اصحاب السوناتا 2006 فقــــــــــط

بالسعر اللي تقول عليه اخوي.. خذها وانت مغمض.. انا ماخذ سياحي مجرد قير اوتو وتخشيبه ومثبت وجنوط وكشافات ودركسون جلد.. ب 51500 ريال وانت تقول جنوط 17 وجلد وفتحه ب 54000 ريال .. اظن ان فيه خطأ.. لان اللي تقول عليها ب 66000 ريال ويمكن نزلت ل 64000.. اما 54000.. يا ليت تتأكد من السعر

ومن ناحية السياره.. الصراحه حلوه وما عليها كلام واللي قد جرب الكوري قبل 5 سنوات وساق السوناتا الجديده بيحس بفرق كبير في الجوده

السياره مالها معي شهر ونصف وماشية 9 الاف وما شفت منها الا كل خير واستخدامي لها اقرب للسيئ بصراحه

نصيحة لوجه الله.. ان كان الفرق بين الاربعه سلندر والسته شي بسيط.. انصحك وبعنف بالستة.. اول شي القير 5 غيارات وثانيا اقوى مكينة طبعا والصرفيه ما اتوقع تفرق كثير

والله يعطيك من خيرها ويكفيك شرها مقدما
آسف على الاطاله..

توكل على الله وخذها ترها تستاهل اكثر من السعر ذا.............. توكل على الله

اول شي انا ما اشتري كوري


الاكورد 2005 انا شراي لها وراسلني على الخاص

يسلمو شباب على ردودكم الحلوه ومقدر وممنون والله وان شاء الله بنشتري نهايه الاسبوع سوناتا فل كامل مع فتحه
وجلد وجنوط 17

وبالنسبه شباب لسعر 54000 ريال انا ماقلت مستعمل عشان تقولون ماشيه عشر الاف او غيره انا اقولكم جديييييييده على الزيرو يعني وكاله بس بالمعارض
بدون حتى لوحات وانا شايف اكثر من عشرين وحده زيها والوكيل المجدوعي يعني
مامشت كيلو واحد واي استفسار انا حاظر وشوي اخذ الاسعار من المعارض وراجع


على العموم الكلام هذا في معارض حفر الباطن
ولكم جزيل الشكر على ردودكم وربي طمنتوني
بالنسبه للاجار ما اقدر احكم اجرت سوناتا او شي قير عادي وثاني شي كم بستأجرها يوم يومين ثلاث
ما اقدر احكم عليها زي اللي شاريها ومسافر عليها
وشاكر لكم مره ثانيه
:)

هلا أخوي الزاحف :)

اذا تبغى أنا أجيب لك سوناتا فل كامل سته سلندر ماشيه 2ألفين فقــط البدي سليم 100% وعلى الشرط يبغى فيها 36 الف بــــــــــس

بس اللي يجيلك منها أنت تتحمله بعد ما تشريها


وكذالك أكورد 2005 ماشيه 5الاف بـــــــــــــــــــس سياحي فتحه بـ 20 الــــف :)


اذا تبغى مثل أشكال هالسيارات أنا أجيبها لك بس أنت تتحمل ما يجيك بعد ما تشريها ولا تدعي على اللي بايعك

السيارات محصلها بمعرض بعنيزه وهي موجودة الآن



0
0
0

نصيحة: جرب السيارة تحصلها في محلات الايجار.....

شوف اخوي اذا كنت تملك "كابرس" اتوقع ال4 سلندر ماتناسبك..ال6 سلندر قوتها معقولة بالنسبة لك...

بالتوفيق....

