أبو أسد :: هلا وغلا بحبيب قلبي <<<<<<< معليش واحد يمون
كلامك ممتاز وانا فكرت في نقطة تخفيظ ارتفاع الموتر .. وودي اسألك ؟؟
:: هل يضر السيارة ::
:: السيارة تقسى زيادة في المشي واكل المطبات ::
:: وين افضل ورشه في الرياض تسويها ::
وبالنسبة للكفرات .. هل اغير كفرات وجنوط أو كفرات فقط واي المقاس والنوع تنصحني .. تراي اخذ السيارة من الوكاله مااغير
فيها شي .... وعليمي في التعديل والجنوط والمقاسات ::
ادري اني ثقلت عليك ... تسلملي ياأبو أسد ... والله وبدون مجامله تراي اثق في كل كلمة تكتبها ... واللي بتقوله بسويه على طول
تحياتي للجميع ..
لا عادي أخوي لا ثقلت علي ولا شيء بالعكس أنا أحب الي يسألني دائم وراح أجيب بقدر ما أعرف عن المعلومات
وأشكرك لثقتك بي;)
المهم
نقطة تخفيض أرتفاع السيارة هل بها ضرر هذي المشكلة ما أعرف عنها كثير
لأن كان عندي هايلكس 2005 وأنا من النوع الي ما يحب يعدل في السيارة بتاتا :D لا ترفيع ولا تغيير جنوط ولا شيء
قد تقسى المطب فيها لكن لا أعتقد بشكل كبير
أما بنسبة للورشات فمعليش ما عندي علم ومثل ما قلت لك لأني ما قد عدلت في سيارتي سابقا.
بنسبة لتغيير الكفرات لازم تغير الجنط أذا بتحط الكفر عريض جدا والناس دائم أذا جت تغير كفرات الهايلكس الدفرنسين تحط كفرات دانلوب مقاس 16*70*275 حقت اللاندكروزر والجنط يحطون حق اللاند كروزر موديلات 97 وتحت لأن الجديد الجنط ست مسامير بينما الجديد 99 وطالع خمس مسامير يعني لازم تحط كفر عريض وجنط مناسب له
قد ينفع تركب جنط البرادو بس هو جنط 17 ويدي مقاساته الكفر 17*65*265 يعني معقول بس كل ما كان الوطية أكبر والجنط أعرض صار أفضل في الطعوس من ناحية أذا جيت تنسم راح يفرش أكثر
بس ميزة الجنط الكبير لو بنشر عليك وأنت مسرع أو أنفجر يكون نسبة أنقلابة أقل من الجنط الصغير
والأمر راجع لك وش تحط أي جنط الي يريحك
أنا من رايي تحط جنوط اللاندكروزر مثل ما قلت لك جنط 16
وأي أستفسارات أنا حاضر ووصلتني رسالتك الخاصة بس أجبتك هنا علشان الكل يستفيد :D
ولا يردك إلا لسانك
أخوك أبــوأســـد|3|
