بنتدى الأمريكي >>


والله اذا جربت قيادته صدقني بتقول كيف انا كنت اقول أكورد ؟؟

الكابرس ما فيه اي عيوب قوية ،، وانا أقولك ما يصرف أبد إذا كان على الخطوط ، وهذا اذا ما كنت الاكورد اكثر صرفيه أما بالديره لك عليه ...


ومن ناحية الراحه هذي شلها من راسك ،، ولا مهونة للجميع لاكن انا أؤكد لك وثق ثقة تامة ان الكابريس اريح بكثير
اولا الاكورد مراتبها قاسية ،، ومع المطبات وحتى عيون القطط قاسية


لاكن الحق يقال :

الأكورد اكـــــثر تحملا من الكابرس واكثر جودة ...

لاكن انت اخوي خذلك كابريس وارفق عليه

0
0
0