ASD0777 :

ألـــف مبروك أخوي مقدما

1- هل تستاهل سعرها ؟

تستاهل وأكثر بعد بدوون مبالغة
2- اخذ بفتحه او بدون لان عندي تحفظ على الفتحه ؟
والله أنا زيك ما أحب الفتحه ،، طبعاً بالسيارات الآسيويه فقــط !!
3-هل شراء السياره مع استخدام معتدل يغني عن الصيانه لمده 3 سنوات على الاقل ؟
أنا ماأقدر أقولك شيء لكن فيه سوناتا 2005 لها الآن سنه و4 أشهر مكروفه كرف ولا خشت الصيانة أبد والحين ماشية زي العسل
4- 6 سلندر او اربعه افضل ؟
طبعاً أكيد الـ6 سلندر أفضل
5- متى شريت سيارتك؟
فيه 2 :) وحده في تاريخ 2\9 \1425 والثانية بعدها بشهرين او اقل

،،،،،،،،،،،،،،،،،،،،،،،،،،،،

على العموم خذها وصدقني ماراح تندم خاصة اذا كنت محتار مع كامري أو أكورد سياحي


×××××××××××××××××××× خاااااااااص ×××××××××××××××
الشباب اللي تقولو سوناتا نزل سعرها أبغى فل كامل 4سلندر 55الــــــف وين أحصلها بأي معرض ؟؟؟؟؟؟
أخوي الزاحف شلون تقول طايحه اسعار السوناتا وانا امس بمعارض الرياض محصل الفل بـ61 الف ؟؟؟ شلون قصدك مستعمل والا كيف !!!!!!!!!!!!!


0
0
0

انا لي اسبوعين وانا يوميا افر المعارض ادور سياره لاحد اخوياي

للاسف
اخوي اسعار السوناتا والازيرا طايحه


تخيل اني لقيت ازيرا فل كامل ما مشت الا 4 الاف كيلو فقط بـ 66 الف رحت وطي مع السياره وخشت مزاجي


حصلت سوناتا 6 سلندر كانت ماشيه تقريبا حوالي الـ 10 الاف بدون فتحه وفيها ايرباق للسائق بـ 45 الف

...

مراحب فيك اخوي الغالي ...

انا معاي سوناتا 2006 4 سلندر اوتو ... والسيارة لها معي سنة وشهرين تقريبا ...

وماشي فيها 30 ألف واستخدامي سيء قليلا ... لكني احافظ عالصيانة ....

والحمدلله السيارة ممتازة معاي ولا عانيت فيها اي مشاكل :) ...

والوكالة ما راجعتها الا مرة وحدة في صيانة ال 20 الف فقط ....

بالنسبة للسوناتا اللي لقيتها بالسعر هذا فانا اقول خذها بدون تردد أبدا ...

خصوصا انها مواصفات جدا رائعة على كلامك ( جلد وجنوط 17 وفتحة )

حتى اني مستغرب كيف لقيتها بسعر 54 الف بس !

وبالنسبة للاسئلة اللي سألتها ...

1- تستاهل سعرها بقوة ... انا معاي سياحي وشاريها ب 50 الف ولا عمري تحسفت .. فما بالك تشتري فل كامل بالسعر هذا ؟ :)

2- خذ فتحة أكيد ..

3- يغني بكل تأكيد .. خصوصا اني مجرب الموديل السابق 2003 وماشي في السيارة 90 الف ولا يوجد فيها اعطال كبيرة .. فما بالك بشكل جديد كليا ومتحسن بنسبة كبيرة جدا ...

4- الستة سلندر على تجربتي افضل بكثير ... قوة كبيرة واستهلاكها جيد ومقارب لل 4 سلندر ...

5- شاريها قبل سنة وشهر مثل ما قلت لك ,.,,

واي اسئلة انا حاضر ... واهم شي تعلم بالسعر قبل لا تشتري ... عشان نشوف تستاهل السيارة ولا لا :)

تحياتي

هلا SOSO2004
يسلموووووو على التجاوب السريع
اناا اقصد بالصيانه هو الاعطال لمده 3 سنوات لان انا مشتري سياره جديده عشان ما اوقف عند ورشه ابد
اخوك معاه كابريس 2000 اعرف ان الراتب بكره اذا تعطلت