التشارجر بعد القيادة التجريبية

والله ياخوي ك أ م 370 انا ماجربت اللومينا ولا الكابرس, انا مقارنتي كانت مع الكورفيت, عشان كذا طلبت رأي الشباب اللي ساقو ولا جربو الكابرس اس اس, لأن الكورفيت صعب انك تقارنها بالتشارجر.
في الحقيقة انا عربنت على تشارجر اسود وان شاء الله الاسبوع هذا والا الجاي بتكون معي.

وياشباب لاتحرمونا من انطباعاتكم عن التشارجر الهيمي, زلكم جزيل شكري.

اخوى انا ماخذ الكلام الاكيد عن تسارع لتشارجر قالى مدير المبيعات انه سوى لها تست درايف في دبي وكانت النتيجه 5.4 ثانيه وازيدك من الشعر بيت انا اعرف واحد طلعله دوج تشارجي هيمي وقاوم مع لومينا 2004 ملغومه وهو بس شايل الدبات تتوقع كم عطى اللومينا بس عامودين فرجاء ياشباب لاحد يستهين بتشارجر ويقول ثقيل


تحياتي لكم

معليش نسيت اجاوب على سؤالين لlumina 4ever
تقديري لتسارعها من 0-100 اتوقع انه 6 ثواني او اكثر شوي, بس المعروف ان دودج اعلنت ان التشارجر ار تي تتسارع في 6 تواني, علما ان الكورفيت تسارعت معي في 4.5 ثواني.

اما من ناحية سعرها هو 127600 ريال سعودي, وانا اشوفة معقول جدا بالنسبة لقوة السيارة وهيبتها.

بس انا ياشباب عندي سؤال مأرقني, هل التشارجر ار تي 5.7 لتر تقوم على الكابرس اس اس, اللي يعرف او قاوم كابرس اس اس, لا يحرمنا من رأيه.

مشكورين على الردود,

بالنسبه لك يابو العابد مايحتاج الا انك تروح الوكاله وتطلب تست درايف, بس لا تنسى تخلى وجهك جاد وصامل عالشرى عشان يهتمو فيك اكثر.

اما ياخوي ياراعي الصابونة, انا جربت الاثنين ال6 سلندر والهيمي 8 سلندر 5.7 لتر, اما 6.1 لتر ماهي موجودة بالسعودية, يقول مسؤول المبيعات انه ممكن يجيبونها السنة الجاية 2007.

اما ياخي lumina 4ever السيارة تسارعها ممتاز, بس مش الشي اللي توقعته بالنسبة لسمعة الهيمي الكبيرة (السيارة وزنها ثقيل), بس صوت المكينة وهي تحرق شي مجنون. من ناحية مقارنتها انا جربت الكورفيت 2005 400 حصان والله الكورفيت شي يبكي, اكيد اقوى من التشارجر بكثير, بس مو من العدل انك تقارن الكورفيت المصممة رياضيا بالتشارجر السيدان, لكن ممكن تقارن التشارجر 6.1 لتر 425 حصان بالكورفيت 400 حصان.

واخيرا, اشكرك يالشمري على ردك المحفز.

بسم الله الرحمن الرحيم





السلام عليكم ورحمة الله وبركاته وبعد،،




الحقيقة اتاحة بعض من الوكالات لقيادة المركبات الجديدة تعد خطوه جيده ليكون المرء قريب اكثر من المركبة لمعرفة كل صغيرة وكبيرة على الرغم انها فتره واحده، لكن لا يمنع ان يكشف امورا تكون اكثر دقه مقارنة في وصف زميل له . حسب ما اعلم ليس شرط ان تشتري المركبة على الرغم يحق لك التجربة .

اخيراً وليس بآخر نشكرك اخي الفاضل a8j2 جزيل الشكر لكل ما تفضلت به، كما اشكر كافة الاخوة لتفاعلهم مع الموضوع، ولكم من اخاكم كل الود والتقدير .





مع فائق احترامنا لشخصكم الكريم - الشمري




.

بالنسبه لشكل السياره عادي ومافيه تفاصيل كثيره....................بالنسبه لرايي فيه (جيدجدا) :rolleyes:

.........كم تقديرك لتسارعها من 0-100 اذا كنت جربت ....؟

...اذا كانت لك تجربه لسيارات ثانيه رياضيه .....بتقارن التشارجر بـ؟؟

......يعد ماركبتها وجربتها وشفت مستوى مركبها وداخليتها ومكينتها وكل شي :D شرايك بسعرها؟؟تستاهل؟؟

بأنتظار اجابتك... |3|

طيب وش مكينة التشارجر الي انت جربته 6 سلندر والا 8 سعة 5,7 لتر او 8 سلندر سعة 6,1 لتر بقوة 425 حصان؟؟؟؟؟؟؟

الله يعطيك العافيه كيف تجربها تروح الوكاله و على طول يعطوك التجربه ولا تسجل اسمك ولا كيف

تماسكها في المنعطفات ممتاز, تلف معك كأنها قطعة وحدة.