أيهما أسرع وأفضل : كامري 6سلندر او مكسيما ؟

هلا وغلا فيك أخوي

1- الماكس 260 ،، الكامري 240 >>> جير أوتو 238

2-الماكس أقل صرفيه إذا كان جير الكامري اوتو أما جير الكامري عادي فيكون أقل (( معلومة : أي سيارة حتى لو كانت 8 سلندر اذا كنت تمشي بركادة وهداوة مستحيل تصرف بشرط أن لاتتعدى 3 بـRPM،، وبالخطوط 140 .

3-قطع الغيار الماكس أرخص في الأغلبية أما الأساسيات فالكامري (( ملاحظة الماكس نزل اسعار قطعها من العام الماضي ))

4- الكامري ،، لاكن ليس بفرق كبير ،،،،، وتذكر أنك أخت الماكس أقل من الكمر

5- الماكس أفضل بالكماليات والمواصفات بالنسبة للفل 6

6- الماكس أقوى تحمل بالخطوط إذا كان قصدك الماكينة

7- ذكرت ذالك في 1 ،، 2


وكلامي عن تجربة وعندي كامري 2003 فل أوبشن اوتو أي سؤال حاضر


0
0
0

والله ياهاني ان معاي تورينج 2005 قير عادي والله ياانه ارهابي وممغطه تمغيط على خط الجبيل الدمام

شوية تعديلات بدون ماتقرب المكينه مع تمغيط محترم

اتقاوم مع الماكسيما والله مااذكر يوم ماكس تقاوم معاي وراح عني

اكورد التيما 4 سلندر مافيه امل تجيبه

غيرت كفراته والغيت الدبات ماعدا الدبه اللي ورا وخذ عزم ماشالله واللي لاحظته بشهادة واحد من الشباب اللي معاي ان صرفيته اقل من الكامري 4 سلندر واللومينا

والموتر صبور ويتحمل ماعدا القماشات احيانا ماتكمل معاي شهر ونص |3|

انا اقول لك إذا ماخذت المكسيما راح تندم

أنا أخوي يوم درا اني شريت مكسيما جاني يقول لي ليش ماأخذت كامري وعصب علي يقول انت بس تشوف ربعك وتبغا تشتري مثلهم

بعدين يوم جرب المكس قال لي والله عرفت تختار

وبعدين ترا مو كل القطع غاليه بالعكس في قطع أرخص من الكامري

أنا بالنسبه لي في قطعه للمكسيما ( جمبين ) قلت بغير الثنين اللي ورا قالو لي سعرهم ثنينهم بـ 400 أصلي

سألت عن جمبين الكامري قال لي الواحد الأصلي بـ 500 يعني اذا بتغيرهم ثنينهم يطلع عليك بـ 1000

يعني تفرق من قطعه لقطعه وبعدين تراها مو غاليه لذيك الدرجه

وبالنسبه للصرف والله انها ماتصرف اذا كنت راكد بالعكس تكون صرفيتها معقوله جدا لكن إذا دعست تصرف صرف الشر أعوذ بالله

وبعدين اترك الكلام اللي ماله داعي تتهربد ومدري ايش

على كثر المكاسيم اللي شريناهم وشفتهم ماعمري فحياتي شفت وحده متهربده

يمكن بس وحده فمعرض موديلها 97 الوحيده اللي شفتها متهربده وشكله راعيها كارف امها كرف

اشكرك يالغالي في البدايه

بالنسبه لايش نزل سعرها
كلامك ممكن يكون صحيح لاني بصراحه استغربت فل بـ 37 الف...




----------------------
عندي اضافات بسيطه

المكس تفرق بجناح وبدون جناح

اذا كانت جناح ووكاله يعني الجناح من الوكاله

فجناح المكس يزيد ثبات السياره بنسبة 30%


اسف على الاطاله
واعتذر لصاحب الموضوع

تحياتي

يالغالي يبو نواف,,,
ما اكذبك انك حصلتها بـ37 الف,,
بس هل فكرت ايش اللي نزل سعرها؟؟؟
الجواب:
مصدومة صدمة شينة ومسمكرة

يا شباب المكس رساوه وثبات ما عندك احد

السياره تتهربد بس خذ مطب وشف كيف السياره تصير معك
صرفية بنزين اكثر من الكامري عند الدعس

ما تمسك اسعارها

اجل 2003 فل ابشن بـ 37 الف !!!!! محصلها بالمعارض

والجديده السياحي بـ 60 الف !!!!!!!!

انصحك يالغالي بالكامري وان قدرت تصبر وتاخذ 2007 يكون افضل

1- كم أقصى سرعه تصل اليها كل من - كامري 6 سلندر - مكسيما ؟
الكامري الـ 4 تفصل عند 230 بس الـ 6 ماادري والله بس اتوقع نفس الشي لانهم كلهم طبلونهم 240
والمكسيما الي سمعته انها تجيب 250
يعني هنا تفوقت المكسيما

2- ايهما اقل في صرفية البنزين ؟
الكامري

3- ايهما اغلى في قطع الغيار ؟
المكسيما بالراحه لان اغلب الناس مايشترون الكامري الا عشان رخص قطعها

4- ايهما افضل من ناحية القيمة في البيع ؟
الكامري

5- ايهما افضل في المواصفات والكماليات ؟
المكسيما

6- ايهما اقوى في الخطوط الطويله والتحمل ؟
اذا كان قصدك تتحمل الكامري

7- وماهي اهم الفروق بين الكامري 4 سلندر و 6سلندر وخاصة من ناحية السرعه وصرفية البنزين ؟
الفرق الله يسلمك اذا كان قصدك فل كامل
1-تحكم كهرب للمراتب الاماميه
2-4 ارباقات
3-جلد
4-الجنوط تفرق ((اصليه مو شغل ابو جميل))
5-مكيف الكتروني ((باللمس))

وبالنسبة للسرعه اكيد الـ 6 اقوى

والصرفيه مااتوقع ان فيه فرق كثير بس ولو الـ 6 تصرف اكثر من الـ 4


واتمنى اني افدتك يالغالي

واي شي انا حاظر...

يا شباب المكس رساوه وثبات ما عندك احد

السياره تتهربد بس خذ مطب وشف كيف السياره تصير معك
صرفية بنزين اكثر من الكامري عند الدعس

ما تمسك اسعارها

اجل 2003 فل ابشن بـ 37 الف !!!!! محصلها بالمعارض

والجديده السياحي بـ 60 الف !!!!!!!!

انصحك يالغالي بالكامري وان قدرت تصبر وتاخذ 2007 يكون افضل