هل صحيح شكل الاكورد 2006 تجريبي وراح يتغير 2007 ..ما رأيكم؟؟

يجماعه نتمنى طرح آرائنا بدون تعصب للرأى الذي نتبناه الحقيقة سيارات الاكورد مليانة ومتكدسة بالمستودعات وتم طرح نظام التأجير بالتعاون مع البنك الآهلى لتسويقها لدينا وفعلاً المبيعات ولم تحقق نجاح ماحققه الموديل السابق وهذا يرجع لأعتبارات اقتصادية عديدة وليس لنوع السيارة هذا ماقاله لى أحد الزملاء ويعمل مع الوكيل هاشم لشركة هوندا

لو ذكر الأفالون معنى هذا تقليل من شأنها ...

لأنها اعلى من منزلة الأكورد |1|

والله المفروض تتغير 2005 احلا شكل

تتغير عام 2008

عارض بدأت تتهافت على الأكورد من جديد



مصداق لكلامك

المعارض بدأت تتهافت على الأكورد من جديد .. من 2003 وحتى 2006 .. بعد فترة خمول

انفينتي كلامك 100%

أخوي نيسان للأبد مع إحترامي الشديد لك لكن أي كلام قاعد تقوله الله يهديك ياأخي الهوندا أكورد اثبتت مبيعاتها وبجدارة خارجة عن العادة ياأخي أنا في الرياض أشوف الهوندا كورد مثل الرز شوي وراح تنقلب تكسي لولا غلا قطع غيارها كان كانت تكسي من زمان لانها ياباني 100% وتعيش صحيح أن القطعة اللي تحطها فيها غالية لكنها تدوم إلى 50000 أو 60000كم فرجائي للاستاذ الكريم نيسان للأبد وإخواني الأعضاء أنهم ما يردون إلى وهم متأكدين من مصادر موثوقة 100% الطلبية على هوندا أكورد 2006 بالهبل لدرجة إني أعرف ناس راحوا يبيعون 2005 ويشترون 2006 ورح شوف السوق 2005 ما عاد تنبغى مثل أول ماشاء الله عليها الهوندا كورد الجديدة مثل اللكزس في مظهرها من الخارج وفي فخامتها من الداخل والحمد لله توني مطلع وحدة جديدة بعد إقتناع كبير بشعبية هذهي السيارة وكنت راح اطلع الألتيما لكن الحمد لله إني ماشريتها الأكورد لك وللزمن وسعرها فيها يانويت تبيعها كيف ما تبغون الناس يرغبونها والله حرام عليكم ردود بلا أدله الله يهديكم .

شيء طبيعي إن مبيعات السيارة تقل كلما اقتربت من التغيير الكلي ، مع إني أشوف الاكورد 2006 مليانة في الشوارع ، لكن قلة المبيعات متوقعة

والله اتوقع والله اعلم تتغير في 2008

وفين الافالون من بينها :D ؟

السلام عليكم

بحكم معرفتي بالهوندا فهي تتغير كل 5 سنوات وتمر بمرحلتين

تغيير جزئ بعد سنتين او ثلاث سنوات وتغيير كلي بعد خمس سنوات

تشوفون الموديل السابق نزل 98 وتغير بشكل جزئي في 2000 وتغير بالكامل في 2003 وحصل تغيير جزئي في 2006
فغالباً راح يحصل التغيير في 2008 او 2009 والله اعلم

مــــا أضن الإ بــ 2008

والعـــلم عند الله


تحياتي :

aza2006

.............................

لكن هل تتوقع ان شركة هوندا تفكر مثل تفكيرك انت ويااااااه

شباااب روحوا الماعرض تجدون الاكورد 2006 مكدسة عندهم (( مضيقة عليهم من كثرتها لايوجد من يردها )) بعكسها في موديل 2005 طلبيات ومدري ايش انتظر 2 شهر و ارتفاع اسعار في المستعمل ... و الخ .

الشركة الان مبيعاتها لم تصل الى مبيعات ال 2005 والسبب وجود منافسين اثبتوا مكانهم :
1- نيسان التيما .
2- هونداي ازيرا .
3- هونداي سوناتا.

..... الخ ،،

احتمال كبير يتغير الشكل وهذا الي عندي


.

بالنسبة للتغير .. انا يوم أخذت سيارتي الأكورد 2006 .. سألت الموظف .. وقالي : سياسة هوندا .. يتغير الموديل كل 5 سنوات .. يعني 2008 يكون الشكل الجديد ..

* بالنسبة لشكل 2006 انه تغير .. بالفعل تغير .. لكن لا يتعبر تغير جذري .. انا اشوف الفروق بينه وبين 2005 .. في الطبلون + الشكل الخلفي كلياً + وجود كشافات + جنوط + النظام الجديد + القير فقط .. ( ما ادري يمكن نسيت شي )..

بالمختصر المفيد .. تطمن .. صعبة يغيرون الشكل جذرياً .. وتوهم منزلين موديل مستحدث له .. ماله أقل من سنة ( يعني تغيرات بسيطة )..

اي خدمة .. حنا حاظرين ..

من قالك إن التغير هذا تغير كلي ؟

هذا يعتبر في نفس الجيل ، والوعد في 2008 إن الله أحيانا ، بتشوفون الاكورد الجديدة كليا ، وأتوقع ما راح ترحم المنافسين